យ៉ូហាន 2:13 - ផាប់ គ្រែដៃ

¹³ ឞ៊ុន ក្លង ហ៊ូត មែ សាត យូដា ឞ៊ែត ម៉ា ប៊ឹះ ឡើយ។ អ៊ែ ឡើយ គ្រែដៃ យីស៊ូ ឌឹក នឹង មឿង យីរូសាឡឹម។

យ៉ូហាន 2:13 Iomraidhean Croise

ម៉ាថាយ 21:12

អ៊ែ គ្រែដៃ យីស៊ូ មុត ទឹង ហ្នាម ហ្មបះ គ្រែដៃ អ៊ែ ហ ឌ្រុះ តវីះ បូវ ឡា ហ្មពួត ររួត ទឹង អ៊ែ។ ហ សគូប តាក់ តុ តាំង មែ ឡា វ៉ាក់ លៀន វ៉ា ឝ្រណើវ ត្រិច មែ ឡា ហ្មពួត ជែម ព្លឹក។

ម៉ាកុះ 11:15

គ្រែដៃ យីស៊ូ វ៉ា បូវ លុកស៊ិក រ៉ិ ប៊ឹះ មឿង យីរូសាឡឹម អ៊ែ ហ មុត ទឹង ហ្នាម ហ្មបះ គ្រែដៃ។ ហ ឌ្រុះ តវីះ បូវ មែ ឡា ហ្មពួត ររួត ទឹង អ៊ែ ហ សគូប តាក់ តុ តាំង មែ ឡា វ៉ាក់ លៀន វ៉ា ឝ្រណើវ ត្រិច មែ ឡា ហ្មពួត ជែម ព្លឹក

លូកា 19:45

គ្រែដៃ យីស៊ូ មុត ទឹង ហ្នាម ហ្មបះ គ្រែដៃ  អ៊ែ ឡើយ ឌ្រុះ តវីះ បូវ មែ ឡា ហ្មពួត ររួត។

លូកា 2:41

ត្រំ កម៉ សាគ់ មែ យូដា ឌឹក នឹង មឿង យីរូសាឡឹម បើម ឞ៊ុន មែ ឡា ជុ រៀន «ឞ៊ុន ក្លង ហ៊ូត» អ៊ែ មឺគ បើគ អ្ងគ្លែត អ៊ែ អ្មប្រា ឌឹក នឹង មឿង យីរូសាឡឹម ពទឺ។

យ៉ូហាន 11:55

ឞ៊ុន ក្លង ហ៊ូត សាត យូដា ឞ៊ែត ម៉ា ប៊ឹះ ឡើយ។ ប៊ិច មែ អើន រ៉ា ញឺស ឝឹត ស្រ៊ុក តគ់ ស្រ៊ុក នែ ឌឹក នឹង មឿង យីរូសាឡឹម បក់ឌី បើម ឞ៊ុន ពឆ្រះ ចាក់ ឋួរ ប៊ឹះ ឞ៊ុន ក្លង ហ៊ូត។

យ៉ូហាន 13:1

ណាគ់ សាគ់ ឋួរ ឞ៊ុន ក្លង ហ៊ូត  គ្រែដៃ យីស៊ូ ណោះ រៀន តង៉ៃ ប្រម៉ត់ ហ ឡា ត្រ ញឺស ឝឹត ពដិះ គ្រែ នែ ជឹ ហ្មិះ នឹង គ្រែដៃ បើគ ប៊ឹះ ឡើយ។ គ្រែដៃ យីស៊ូ រូគ ម៉ើត ឌី បូវ ហ ឡា គូ ទឹ ពដិះ គ្រែ នែ អ៊ែ ហ រូគ ម៉ើត ឌី មែ ប៊ឹះ ហ៊ឹ តង៉ៃ ព្រឡូច ពទឺ។

យ៉ូហាន 2:23

ណាគ់ ប៉ះ គ្រែដៃ យីស៊ូ ឡា ណាគ់ កនុង មឿង យីរូសាឡឹម កនុង សាគ់ ឞ៊ុន ក្លង ហ៊ូត អ៊ែ ប៊ិច បនិះ ទុត អើន ឡា សឿ មឹង ហ ឌី តៃ ឞន សឝ៉ាវ ឡា ឆង៉ាត់ ហ ឡា បើម អ៊ែ។

យ៉ូហាន 5:1

ដូវ អ៊ែ ឡើយ ប៊ិច ឞ៊ុន មែ សាត យូដា មូយ។ គ្រែដៃ យីស៊ូ រ៉ិ ហ្មិះ នឹង មឿង យីរូសាឡឹម។

យ៉ូហាន 6:4

សាគ់ អ៊ែ ឞ៊ុន ក្លង ហ៊ូត  ឡា ត្រ ឞ៊ុន ទិះ សាត យូដា ឈឹង ដាល់ ម៉ា ប៊ឹះ ឡើយ។