ណាង អ៊ែសថើរ 2:14 - ផាប់ គ្រែដៃ

¹⁴ កទ្រី មរ៉ាៗ ត្រ រ៉ិ ហ៊ឹ យ៉ាគ់ សឋិច ហ៊ឹ អ្មប៊ឹ ហ៊ឹ ប្រ៉ាត ណាង ជឹ ហ៊ឹ ហ្នាម បូវ កទ្រី ដដិ មូយ ឋាវ្គ ហ៊ឹ ឞន យ៉ាគ់ សាសឝ៉ាស ឡា កន់ មែ អ៊ែ ហ ឡា ប៉ិន ទិះ ក្រាគ់ រង់ហៃ រ៉ាង ទឹង វ៉ាំង សឋិច វ៉ា ណាក់ រង់ហៃ រ៉ាង ទ្រី ដូច យ៉ាគ់ សឋិច។ ណាង អ៊ែ តប៊ិច ស៊ិត ជឹ ត្រិចទឺ ហ៊ឹ សឋិច យ៉ាវ តកាយ យ៉ាគ់ សឋិច ម៉ើត ដូវ វ៉ា កឡូវ ត្រ ម៉ាត់ ហ។

ណាង អ៊ែសថើរ 2:14 Iomraidhean Croise

កណើត ពដិះ គ្រែ 34:19

ស៊ីគែម អ៊ែ និះ តា សំឞាក់ សំឞន់ ប្រើយ ហ បើម កាន ហ អ៊ែ ឌីខង ហ ដុង ហូក ឌី កួន ប្រោះ យ៉ាកុប ម៉ៃៗ។ ទឹង កនូ បើគ ហ ឡា សឋិច អ៊ែ ឡូវ ស៊ីគែម ឡើយ មែ ឡា អៀល ម៉ាគ់ ជឺរ មែ។

ណាង អ៊ែសថើរ 2:13

ទឹង វីឡា ណាង ឡា ត្រ មុត ហ៊ឹ យ៉ាគ់ សឋិច ណាង ម៉ើត ចក់ នែវ ឆិ ឝឹត ហ្នាម បូវ កទ្រី រ៉ិ ហ៊ឹ វ៉ាំង សឋិច មែ អាំ លែក តាក់។

ណាង អ៊ែសថើរ 2:15

អ៊ែ ចនែក ណាង អ៊ែសថើរ កួន យ៉ាគ់ អប៊ីហ៊ែល ប៉ ម៉ាឌែកាយ ឡា ចក់ ចៀម បូញ ជុ ប៉ាគ់ កួន កឡឹ សាគ់ ណាង ឡា ត្រ ប៊ឹះ វីឡា មុត ហ៊ឹ យ៉ាគ់ សឋិច អ៊ែ ណាង តប៊ិច ឡា នែវ ឆិ អ៊ឺម ប៊ិច ឡូវ សនឺ យ៉ាគ់ ហ៊ែឝ៉ាយ ទិះ ក្រាគ់ ឡាប់សៃ សឋិច ឡា ណាក់ រង់ហៃ រ៉ាង បូវ កទ្រី សឋិច ឡា អាំ ឌី ណាង កាស អ៊ែ ឡើយ។ ណាង អ៊ែសថើរ ហ ប៉ិន កទ្រី មែ ឡា រូគ ម៉ើត ខរ៉ុប អៀល ម៉ាគ់ ហ ត្រំ រ៉ា។

ណាង អ៊ែសថើរ 4:11

«លែក បូវ ឡាប់សៃ វ៉ា បូវ ពសាសន់ កនុង ឃែត យ៉ាគ់ សឋិច ផត់ ឌី មែ ណោះ រៀន បនិះ ឆិ កតាម តរៀន ឌី កទ្រី តរៀន ឌី កឡ ឡា ហាន មុត ហ៊ឹ យ៉ាគ់ សឋិច ហ៊ឹ កនុង កនូ យ៉ាគ់ សឋិច អ៊ែ រ៉ះៗ តប៊ិច យ៉ាគ់ សឋិច កឡូវ អ៊ឺម ម៉ា ត្រ ថូត ប៊ឹះ គែត ត្រ សយ ចឞាប់ ឡា ប៊ិច ចួរ ជុ ផឿ ឌី បនិះ លែក រ៉ា។ ហាក់ឌី ប៉ាគ់ យ៉ាគ់ សឋិច ពយ៉ ឡង បើម ឌី ឆៀង អ៊ែ ដូវ ញិវ។ ចនែក អៃ នែ មិញ យ៉ាគ់ សឋិច តដូវ កឡូវ អៃ មុត ហ៊ឹ ហ មូយ ខៃ ឡើយ»។