ហណាយ 12:20 - ផាប់ គ្រែដៃ

²⁰ សាគ់ អ៊ែ សឋិច ហ៊ែរ៉ូត ហ ហហ៊ឹន ម៉ាំ ខាក់ៗ ឌី មែ មឿង ទីរ៉ូស វ៉ា មែ មឿង ស៊ីដូន។ មែ មឿង អ៊ែ ចន់ដ្រា អ្មបារចាក់ រ៉ិ ហ៊ឹ សឋិច ហ៊ែរ៉ូត អ៊ែ ឡើយ មែ ម៉ិច ហ្មម៉ាង ឡា ហ៊ឹ ប្លាស់តុស អ្នដៃ បក់ឌី ហ ម៉ា មុត ម៉ិច ហ្មម៉ាង ហ៊ឹ យ៉ាគ់ សឋិច ហ៊ែរ៉ូត អ៊ែ។ ប្លាស់តុស នែ ហ ណាក់ រង់ហៃ រ៉ាង កនូ សឋិច ឡា ហ្ងាន់។ បូវ មែ ឡា ហ៊ឹ សឋិច ហ៊ែរ៉ូត អាំ មែ ត្រ អ្មបារចាក់ វ៉ា សឋិច អ៊ែ មិញ ឌីខង មឿង បូវ មែ អ៊ែ មឹង ចណង់ ចណា ឝឹត ពដិះ សឋិច ហ៊ែរ៉ូត អ៊ែ ឡើយ។

ហណាយ 12:20 Iomraidhean Croise

កណើត ពដិះ គ្រែ 10:15

កាណាន ហ ពឝ៉ើត ស៊ីដូន ឡា កួន ឡង់ ហ វ៉ា ហ៊ែត

កណើត ពដិះ គ្រែ 10:19

អ៊ែ ពដិះ បូវ កាណាន៖ តើម ពឹង មឿង ស៊ីដូន ព្រញ៉ោះ ហ្មិះ ហ៊ឹ មឿង ឝីរ៉ា និះ ប៊ឹះ មឿង ឝ៉ាសា អ៊ែ ឡើយ ព្រញ៉ោះ ហ្មិះ ហ៊ឹ មឿង សូដំ មឿង ឝ៉ូម៉ូរ៉ា មឿង អាតម៉ា វ៉ា មឿង ស៊ែបូអ៊ីម និះ ប៊ឹះ មឿង ឡាសា។

លូកា 16:8

កន់ដ្រាគ់ ឡា ប៊ិច រ៉ាស អ៊ែ ហ ព្រតឹះ ឞយ តហ៊ិ ឡា ណោះ ព្រញ៉ា អ៊ែ។ ត្រ ឡើយ បនិះ ទឹង ពដិះ គ្រែ នែ មែ ណោះ ព្រញ៉ា ប្លិច ចាក់ ជឺរ បូវ មែ ឡា សឝ៉ាវ តប៉ៃ គ្រែដៃ ឋាវ្គ។

ហណាយ 12:21

ប៊ឹះ តង៉ៃ ប្រម៉ត់ សឋិច ហ៊ែរ៉ូត ហ វ៉ើន ហក ខូ អាវ ទិះ សឋិច គូ ទឹង ឝ្រែ អ្នជឺង ទឹង ឞន តាត់ស៊ិន កឍី សារ អ៊ែ ឡើយ ហ ម៉ាង ហ្មិះ ហ៊ឹ មែ ខំឡាំង។

ហណាយ 21:3

ប៉ះ អ្យា ឡា ឈឹង ដាល់ ប៊ឹះ តកួល ដាក គីប្រ៉ុះ អ្យា វៀរ តូយ ចម៉ា ដក់ ដាំង ឃែត ស៊ីរី ប៊ឹះ ឃែត ស៊ីរី ឡើយ អ្យា អ៊ឹង ទឹង មឿង ទីរ៉ូស បក់ឌី ចក់ ពឌឺស រ៉ាស មែ ឝឹត សំបូវ។

ហណាយ 21:7

អ្យា ញឺស ឝឹត មឿង ទីរ៉ូស រ៉ិ ប៊ឹះ មឿង ផថូលីម៉ៃ អ្យា ដក់ ទ្រូង ដាក អ៊ែ អ្យា ឡូច កាស ឌិវ ណិះ ឡើយ។ អ្យា ឌឹក តង៉ា ឡា បូវ អ៊ូគ ប៉ អោះ អូយ ឡា សឿ ទឹង មឿង អ៊ែ អ៊ែ ឡើយ គូ សំឞ៊ឺន អរែង វ៉ា បូវ មែ មូយ តង៉ៃ។