तीतुस 1:1 - Walangi

¹ में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

तीतुस 1:1 Iomraidhean Croise

लूका 18:7

जे दन रात परमेश्वरे प्रार्थना कते रेहन्ते, कि परमेश्वर तेन्हि तेन्के दुश्माणी केआं ना छुड़कान्ता नउ ना? कि से तेन्के बारे चेरे सोचता ना?

प्रतिनिधि 13:48

त ईं शुण कइ गैर यहूदी मेह्‍णु खुश भोई गे, त परमेश्वरे वचने गुणगान करण लगे; होर जतर जेईं अमर जीवने लिए ठीक किओ थिउ, तेन्हि विश्वास किआ।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

2 कुरिन्थ 1:1

ट्यारे कुरिन्थुस शेहरे परमेश्वरे सतसंग त पूरे अखया राज्य परमेश्वरे चुणो मेह्‍णुओ! अउं पौलुस, जे परमेश्वरे इच्छाई बेलि मसीह यीशु प्रतिनिधि असा त हें भाई तिमुथियुस, तुसी जे नमस्ते कते।

इफिसुस 2:8

किस की विश्वास जुए त परमेश्वरे दाही बेलि तुस बच गो असे। ए तुसी केईआं न भो, होर ना कुछ खरे कमी के बझई जोई भो। पर परमेश्वर कनारा यक दान भो ताकि कोई रोभ ना किढ़ बटियाल।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

कुलोसी 2:2

ताकि तुसी हिम्मत मेईंयेल, त तुं मन अपफ बुच परेम जुए जुड़ घियेल त परमेश्वरे नियको योजना जे मसीह अपफ भो, तसे बारे सुसुर पता लगणे बेलि तुस विश्वास अन्तर टिग घियेल।

1 तिमुथि 2:4

परमेश्वर ईं चहन्ता कि सोबी मेह्‍णु तसे सच्चाई सुसुर पता लगियाल त से सम्हाई बच घियेल।

1 तिमुथि 3:16

होर एथ अन्तर कोई शक नेईं कि हें विश्वासे नियोको बोक सुआ बोडी असी: यीशु मसीह मनख बण कइ जमा, शुची आत्माई तस धर्मी बोलु, तेन स्वर्गेदूती दर्शण दिते, त तेस बारे पूरी धरती पुठ प्रचार भुआ, धरती पुठ सुआ मेह्‍णु तेस पुठ विश्वास किआ, त परमेश्वर बोडी महिमा जुए तस स्वर्ग जे घिन गा।

1 तिमुथि 6:3

हें प्रभु यीशु मसीहे बोके त शिक्षा परमेश्वरे इच्छाई हेसाब जुओई असी। त जे मेह्‍णु तस खरी शिक्षा छड़ दी कइ गलत शिक्षा देन्ता,

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 2:23

पर बेमतलबी त बेअक्ले बेहेस केआं दूर बिश, किस कि तोउ त पता असा कि एन्के बेलि झगड़े भेएड़ा भुन्ता।

2 तिमुथि 2:25

जे हें खिलाफ भुन्ते तेन्हि से खरी नरमी कइ समझाण लौते, कि पता परमेश्वर तेन्हि बुचा केसे जेईं धे मन बदलाणे आत्मा दिआल त से बि सच्चाई वचन पिछाणल,

याकूब 1:1

ए में ट्यारे यहूदी मेह्‍णुओ, जे पूरी धरती अन्तर टडिए असे। अउं परमेश्वरे त प्रभु यीशु मसीहे नौखर याकूब, तुसी सम्हाई जे नमस्ते कता।

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

2 पतरस 3:11

त किस कि ए सोब चीजे ईं भुई कइ खतम भुणे बाड़ी असी, त तुं चाल चलण त जीण की भुण लौता? जरूर शुचा त परमेश्वरे भक्ति बइ भरिए लौता।

1 यूहन्ना 2:23

जे कोउं कोईया इन्कार कता, तेस केईं बोउ बि नेईं। जे कुआ मानता, तेस केईं बोउ बि असा।

प्र. बोके 1:1

यीशु मसीहे प्रकट किओ बोक, जे परमेश्वरे तसे धे तोउं दिती, ताकि जेन्के झठ भुण ठीक कइ छो असु, से अपु सेवक हरालाल। त तेन अपु स्वर्गेदूत लंघा त तसे बेलिए अपु सेवक यूहन्ने जे बोलु।