प्र. बोके 9:11 - Walangi

¹¹ काल खपरे दूत तेन्हि पुठ राजा असा। तसे नओं इब्रानी भाषा अन्तर अबद्दोन, त यूनानी भाषा अन्तर अपुल्लयोन असु मतलब “बरबाद करणे बाड़ा।”

प्र. बोके 9:11 Iomraidhean Croise

लूका 8:31

दुष्ट आत्माई यीशु जे छनेअरे किउ, “असी काल खपर जे ना लंघा।”

यूहन्ना 12:31

“अभेईं इस मतोके पंची करणे टेम एई गो असा। अभेईं इस धरती पुठ राज करणे बाड़ा शैताने ताकत परमेश्वर मुकाई छता।

यूहन्ना 14:30

अउं तुसी जुए अभेईं सुआ बोक कइ ना सकता, किस कि इस धरती पुठ राज करणे बाड़ा शैतान एण लगो असा। मोउं पुठ तसे कोई हक नेईं।

यूहन्ना 16:11

परमेश्वरे न्याये बारे शुची आत्मा ईं उगाही देन्ती कि परमेश्वर धरती पुठ राज करणे बाड़ा शैतान जे दोषी बड़ाई छोओ असा।

यूहन्ना 5:2

तठि, यरुशलेम शेहर अन्तर ढडुड़ नओएं मोटे दुआरे भेएड़ यक लाबु असा, जेस जे इब्रानी भाषा अन्तर “बेतहसदा” बोते, त तठि पंज छपिर असी।

यूहन्ना 8:44

तुसी सम्हाई के बोउ शैतान भो त तुस तसे इच्छाई मुताविक जीण पसंद कते। से त शुरुवात केआं ईं मेह्‍णुमार असा त तस कदी परमेश्वरे सच्चा वचन ट्यारे ना लगे, किस कि सच्चाई तस अन्तर नेईं। जपल से झूठ बोता, त अपु सभावे हिसाब जुए बोता किस कि से झूठा असा त झूठ बोलुणे बाड़ी के बोउ असा।

2 कुरिन्थ 4:4

तेन्हि से खुश खबरी टगड़ियार न केती, जे परमेश्वरे यकी दुई मसीहे रौनक भो, किस कि इस धरती जे देवता असा, तेन तेन्के मन अन्हारा कइ छो असा।

इफिसुस 2:2

तुस पेहले इस धरती हिसाब जुए, त अम्बरे पुठे राज करणे बाड़ा मतलब से दुष्ट आत्मा शैताने इच्छाई हेसाब जुए जीन्तेथ, जे अभेईं बि निआंग ना मानणे बाड़ी के अन्तर कम कती।

1 यूहन्ना 4:4

ए गभुरुओ! तुस परमेश्वरे भिन्थ, त तुसी से झूठे भविष्य वक्ता हराई छोउ असे; किस कि जे परमेश्वर तुं अन्तर असा, से इस मतोक अन्तरी तेन्हि केआं बि बोडा असा।

1 यूहन्ना 5:19

अस जाणते कि अस परमेश्वर केआं असे, होर पूरा मतोक तेस दुष्ट शैताने वश अन्तर गो असा।

प्र. बोके 12:9

तोउं से बोडा राकस धरती पुठ फटाई छड़ा। ए सेईंए पुराणा कीड़ा भो, जे बुराई करणे बाड़ा त शैतान बोलिन्ता, जे पूरा मतोक भरमान्ता। तेस जोई तसे दूत बि साते फटाई छड़े।

प्र. बोके 16:16

होर तेन्हि दुष्ट आत्माई मतोके राजे युद्ध करणे जे तेस जगाई किठेरे, जेस जे इब्रानी भाषा अन्तर हरमगिदोन बोते।