प्र. बोके 8:7 - Walangi

⁷ पेहले स्वर्गेदूते रेशमि फुक दिती, त लहु मिओ शरवाठे त आग निथि। से धरती पुठ फटाई छड़ी त धरती टाई हेस्सा टड़ गे, होर टाई हेस्सा बुटे बि टड़ गे, त सोब नीलु नीलु घास बि टड़ गोउ।

प्र. बोके 8:7 Iomraidhean Croise

याकूब 1:11

किस कि जीं दिस निसणे पता, तेज धुपे बेलि घास शुख घेन्तु, फियुड़ भीं झड़ते त तेन्के रंग खतम भोई घेन्ता, तीं अमीर मेह्‍णु बि अपु धन कमान्ते कमान्ते खतम भोई घेन्ते।

1 पतरस 1:24

किस कि धरमे कताब अन्तर ई लिखो असु कि “हर यक मेह्‍णु घासे ईं असा, होर तसे रंगरूप घासे फियुड़ ईं असु। घास शुख घेन्तु त फियुड़ झड़ घेन्तु,

प्र. बोके 12:4

तेन अपु पुंछड़ी बइ अम्बरे तारी केआं टाई हेस्से तारे थुस कइ धरती पुठ फटाई छड़े। से राकस तेस जिल्हाणु समाणि खड़ खड़ बिश गा, जे गभुरवाल थी कि से गभुरु जमाणियेल त तेस निलग छता।

प्र. बोके 16:2

तोउं पेहले स्वर्गेदूते घेई कइ अपु कटोरा धरती पुठ डोल छड़ा। तोउं जेन्हि मेह्‍णु पुठ तेस जानवरे छाप थिआ त जे तसे मुर्ति पूजा कतेथ, तेन्हि पुठ यक सुआ चिड़ंग देणे बाड़े त खतरनाक खेड़े भुए।

प्र. बोके 16:21

अम्बर केआं मेह्‍णु पुठ जे मणे मणे शरवाठे झड़े। ए बुखता सुआ बोडी भारी थी। मेह्‍णु शरवाठी के बुखताई के बझई जोई परमेश्वरे बुराई की।

प्र. बोके 6:8

मेईं नजर घुमाई त हेरु यक पीया घोड़ा असा। तसे सवारे नउ थिउ “मरुण”, त पाताल तसे पता पता असा। तेन्के धे धरती चोउर हेस्सा बुठा यक हेस्से हक दी गा कि तलवार, अकाल, महामारी त धरती पुठि जंगली जानवरी के बेलिए मेह्‍णु मार छड़े।

प्र. बोके 7:1

तढ़िया पता मेईं धरती चोहरो कुणी चोउर स्वर्गेदूत खड़ खड़ बिशो काए। तेन्हि धरती चोहरो कनारी ब्यार रोक रखो थी, ताकि धरती, समन्दर या केसे बि बुटे पुठ ब्यार ना लगे।

प्र. बोके 9:15

तोउं से चोहरो स्वर्गेदूत खोल छड़े, जे तेस घड़ी, दन, मेहने त साल अन्तर टाई हेस्से मेह्‍णु मारण जे तेयार किओ थिए।

प्र. बोके 9:18

अन्हि टाहोई महामारी बइ, मतलब आग, तुउ त जाती गन्धक बइ, जे तेन्के आसी अन्तरा निसतेथ टाई हेस्से मेह्‍णु मर गे।

प्र. बोके 9:4

तेन्हि जे बोलु कि ना धरती पुठि घास, ना कोई निलियार, त ना केस बुटी के कोई नुकसान करण। सद तेन्हि मेह्‍णु के नुकसान करण, जेन्के मगरी पुठ परमेश्वरे मुहर नेईं लगो।