प्र. बोके 8:3 - Walangi

³ फि यक होरा स्वर्गेदूत सुन्ने गुगलोटु घिन आ, त कुण्डे भेएड़ खड़ी गा। त तसे धे सुआ गुगुल दुतु कि सोब शुचे मेह्‍णु के प्रार्थनाई जोई साते सुन्ने तेस कुण्ड पुठ छड़ियेल, जे सिंहासन सम्हाणि असी।

प्र. बोके 8:3 Iomraidhean Croise

लूका 1:10

त पुजापाठ त गुगुल छाणे टेम मेह्‍णु के बोडा हुसुड़ा बाहर बिश कइ प्रार्थना करण लगो थिआ।

रोमी 8:34

त फि कोउं असा जे असी पुठ सज्जा शुणान्ता? कोई नेईं! किस कि मसीह यीशु ईं असा, जे हें लिए प्रार्थना दुआ कता। से मर गा, पर मरो तेन्हि अन्तरा दुबारी जी बि गा, त अब परमेश्वरे देहणा कना असा।

इब्रानी 7:25

इस बझई जुए, जे मेह्‍णु यीशु बेलिए परमेश्वरे भेएड़ एन्ते, से तेन्हि बचाई बटता, किस कि से तेन्हि जे प्रार्थना दुआ करण जे हमेशा जीन्ता असा।

प्र. बोके 10:1

फि मेईं यक होरा ताकतवर स्वर्गेदूत बदेए बइ घटिए स्वर्ग केआं उन्नि एन्ता काआ। तसे मगरी पुठ मेघे धनुष थिआ। तसे मुंह दिसे ईं त तसे खुर आगे खम्मे ईं थिए।

प्र. बोके 14:18

फि यक होरा स्वर्गेदूत कुण्ड अन्तरा निसा, जेस आग पुठ हक थिआ। तेन तेस तेज लात टातो स्वर्गेदूती जे जोरी जोई बोलु, “अपु तेज लात लाई कइ धरती दछि बुटे छुब काट छड़, किस कि तसे दछि पक्की गो असी।”

प्र. बोके 5:8

जपल तेन कताब नी, त से चोहरो जीव त चोबिहो स्याणे तेस किएऊ समाणि उटेऊ झड़ गे। तेन्हि अन्तरा हर यक जेईं के हथ अन्तर दुन्तारा थिआ। त तेन्हि धुपे बइ भरो सुन्ने धूण टातो थिए, जे शुचे मेह्‍णु के प्रार्थना भो।

प्र. बोके 6:9

जपल तेन पन्जु मुहर खोली, त मेईं कुण्ड पड्डे तेन्हि मेह्‍णु के प्राण काए, जे परमेश्वरे वचने बझई जोई त तेन्के दुतो उगाही बझई जोई मरि गो थिए।

प्र. बोके 7:2

फि मेईं यक होरा स्वर्गेदूत जीन्ते परमेश्वरे मुहर नी कइ पूरबे कनारा खड़िया एन्ता काआ। तेन तेन्हि चोउर स्वर्गेदूती जे, जेन्के धे धरती, त समन्दरे नुकसान करणे हक दुतो थिआ, जोरी जोई हुशेरि दी कइ बोलु,

प्र. बोके 8:4

तेस गुगुले तुउ शुचे मेह्‍णु के प्रार्थना जोई साते स्वर्गेदूते हथे बइ परमेश्वरे समाणि पूज गा।

प्र. बोके 8:5

तोउं स्वर्गेदूते गुगलोटु नी कइ तेस अन्तर कुण्डे आगी केआं म्युरी भरी त धरती पुठ फटाई; त बिजली चमकुण लगी, मेघ गड़कुणे त होरे होरे डरौणी अवाज, त भुंजल घेण लगे।

प्र. बोके 9:13

जपल छटूं स्वर्गेदूते रेशमि फुक दिती, त परमेश्वरे सम्हाणि बाड़ी सुन्ने कुण्डे चोउर कुणे शिंगि केईआं, मेईं ईं अवाज शुणी।