प्र. बोके 8:10 - Walangi

¹⁰ टेके स्वर्गेदूते रेशमि फुक दिती, त यक बोडा तारा, मशाले ईं जाओ स्वर्ग केआं टुटा त टाई हेस्सा दरियोउ त पाणि सुजली पुठ झड़ गा।

प्र. बोके 8:10 Iomraidhean Croise

मत्ती 25:1

तोउं यीशु बोलु, “स्वर्गे राज्य, यक ब्याहे तेन्हि दस कुई के ईं भुन्ता, जे अपु दीये जाई कइ नोउए लाड़े जोई मीण जे घेन्ति।

लूका 10:18

तेन तेन्हि जे बोलु, “मेईं शैतान स्वर्ग केआं बिजली ईं उणिहां जे झड़ता का।

यहूदा 1:13

ए समन्दरे भयंकर छल्हारे ईं असे, जे अपु लज शरम तेन्हि शोफि के ईं फटान्ते। ए तेस टूटो तारे ईं असे, जेन्हि हमेशा हमेशा लिए अन्हारे अन्तर बिशुण ठीक किओ असु।

प्र. बोके 1:20

होर से सत तारे, जे तेईं में सुमले हथ टातो हेरे, त तेस सत दीये बाड़े सुन्ने अगाशदीए राज ईं असा: से सत तारे सतहोई सतसंगी के दूत भो, त से सत दीये, सत सतसंग भो।”

प्र. बोके 12:4

तेन अपु पुंछड़ी बइ अम्बरे तारी केआं टाई हेस्से तारे थुस कइ धरती पुठ फटाई छड़े। से राकस तेस जिल्हाणु समाणि खड़ खड़ बिश गा, जे गभुरवाल थी कि से गभुरु जमाणियेल त तेस निलग छता।

प्र. बोके 14:7

तेन जोर जोई बोलु, “परमेश्वर हेर डरे, त तसे महिमा करे। किस कि तसे न्याय करणे टेम एई गो असा। त तसे गुणगान करे जेन स्वर्ग, धरती, समन्दर त पुओणि सुजल बणाओ असी।”

प्र. बोके 16:4

टेके स्वर्गेदूते अपु कटोरा दरेउ त पुओणि सुजल अन्तर डोल छड़ा, त से लहु बण गे।

प्र. बोके 6:13

अम्बरे तारे धरती पुठ ईं झड़े कि जीं सुआ ब्यारी बेलिए हिल कइ बुटे पुठा कच्चे फल झड़ते।

प्र. बोके 8:7

पेहले स्वर्गेदूते रेशमि फुक दिती, त लहु मिओ शरवाठे त आग निथि। से धरती पुठ फटाई छड़ी त धरती टाई हेस्सा टड़ गे, होर टाई हेस्सा बुटे बि टड़ गे, त सोब नीलु नीलु घास बि टड़ गोउ।

प्र. बोके 9:1

जपल पन्जु स्वर्गेदूते रेशमि फुक दिती, त मेईं स्वर्ग केआं उन्निया जे यक तारा झड़ते काआ, त तसे धे काल खपरे कुंजुड़ दुतु।

प्र. बोके 9:15

तोउं से चोहरो स्वर्गेदूत खोल छड़े, जे तेस घड़ी, दन, मेहने त साल अन्तर टाई हेस्से मेह्‍णु मारण जे तेयार किओ थिए।

प्र. बोके 9:18

अन्हि टाहोई महामारी बइ, मतलब आग, तुउ त जाती गन्धक बइ, जे तेन्के आसी अन्तरा निसतेथ टाई हेस्से मेह्‍णु मर गे।