प्र. बोके 7:9 - Walangi

⁹ तढ़िया पता मेईं नजर घुमाई त हेरु, हर यक देश, जाति, ऊड़ी, त भाषा अन्तरा यक अत बोडा हुसुड़ा, जेस कोई गिण ना बटताथ, हच्छे झिणे लाई कइ त अपु हतेउ अन्तर बुटे डाई घिन कइ सिंहासने समाणि त किएऊ समाणि खड़ खड़ असे।

प्र. बोके 7:9 Iomraidhean Croise

प्र. बोके 5:9

से यीशु गुणगान कते ईं नोउ घीत लाण लगे, “ई कताब नेणे, त एसे मुहर खोलणे लेएक असा तु प्रभुआ! किस कि तेईं मर कइ अपु लहुए बइ हर यक ऊड़ी, भाषा, जाति त देश अन्तरा परमेश्वरे लिए मेह्‍णु मुले खरीदो असे।

यूहन्ना 12:13

त तेन्हि छुआरे बुटे डा नी कइ तस अग्रोई जे गे त जइकार भर कइ बोलुण लगे, “होशान्ना, जे प्रभु परमेश्वरे हक जुए एन्ता, तेस इस्राएले राजे जइ करे”

प्र. बोके 11:15

जपल सतूं स्वर्गेदूते रेशमि फुक दिती, त स्वर्ग अन्तर ईं बोडी बोडी अवाज भुण लगी, “मतोके राज्य हें प्रभु त तसे मसीहे भोई गा, त से जुग जुग तकर राज कता।”

प्र. बोके 6:11

तोउं परमेश्वर तेन्हि अन्तरा हर यक जेईं कें धे हच्छे झिणे दिते, त बोलु “जपल तकर तुं साथी सेवक त भाई, जे तुं ईं मरणे बाड़े असे, तेन्के गिणती पूरी ना भोल, तपल तकर तुस हउ कुछ टेमे लिए लाह रखे।”

प्र. बोके 3:18

तोउं त, में बोक माने! मोउं केआं आग अन्तर परखो सुन्ना मुले नीए, ताकि तुस अमीर बण घियेल। होर हच्छे झिणे नीए, ताकि डब कइ तुसी नगे भुणे लज ना लगियेल त अपु टीरी जोई लाण जे टड नीए, ताकि तुं टीर सारी घियेल।

रोमी 11:25

ए ट्यारेओ! ईं ना लौतु भो कि तुस अपु अपफ सुआ अक्लदार समझियेल। तोउं त, अउं न चहन्ता कि तुस इस राज केईआं अणजाण रिहे। जपल तकर परमेश्वरे ठीक किओ सोब गैर यहूदी मेह्‍णु मसीह पुठ विश्वास ना करियेल, तपल तकर इस्राएले कुछ मेह्‍णु इहांणि नकठर रेहन्ते।

लूका 21:36

तोउं त खबरदार बिशे त हर वकत प्रार्थना कते रिहे कि तुस एणे बाड़ा कष्ट त दुख केआं बच सकियेल त मनखे कोईये अगर खड़ भुणे लेएक भोई सकियेल।”

लूका 12:1

ई हेरते हेरते हजारों मेह्‍णु कठे भोई गे कि खुर रखुंण जे बि जगाह ना रेही। त यीशु खास कइ अपु चेली जे बोलुण लगा, “फरीसी के कपटी सभाव केआं तुस बचे, जे कि टकेणे ईं असा।

प्र. बोके 4:4

तेस सिंहासने चोहरो कना होरे चोबि मठ मठ सिंहासन असे। होर अन्हि सिंहासन पुठ चोबिहो स्याणे हच्छे झिणे डब कइ बिशो असे, त तेन्के मगरी पुठ सुन्ने मुकुट असे।

इब्रानी 12:22

पर तुस तेस सिनै फाट केईं अओ असे, स्वर्गे तेस यरुशलेम शेहर केईं अओ असे, जेठि परमेश्वर बिश्ता त अणगणे स्वर्गेदूत खुशी मनाण जे किठे भुओ असे।

इब्रानी 11:12

तोउं त यके मेह्‍णु केईआं जे अत स्याणा थिआ कि ची पुठ घेणे भोई गो थिआ, तोउं बि तेस अम्बरे तारी त समन्दरे रेते ईं अणगणे गभुर भुए।

प्र. बोके 5:11

तोउं मेईं हेरु तेस सिंहासने, तेन्हि जीवी त तेन्हि स्याणी के चोहरो कना सुआ स्वर्गेदूती खड़ खड़ असे, जेन्के गिणती लखों त करोड़ों अन्तर थी। होर मेईं तेन्के अवाज शुणी।

प्र. बोके 7:8

जबूलूने ऊड़ी अन्तरा बाराह हजार पुठ, यूसुफे ऊड़ी अन्तरा बाराह हजार पुठ, त बिन्यामीने ऊड़ी अन्तरा बाराह हजार पुठ मुहर लाई छओ थी।

प्र. बोके 22:3

अभेईं केआं खड़ तठि शराप लगो किछ ना रेहन्तु। परमेश्वरे त किएऊ सिंहासन तेस शेहर अन्तर भुन्ता त तेन्के सेवक तेन्के पूजा अराधना कते।