प्र. बोके 7:4 - Walangi

⁴ तोउं जेन्हि पुठ मुहर लाई छओ थी, तेन्के गिणती मेईं शुणी, मतलब इस्राएले गभुरु के सोब ऊड़ी अन्तरा कुल यक लख, चुरताहड़ी हजार पुठ मुहर लाई छओ थी।

प्र. बोके 7:4 Iomraidhean Croise

मत्ती 19:28

यीशु तेन्हि जे बोलु, “अउं तुसी जे बोता कि जपल पूरी सृष्टि दुबारी नोई बणती, होर जपल मनखे कुआ अपु महिमा सिंहासन पुठ बिश्ता, त तुस बि जे में पता अओ असे, बाराह सिंहासन पुठ बिश कइ इस्राएले बाराह ऊड़ी के न्याय कते।

लूका 14:22

तेन नौखरे दुबारी एई कइ बोलु, ‘ए मालिका, जीं तुसी बोलो थी, मेईं तिहांणि किउ। पर हउ बि जगाह बचो असी।’

लूका 22:30

ताकि तुस में राज्य अन्तर मोउं जुए खाल पियेल, होर सिंहासन पुठ बिश कइ इस्राएले बाराह ऊड़ी के न्याय करियेल।”

प्रतिनिधि 26:7

ए सेईंए जुबान भो, जेसे पूरी भुणे उम्मीद रख कइ यहूदी जाति हें बाराह ऊड़ी अपु पूरे मन जोई दन रात परमेश्वरे सेवा कते अओ असे। ए महाराज, इस उम्मीदे बझई जोई ईं यहूदी मेह्‍णु मोउं पुठ मुकदमा चलाओ असा।

रोमी 9:27

होर यशायाह भविष्य वक्ता इस्राएले मेह्‍णु बारे लियार दी कइ बोता, “चहे इस्राएले मेह्‍णु के गिणती समन्दरे रेते बराबर भोल, तोउं बि तेन्हि अन्तरा थोड़े ईं बचते।

याकूब 1:1

ए में ट्यारे यहूदी मेह्‍णुओ, जे पूरी धरती अन्तर टडिए असे। अउं परमेश्वरे त प्रभु यीशु मसीहे नौखर याकूब, तुसी सम्हाई जे नमस्ते कता।

प्र. बोके 14:1

फि मेईं नजर घुमाई त हेरु कि यीशु यक किएऊ ईं यरुशलेम शेहरे सिय्योन फाट पुठ खड़ खड़ असु। त तसे जोई साते यक लख चुरताहड़ी हजार मेह्‍णु असे, जेन्के मगरी पुठ तसे त तसे बोउए नओं लिखो असु।

प्र. बोके 14:3

से सिंहासने समाणि, चोहरो जीवी त स्याणी के समाणि यक नोउ घीत लाण लगो थिए। तेन्हि यक लख चुरताहड़ी हजार मेह्‍णु छड़ दी कइ, जे धरती पुठा मुले खरीदो थिए, होरे केनि जेईं बि से घीत शिच ना बटु।

प्र. बोके 7:5

यहूदे ऊड़ी अन्तरा बाराह हजार पुठ मुहर लओ थी। रुबेने ऊड़ी अन्तरा बाराह हजार पुठ, गादे ऊड़ी अन्तरा बाराह हजार पुठ।

प्र. बोके 9:16

मेईं शुणु कि तेन्के घुड़सवारी फौजी के गिणती बिह करोड़ थी।