प्र. बोके 7:3 - Walangi

³ “जपल तकर अस अपु परमेश्वरे सेवकी के मगरी पुठ मुहर ना लाऊं, तपल तकर तुसी धरती, समन्दरे त बुटी के नुकसान ना करण।”

प्र. बोके 7:3 Iomraidhean Croise

मत्ती 24:22

अगर से सुआ कष्टे रोज परमेश्वर ना घटान्‍ताथ त कोई न बचताथ। पर परमेश्वरे चुणो तेन्हि मेह्‍णु के बझई जुए, से घट घेन्ते।

मत्ती 24:31

से रेशमि बोडी अवाज जोई अपु दूत लंघान्ता कि अम्बरे यक कुणे केआं होर कुणे तकर त पूरे धरती परमेश्वरे चुणो तेन्हि किठे करे।”

यूहन्ना 12:26

अगर कोई में चेला बणण चहन्ता त तस में पतोती एण जरूरी असु; त जेठि अउं भुन्ता, तठि में नौखर बि भुन्ते; अगर कोई में सेवा कराल त परमपिता परमेश्वर तसे इज्जत कता।”

यूहन्ना 3:33

तोउं बि जेन केनि तसे बोके मनी से सोबी के अगर उगाह देन्ता कि परमेश्वरे वचन सच्चा असा।

रोमी 6:22

पर अब पाप केआं अजाद भोई कइ त परमेश्वरे गुलाम बण कइ तुसी जे फायदा भो असा, तसे बेलिए तुस शुचे भुन्ते, त अखिर अन्तर अमर जीवन मेता।

प्र. बोके 13:16

होर त होर, तेन मठुड़, बोडे, अमीर, गरीब, अजाद, गुलाम सोबी के देहणे हथ या तेन्के मगरी पुठ यक यक छापा लोवाई छड़ा,

प्र. बोके 13:17

ताकि बजन तेस छापे, कोई बि मेह्‍णु कोई लेण देण ना कइ सकियेल। तसे छाप मतलब तेस जानवरे नउ या तसे नओएं अंक भो।

प्र. बोके 14:1

फि मेईं नजर घुमाई त हेरु कि यीशु यक किएऊ ईं यरुशलेम शेहरे सिय्योन फाट पुठ खड़ खड़ असु। त तसे जोई साते यक लख चुरताहड़ी हजार मेह्‍णु असे, जेन्के मगरी पुठ तसे त तसे बोउए नओं लिखो असु।

प्र. बोके 14:9

फि एन्के पता, टेका स्वर्गेदूत जोरी जोरी ईं बोता आ, “जे कोउं तेस जानवरे त तसे मुर्तिपुजा करियाल, त अपु मगरी या हथ पुठ तसे छापा लाआल,

प्र. बोके 19:2

किस कि तसे फैंसले सच्चे त सही असे। तेन तेस बोडी वेश्याई सज्जा दिती, जेन अपु नाजायज रिश्ते बइ मतोक भरमाई छओ थिआ, त तेस केआं अपु सेवकी के लहुए बदला पूरा किआ।”

प्र. बोके 20:4

तोउं मेईं सिंहासन हेरा, त तेन्हि पुठ से मेह्‍णु बिश गे जेन्हि न्याय करणे हक मेओ थिआ। त मेईं तेन्के आत्मा बि काई, जेन्के मगिर यीशु मसीहे बारे उगाही देणे त परमेश्वरे वचने प्रचार करणे बझई जोई कटोओ थिए। तेन्हि न तेस जानवरे, होर न तसे मुर्तिपुजा किओ थी। तेन्के हथ त मगिरि पुठ तेस जानवरे छाप नेओथ लगो। से जीन्ते भोई कइ मसीह जोई हजार साल तकर राज कते रिहे।

प्र. बोके 22:4

तेन्हि से अमाणि-समाणि हेरते त तसे नओं तेन्के मगिरि पुठ लिखो भुन्तु।

प्र. बोके 6:6

तोउं मेईं तेन्हि चोहरोई जीवी के बुचा यक अवाज ईं बोती शुणी, “यक भयंकर ईं अकाल लंघाण दिए, कि सेर भइ गिहुंए आटे कीमत यक रोजे धिहाड़ी भुओ लौती, त तिहांणि टाई सेर जोउवे आटा मेओ लौता। पर जैतुने त दछि बगी के कोई नुकसान ना करण।”

प्र. बोके 7:1

तढ़िया पता मेईं धरती चोहरो कुणी चोउर स्वर्गेदूत खड़ खड़ बिशो काए। तेन्हि धरती चोहरो कनारी ब्यार रोक रखो थी, ताकि धरती, समन्दर या केसे बि बुटे पुठ ब्यार ना लगे।

प्र. बोके 7:2

फि मेईं यक होरा स्वर्गेदूत जीन्ते परमेश्वरे मुहर नी कइ पूरबे कनारा खड़िया एन्ता काआ। तेन तेन्हि चोउर स्वर्गेदूती जे, जेन्के धे धरती, त समन्दरे नुकसान करणे हक दुतो थिआ, जोरी जोई हुशेरि दी कइ बोलु,

प्र. बोके 9:4

तेन्हि जे बोलु कि ना धरती पुठि घास, ना कोई निलियार, त ना केस बुटी के कोई नुकसान करण। सद तेन्हि मेह्‍णु के नुकसान करण, जेन्के मगरी पुठ परमेश्वरे मुहर नेईं लगो।