प्र. बोके 7:2 - Walangi

² फि मेईं यक होरा स्वर्गेदूत जीन्ते परमेश्वरे मुहर नी कइ पूरबे कनारा खड़िया एन्ता काआ। तेन तेन्हि चोउर स्वर्गेदूती जे, जेन्के धे धरती, त समन्दरे नुकसान करणे हक दुतो थिआ, जोरी जोई हुशेरि दी कइ बोलु,

प्र. बोके 7:2 Iomraidhean Croise

मत्ती 16:16

शमौन पतरसे जवाब दिता, “तु जीन्ते परमेश्वरे कुआ ‘मसीह’ भो।”

मत्ती 26:63

यीशु नरदोष थिआ, तोउं बि से चुप बिशा। तोउं बोडा पुजारा तेस जे बोलु, “अउं तोउ जीन्ते परमेश्वरे सोह देन्ता कि अगर तु परमेश्वरे कुआ ‘मसीह’ भो त असी जे बोल।”

यूहन्ना 6:27

जे रौठि खराब भोई घेन्ति, तस लिए कष्ट ना करे, पर तेस रौठि लिए कष्ट करे, जे तुं धे अमर जीवन देन्ती। से रौठि सद मनखे कुआ तुं धे दी सकता, किस कि परमपिता मतलब परमेश्वरे तसे धे हक दुतो असा।”

2 कुरिन्थ 1:22

असी पुठ अपु मुहर लाई कइ तेन अस नियुक्त किओ असे। अपु आत्मा निशाणी तौर पुठ हें अन्तर छोओ असी।

इफिसुस 1:13

त जपल तुसी गैर यहूदी खुश खबरी शुणी, जे कि तुं बचाणे समाचार भो, होर विश्वास किआ कि परमेश्वर मसीहे बेलि असी बचाई बटता, त तेन अपु दुतो जुबान मुताविक तुसी पुठ शुची आत्माई मुहर लाई त हरालु कि तुस बि तसे हकदार बण गो असे।

इफिसुस 4:30

शुची आत्मा दुख ना दिए, किस कि तसे बेलि परमेश्वर तुसी पुठ मुहर लोओ असी कि तुस तसे भिन्थ।

1 थेस्सलु 1:9

किस कि से अपफ हें बारे बतान्ते कि तुसी हें कीं आबिश किओ थिउ, त कीं मुर्ति पूजा छड़ दी कइ यक सच्चा त जीन्ता परमेश्वरे सेवा करण जे मन बदला।

2 तिमुथि 2:19

तोउं बि परमेश्वरे सच्चा विश्वासी, तसे गीहे मजबूत खाई ईं विश्वास अन्तर पक्का रेहन्ता त तस पुठ परमेश्वर अपु वचने मुहर लान्ता कि “जेन्के भगवान पुठ पक्का विश्वास असा, तेन्हि से पिछाणता।” त “जे यीशु मसीह अपु प्रभु मानता, तस सम्हाई पाप केआं दूर बिशुण असु।”

इब्रानी 12:22

पर तुस तेस सिनै फाट केईं अओ असे, स्वर्गे तेस यरुशलेम शेहर केईं अओ असे, जेठि परमेश्वर बिश्ता त अणगणे स्वर्गेदूत खुशी मनाण जे किठे भुओ असे।

प्र. बोके 1:3

परमेश्वर तेन्हि सोबी जे अशुश देन्ता, जे भविष्य वाणि इन्हि बोके पढ़ते, होर शुणते त इस अन्तर लिखो बोकी मानते, किस कि अन्हि बोकी के पूरा भुणे टेम नीड़ा ओ असा।

प्र. बोके 10:1

फि मेईं यक होरा ताकतवर स्वर्गेदूत बदेए बइ घटिए स्वर्ग केआं उन्नि एन्ता काआ। तसे मगरी पुठ मेघे धनुष थिआ। तसे मुंह दिसे ईं त तसे खुर आगे खम्मे ईं थिए।

प्र. बोके 10:4

जपल गड़कुणे सतो अवाज भुई, त अउं लिखण पुठ थिआ दे, मेईं स्वर्ग केआं ईं अवाज शुणी, “जे बोके गड़कुणे तेन्हि सत अवाजी केआं शुणो असी, तेन्हि नियोकइ कइ रख, तेन्हि ना लिख।”

प्र. बोके 16:12

छटूं स्वर्गेदूते अपु कटोरा यूफ्रातेस नओएं बोडा दरेउ पुठ डोल छड़ा, त तसे पुओणि शुख गोउ, ताकि पूरबे कनारी राजी के सेना जे बथ बण घियेल।

प्र. बोके 5:2

फि मेईं यक ताकतवर स्वर्गेदूत काआ, जे जोरी जोई ईं हक देन्ताथ, “इस कताबे मुहर टोड़णे त खोलणे लेएक कोउं असा?”

प्र. बोके 8:3

फि यक होरा स्वर्गेदूत सुन्ने गुगलोटु घिन आ, त कुण्डे भेएड़ खड़ी गा। त तसे धे सुआ गुगुल दुतु कि सोब शुचे मेह्‍णु के प्रार्थनाई जोई साते सुन्ने तेस कुण्ड पुठ छड़ियेल, जे सिंहासन सम्हाणि असी।

प्र. बोके 9:14

तेन अवाज रेशमि टाओ छटे स्वर्गेदूत जे बोलु, “तेन्हि चोहरोई स्वर्गेदूती खोल छड़े, जे यूफ्रातेस नओएं बोडा दरेउए भेएड़ बन्हो असे।”

प्र. बोके 9:4

तेन्हि जे बोलु कि ना धरती पुठि घास, ना कोई निलियार, त ना केस बुटी के कोई नुकसान करण। सद तेन्हि मेह्‍णु के नुकसान करण, जेन्के मगरी पुठ परमेश्वरे मुहर नेईं लगो।