प्र. बोके 4:8 - Walangi

⁸ चोहरो जीवी के छेआ छेआ पंखोड़ असे, होर चोहरो कना त अन्तर टीरे टीर असे। त से दन रात बजन अरामे ईं बोते रेहन्ते, “शुचा केआं, शुचा केआं, हउ बि शुचा असा तु, ए सर्व शक्तिमान प्रभु परमेश्वरा, तु सृष्टि केआं पेहले थिआ, तु अभेईं असा होर तु जुग जुग तकर रेहन्ता।”

प्र. बोके 4:8 Iomraidhean Croise

प्रतिनिधि 20:31

तोउं त चौकाने बिशे, त याद रखे कि टाई साल तकर दन रात रोल रोल कइ अउं हर यक जेईं चेता दिआन्ता रिहा।”

2 कुरिन्थ 6:18

“त अउं तुं बोउ भुन्ता, होर तुस में गभुर भुन्ते।” प्रभु परमेश्वर ई बोता।

1 थेस्सलु 2:9

तुसी हें कम त कष्टे बारे याद कते कि अस कीं भ्यागे ब्यादि कम कतेथ, ताकि परमेश्वरे खुश खबरी प्रचार कते टेम केसे गरका ना लौते लगो।

1 तिमुथि 4:16

अपु जीण त अपु प्रवचने पेहरा दिआ कर त इन्हि बोकी पुठ टिग बिश, किस कि अगर तु ईं कता रेहन्ता त तु सद अपफ जे ना, बल्कि जे तें बोक मानते, तेन्के बि बचणे बझह बणता।

2 तिमुथि 4:2

हर वकत खुश खबरी प्रचार करण जे तेयार बिश, त पूरे लाह जुए त शिक्षा जुए मेह्‍णु मना, जड़का त समझाण दे।

इब्रानी 13:8

यीशु मसीह ही, आज त जुग जुग तकर सेईंया असा।

प्र. बोके 1:4

एशिया इलाके सतहोई सतसंगे में ट्यारे विश्वासी भाई त भेणिओं! अउं यूहन्ना ई चिट्ठि लिखुण लगो असा त अउं चहन्ता कि परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। से परमेश्वर जीन्ता असा। से पेहलाई केआं जीन्ता थिआ, त अगर जे बि जीन्ता रेहन्ता। तिहांणि तेन्हि सत आत्माई, जे तसे सिंहासने समाणि भुन्ति, त यीशु मसीहे बि कृपादृष्टि तुसी पुठ भुन्ति रिहे, होर तुसी शान्ति मेती रिहे। से यीशु मसीह परमेश्वरे यकीन लेएक उगाह असा, जे मरो तेन्हि अन्तरा सोबी केआं पेहले दुबारी जीआ त धरती सोब राजी के अधिकारी असा। तेन असी जोई परेम किआ त अपु लहु बहाई कइ हें पाप धुई छड़े।

प्र. बोके 1:8

सर्व शक्तिमान प्रभु परमेश्वर ईं बोता कि “अउंए ‘अ’ त अउंए ‘ज्ञ’ भो। अउं जीन्ता असा, अउं पेहलाई केआं जीन्ता थिआ, त अगर जे बि जीन्ता रेहन्ता।”

प्र. बोके 11:17

त ईं बोलुण लगे, “ए सर्व शक्तिमान प्रभु परमेश्वरा! तुस जे असा त जे थिए, अस तुं धन्यवाद कते कि तेईं अपु बोडी ताकती बेलि राज करण शुरु किओ असा।

प्र. बोके 14:11

तेन्के दुखे तुउ जुग जुग निस्ता रेहन्ता। होर जे तेस जानवरे त तसे मुर्तिपुजा कते, होर जे तसे नओएं छापा लान्ते, तेन्हि दिनि राति कदी सुख चैन ना मेता।”

प्र. बोके 14:3

से सिंहासने समाणि, चोहरो जीवी त स्याणी के समाणि यक नोउ घीत लाण लगो थिए। तेन्हि यक लख चुरताहड़ी हजार मेह्‍णु छड़ दी कइ, जे धरती पुठा मुले खरीदो थिए, होरे केनि जेईं बि से घीत शिच ना बटु।

प्र. बोके 15:3

से परमेश्वरे सेवक मूसे त किएऊ घीत लाण लगो थिए, “ए सर्व शक्तिमान प्रभु परमेश्वरा! तें कम महान त अनोखे असे; ए सोबी जाति के राजीया, तें चाल खरी त सच्ची असी।

प्र. बोके 15:7

तोउं तेन्हि चोहरोई जीवी अन्तरा यक जेईं तेन्हि सतो स्वर्गेदूती कें धे सुन्ने सत कटोरे दिते। तेस कटोरे अन्तर तेस परमेश्वरे कोप भरो थिआ, जे जुग जुग जीन्ता असा।

प्र. बोके 16:14

ए निशाण हरालणे बाड़ी दुष्ट आत्मा भो, जे पूरे मतोके राजी केईं तोउं घेन्ति कि तेन्हि सर्व शक्तिमान परमेश्वरे खिलाफ तेस बोडे दने युद्धे लिए किठेरुं। प्रभु यीशु बोता,

प्र. बोके 16:7

फि मेईं कुण्ड केआं ईं अवाज शुणी: “आं, ए सर्व शक्तिमान प्रभु परमेश्वरा, तें फैंसले सही त सच्चे असे।”

प्र. बोके 19:15

जाति जाति मेह्‍णु मारण जे तेसे मुंह केईआं यक टिखि तलवार निस्ती। से लोहिए लेउडे बइ तेन्हि पुठ राज कता। से त सर्व शक्तिमान परमेश्वरे भयंकर कोपे बेलि तेन्के हाल रसकुन्न अन्तर दाख पिह्‍णे ईं कता।

प्र. बोके 19:4

तोउं से चोबिहो स्याणी त चोहरो जीव सिंहासन पुठ बिशो परमेश्वरे समाणि उटेऊ बिश कइ खुर बिने, त बोलुण लगे, “आमीन, हाल्लेलुयाह!”

प्र. बोके 21:22

मेईं तेस शेहर अन्तर कोई देहेर न काआ, किस कि सर्व शक्तिमान प्रभु परमेश्वर त किएऊ तेसे देहेर भो।

प्र. बोके 3:7

“फिलदिफिया शेहरे सतसंगे दूत जे ईं लिख: यीशु मसीह जे शुचा त सच्चा असा, होर जे दाऊद राजे परमेश्वरे राज्य घेणे कुंजुड़ साह्मता, जेसे खोलो कोई बन्न ना कइ बटता, त ना तसे बन्हो कोई खोल बटता, से ईं बोता कि

प्र. बोके 4:4

तेस सिंहासने चोहरो कना होरे चोबि मठ मठ सिंहासन असे। होर अन्हि सिंहासन पुठ चोबिहो स्याणे हच्छे झिणे डब कइ बिशो असे, त तेन्के मगरी पुठ सुन्ने मुकुट असे।

प्र. बोके 4:6

होर तेस सिंहासने सम्हाणि शिशे ईं साफ समन्दर असा। बुचो बुछ सिंहासने चोहरो कना चोउर जीव असे, जेन्के अगर पतूं टीरे टीर असे।

प्र. बोके 4:9

जपल जपल बि से जीव तसे, जे सिंहासन पुठ बिशो असा, होर जुग जुग जीन्ता असा, महिमा, इज्जत त धन्यवाद कते,

प्र. बोके 5:6

तोउं मेईं तेस सिंहासने चोहरो जीवी त तेन्हि स्याणी के बुच, यक भकत चढ़ो ईं किएऊ खड़ खड़ काउ। तसे सत शंग त सत टीर थिए; ए परमेश्वरे सत आत्मा भो जे पूरी धरती पुठ लंघाओ असी।

प्र. बोके 6:1

फि मेईं हेरु कि किएऊ तेन्हि सत मुहरी अन्तरा यक मुहरी खोली; त तेन्हि चोहरोई जीवी अन्तरा यक जेईं कड़कड़ांती अवाज बइ बोलु, “आई!”

प्र. बोके 6:6

तोउं मेईं तेन्हि चोहरोई जीवी के बुचा यक अवाज ईं बोती शुणी, “यक भयंकर ईं अकाल लंघाण दिए, कि सेर भइ गिहुंए आटे कीमत यक रोजे धिहाड़ी भुओ लौती, त तिहांणि टाई सेर जोउवे आटा मेओ लौता। पर जैतुने त दछि बगी के कोई नुकसान ना करण।”

प्र. बोके 7:11

होर सोब स्वर्गेदूत तेस सिंहासने, स्याणी त चोहरो जीवी के चोहरो कना खड़ भुए त तेन्हि सिंहासने सम्हाणि मुंहे बल उटेऊ बिश कइ परमेश्वरे गुणगान कर कइ बोलु,

प्र. बोके 7:15

एसे बझई जोई से परमेश्वरे सिंहासन समाणि असे, त तसे देहेर अन्तर दन रात तसे सेवा कते। होर जे सिंहासन पुठ बिशो असा, से तेन्हि पुठ अपु छतरछाया बणाई रखता।