प्र. बोके 3:4 - Walangi

⁴ पर आं, तुं अठि सतसंग अन्तर केहि ईं मेह्‍णु असे, जेन्हि अपु अपु झिणे बुराई जोई जुठे नेईं किओ। से हच्छे झिणे लाई कइ मोउं जोई हंटते, किस कि से इस जोग असे।

प्र. बोके 3:4 Iomraidhean Croise

मत्ती 10:11

तुस जेठि कोठि केसे ग्रां या शेहर घियेल त पता करे कि तठि कोउं तुं सेवा पाणि कता। तसे गी घिए त तेस जगाई केआं घेणे तकर तठि बिशे।

मरकुस 16:5

त से कब्र अन्तर घेई गई। तठि तेन्हि यक हच्छे झिणे डबो जवान सुमले कना बिशो काआ, त से सुआ हैरान भोई गई।

लूका 20:35

पर जे मेह्‍णु एणे बाड़े जुग अन्तर जीणे लेएक भुन्ते, से ना त ब्याह कते, होर ना करेईन्ते।

लूका 21:36

तोउं त खबरदार बिशे त हर वकत प्रार्थना कते रिहे कि तुस एणे बाड़ा कष्ट त दुख केआं बच सकियेल त मनखे कोईये अगर खड़ भुणे लेएक भोई सकियेल।”

प्रतिनिधि 1:15

तोउं यक रोज, जपल कोई यक सौ बिह विश्वासी भाई त भेण किठे भो थिए, पतरस तेन्के बुच खड़ भोई कइ बोलुण लगा,

2 थेस्सलु 1:5

परमेश्वर इन्हि दुखी कष्टी के बेलि अपु खरी पंची हरालता त तुसी अपु राज्ये लेएक बणता, जेसे लिए तुस दुख बि सीढ़ण लगो असे।

यहूदा 1:23

होर सुआ जेईं लपझप दी कइ परमेश्वरे न्याय करणे आगी टहनु केआं बचाण दिए। होर जे अपु अपु जिसमे बुरी इच्छाई बेलि कुस्तुरी जिन्‍दगी जीन्ते, तेन्हि पुठ दाह दया कते टेम समोझि बिशे। ई ना लौतु भो कि तुस बि तेन्केरे ईं गलत करण लग घियेल।

प्र. बोके 1:11

“जे किछ तु हेरता, तेस यक कताब अन्तर लिख कइ तेन्हि सतहोई सतसंगी जे लंघाण दिए, जे इफिसुस, स्मुरना, पिरगमुन, थुआतीरा, सरदीस, फिलदिफिया त लौदीकिया शेहर अन्तर असे।”

प्र. बोके 11:13

फि तेस घड़ी यक बोडा भुंजल गा, त तेस शेहरे दसमा हेस्सा ढेई गा। तेस भुंजले बेलिए सत हजार मेह्‍णु मर गे, त होरे डर गे त स्वर्गे परमेश्वरे गुणगान करण लगे।

प्र. बोके 14:4

ए से भिन्थ, जे परमेश्वरे सेवा करण जे अपु अपफ शुचा रखे, जीं से कुवांरे जे सोब बुराई केआं अपफ शुचा रखते। ए सेईंए भो, जे जेठि कोठि किएऊ घेन्तु, से तसे पता पता घेई घेन्ते। ए त परमेश्वरे त किएऊ पेहले फल भुणे लिए मेह्‍णु अन्तरा मुले खरीदो असे।

प्र. बोके 19:14

स्वर्गे सेना अब्बल त चिलकते मखमले झिणे डबो, हच्छे घोड़ी पुठ सवार भोई कइ तेसे पता पता हंटते।

प्र. बोके 19:8

तस अब्बल त चिलकती मखमले झिणे डबण जे दुतो असी।” ए अब्बल मखमले झिणे मतलब शुचे मेह्‍णु के धरमे कम असे।

प्र. बोके 3:18

तोउं त, में बोक माने! मोउं केआं आग अन्तर परखो सुन्ना मुले नीए, ताकि तुस अमीर बण घियेल। होर हच्छे झिणे नीए, ताकि डब कइ तुसी नगे भुणे लज ना लगियेल त अपु टीरी जोई लाण जे टड नीए, ताकि तुं टीर सारी घियेल।

प्र. बोके 3:5

जे जीतते, तेन्हि इहांणि हच्छे झिणे डबेईन्‍ते, होर अउं तेन्के नओं जीवने कताब अन्तरा केसे बि रीति जोई न कटता। होर तेन्के नओं अपु बोउए त तसे स्वर्गेदूती केईं मान छता।

प्र. बोके 4:4

तेस सिंहासने चोहरो कना होरे चोबि मठ मठ सिंहासन असे। होर अन्हि सिंहासन पुठ चोबिहो स्याणे हच्छे झिणे डब कइ बिशो असे, त तेन्के मगरी पुठ सुन्ने मुकुट असे।

प्र. बोके 6:11

तोउं परमेश्वर तेन्हि अन्तरा हर यक जेईं कें धे हच्छे झिणे दिते, त बोलु “जपल तकर तुं साथी सेवक त भाई, जे तुं ईं मरणे बाड़े असे, तेन्के गिणती पूरी ना भोल, तपल तकर तुस हउ कुछ टेमे लिए लाह रखे।”

प्र. बोके 7:9

तढ़िया पता मेईं नजर घुमाई त हेरु, हर यक देश, जाति, ऊड़ी, त भाषा अन्तरा यक अत बोडा हुसुड़ा, जेस कोई गिण ना बटताथ, हच्छे झिणे लाई कइ त अपु हतेउ अन्तर बुटे डाई घिन कइ सिंहासने समाणि त किएऊ समाणि खड़ खड़ असे।