प्र. बोके 3:3 - Walangi

³ तोउं त, याद कर कि तुसी की शिक्षा मेओ थी त की शुणो थिउ। तसे अन्तर बणि बिशे त मन बदलीण दिए। अगर तुस चौकाने ना बिशाल त अउं चोरे ईं एई घेन्ता, त तुसी कदी पता न लगाल कि अउं केस घड़ी तुसी सज्जा देण जे एन्ता।

प्र. बोके 3:3 Iomraidhean Croise

मत्ती 25:13

तोउं त चौकाने बिशे, किस कि तुस न त मनखे कोईये दुबारी एणे तेस घड़ी जाणते, होर ना तेस रोज।”

मरकुस 13:33

हेरे, किस कि तुस न जाणते कि से टेम कपल एन्ता, त खबरदार भोई कइ तेयार बिशे।”

मरकुस 13:36

ईं न भो कि से अजगता एई कइ तुसी उंघो हेराल।

1 थेस्सलु 5:2

किस कि तुस अपफ जाणते कि जीं चोर राति अजगता एन्ता, तिहांणि प्रभु यीशु बि अजगता दुबारी एन्ता।

1 तिमुथि 6:20

त ए तिमुथियुसा! जे सच्चा वचन तेन्धे दुतो असे, तेन्हि सही सलामत रख कइ मेह्‍णु शिचालिण दे; त जे शिक्षा परमेश्वरे इच्छाई खिलाफ असी, तेस केआं त जुठी बोकी बेहेस केआं बि दूर बिश।

2 तिमुथि 1:13

जे खरी खरी बोके तेईं मोउं केआं शुणो असी, तस मसीह यीशु अन्तर पूरे विश्वास त परेम जुए यक अब्बल शिक्षा समझ कइ पक्के बण बिश।

इब्रानी 2:1

तोउं त, असी जे सच्चाई खबर शुणो असी, तसे कना खरा ध्यान देण एन्ता, ताकि अस सच्चाई केआं भटकियेल नउ।

2 पतरस 1:13

त जपल तकर अउं डेरे ईं मेओ जिसम अन्तर असा, तपल तकर इन्हि बोकी के बेलि तुसी खबरदार कता रेहन्ता। ईं करण मोउं खरु लगतु।

2 पतरस 3:1

ए ट्यारेओ! अब अउं तुसी जे ई दोकी चिट्ठि लिखण लगो असा। त एन्हि अन्तर अउं तुसी याद दिआई कइ हिम्मत देन्ता कि तुस अपु मन शुचा रखे।

2 पतरस 3:10

प्रभु एणे रोज चोरे ईं अजगता एई घेन्ता। तेस रोज अम्बर सुआ गड़गड़ाहट कर कइ खतम भोई घेन्ता त तठिआ सोब कुछ सुआ तची कइ घुहुड़ि घेन्तु। तोउं धरती त तेस पुठ भुओ हर कमे सही गलते फैसला भुन्ता।

प्र. बोके 16:15

“हेरे, अउं चोरे ईं अजगता एन्ता; धन्य से असा जे खड़ खड़ बिश्ता, त अपु झिणि के निगरानी कता कि नगे न हंटे, त मेह्‍णु तेस नगे न हेरियेल।”

प्र. बोके 2:25

पर आं, जे तुसी केईं असु तेस में एण तकर टाइ रखे।

प्र. बोके 2:5

तोउं त, तुस याद करे कि कोठि रेही गा, होर अपु मन बदलीण दे त पेहलकण ईं जीं कतेथ, तिहांणि करे। ना त अउं तुसी केईं एई कइ तुं दीये तसे जगाई केईआं घराई छता।

प्र. बोके 22:7

प्रभु यीशु बोता “हेर, अउं झठ एणे बाड़ा असा। धन्य असा से मेह्‍णु, जे इस कताबी भविष्य वाणि बोके मान कइ जीन्ता।”

प्र. बोके 3:11

हेर! अउं झठ एणे बाड़ा असा; त जे किछ तुसी केईं असु, तेस सुसुर टाइ रखे, ताकि कोउं जेईं तुं मुकुट नी ना छड़ियेल।

प्र. बोके 3:19

जेन्हि जेन्हि जोई अउं परेम कता, तेन्हि सोबी जेईं जड़कान्ता त समझान्ता। तोउं त सोचीण दिए त अपु मन बदलीण दिए।

प्र. बोके 3:2

अपु विश्वासे उंघुण केईआं खड़ भो, त तुं जे विश्वास मुकते मुकते बचो असा, तस पक्कारिण दिए, किस कि जेस परमेश्वरे अउं सेवा कता, तसे समाणि मोउं तुं कम अधूरु मेतु।