प्र. बोके 21:3 - Walangi

³ तोउं मेईं सिंहासन पुठा यक अवाज जोरी जोई ईं बोती शुणी, “हेरे, मेह्‍णु के बुछ परमेश्वरे डेरा! अब से तेन्हि जुओई साते बिश्ता, त से तेसे टज भुन्ते। परमेश्वर अपफ तेन्के परमेश्वर बण कइ तेन्हि जुओई साते बिश्ता।

प्र. बोके 21:3 Iomraidhean Croise

यूहन्ना 1:14

जे शब्द असा से मनखे रूप नी कइ असी बुच रेहा। यूहन्ना बि तसे बारे ईं उगाह दी कइ जोरी जुए बोलु “ए सेईंया भो, जेस बारे मेईं बोलो थी कि जे में पता एन्ता से मोउं केआं बि बोडा असा, किस कि मोउं जमुण केआं पेहले ईं से थिआ।” असी अपफ परमेश्वरे इकलौते कोईये महिमा काई छो असी जे परमपिता परमेश्वर केईआं अओ असा। तेन असी परमेश्वरे पूरी दाह हरालो असी त परमेश्वरे सच्चाई असी जे बोलो असी।

यूहन्ना 14:23

यीशु तस जे बोलु, “अगर कोई मोउं जोई परेम कता, त से में निआंग मानता। त में बोउ तस जोई परेम कता त अस दुहिए तस केईं घेई कइ साते बिश्ते।

2 कुरिन्थ 6:16

परमेश्वरे देहरे अन्तर मुर्ति के कोई कम नेईं। अस जीन्ता परमेश्वरे देहेर भो, किस कि परमेश्वरे बोलो असु कि “अउं तेन्के बुछ बिश्ता त तेन्हि जोई साते हंटता, अउं तेन्के परमेश्वर भुन्ता त से में प्रजा भुन्ते।”

2 कुरिन्थ 6:18

“त अउं तुं बोउ भुन्ता, होर तुस में गभुर भुन्ते।” प्रभु परमेश्वर ई बोता।

1 थेस्सलु 3:11

त अभेईं हें पिता परमेश्वर त हें प्रभु यीशु मसीह तुसी जोई मीण जे असी अपफ बथ हरालाल।

इब्रानी 11:16

पर सच्चाई त ई असी कि तेन्हि यक सुआ अब्बल देशे मतलब स्वर्ग अन्तरी देशे उम्मीद थी। तोउं त परमेश्वर तेन्हि मेह्‍णु के परमेश्वर बोलुण केईआं न लजेईन्‍ता, किस कि परमेश्वरे तेन्हि मेह्‍णु जे यक शेहर बड़ो असा।

इब्रानी 8:10

तेन्हि रोजी पता, अउं इस्राएली मेह्‍णु कें धे ईं जुबान देन्ता कि, अउं अपु नियम तेन्के मन अन्तर छता, त अपु निआंग तेन्के दिल अन्तर लिखता, अउं तेन्के परमेश्वर बणता, होर से में गभुर बणते।

इब्रानी 8:2

से तेस शुचे देहरे त सच्चे उगाही डेरे सेवक बणा, जे मेह्‍णु के बेलिए ना, बल्कि प्रभु अपफ बड़ो असा।

प्र. बोके 10:4

जपल गड़कुणे सतो अवाज भुई, त अउं लिखण पुठ थिआ दे, मेईं स्वर्ग केआं ईं अवाज शुणी, “जे बोके गड़कुणे तेन्हि सत अवाजी केआं शुणो असी, तेन्हि नियोकइ कइ रख, तेन्हि ना लिख।”

प्र. बोके 10:8

तोउं, जे अवाज मेईं स्वर्ग केआं बोती शुणो थी, से फि मोउं जोई बोक करण लगा, “गा, जे स्वर्गेदूत समन्दर त धरती पुठ खड़ खड़ असा, तसे हथा खोलो कताब घिन गा।”

प्र. बोके 12:10

तोउं मेईं स्वर्ग केआं ईं बोडी अवाज शुणी, “अभेईं हें परमेश्वर मेह्‍णु बचान्ता, त अपु ताकते बेलि राज कता। त अब तसे मसीह धरती पुठ अपु पूरा हक प्रगट कता, किस कि हें साथी सेवकी पुठ शैतान, जे दन रात हें परमेश्वरे समाणि तेन्हि पुठ दोष लान्ता रेहन्ताथ, से उन्निया फटाई छड़ा।

प्र. बोके 21:7

जे जीतता सेईंए एन्हि चीजी के हकदार भुन्ता: होर अउं तेसे परमेश्वर भुन्ता त से में गभुर भुन्तु।

प्र. बोके 22:3

अभेईं केआं खड़ तठि शराप लगो किछ ना रेहन्तु। परमेश्वरे त किएऊ सिंहासन तेस शेहर अन्तर भुन्ता त तेन्के सेवक तेन्के पूजा अराधना कते।

प्र. बोके 7:15

एसे बझई जोई से परमेश्वरे सिंहासन समाणि असे, त तसे देहेर अन्तर दन रात तसे सेवा कते। होर जे सिंहासन पुठ बिशो असा, से तेन्हि पुठ अपु छतरछाया बणाई रखता।