प्र. बोके 2:9 - Walangi

⁹ अउं तुं दुख तकलीफ त गरीबी जाणता, पर आत्मा अन्तर तुस अमीर असे। होर जे मेह्‍णु अपफ जे यहूदी बोते, पर भिन्थ नउ, बल्कि से शैताने सतसंगे मेह्‍णु भो, तुं बारे तेन्के बुराई करण बि जाणता।

प्र. बोके 2:9 Iomraidhean Croise

मत्ती 4:10

यीशु तस जे बोलु, “ए शैताना, इठिआ नश! किस कि धरमे कताब अन्तर लिखो असु: ‘तु सद प्रभु अपु परमेश्वरे सेवा कर त हमेशा तसेरी पूजा कर।’”

लूका 12:21

इरुही से मेह्‍णु असा जे सद अपफ जे धन किठेरता, पर परमेश्वरे सम्हाणि से गरीब असा।”

लूका 22:65

त तेन्हि हउ बि सुआ बेज्जती बेज्जती बोके तस जे बोली।

लूका 4:18

“प्रभु परमेश्वरे आत्मा में अन्तर असी। किस कि तेन अउं गरीब मेह्‍णु खुश खबरी शुणाण जे नियुक्त किओ असा। त अउं इस लिए लंघो असा कि जे कोउं शंकीड़ी बेलिए बन्हिए असे, तेन्हि खोलणे, त जे अन्हे असे तेन्हि सारेरणे खुश खबरी प्रचार करुं त जे मेह्‍णु के भुंजो असे तेन्हि सुख दिउं,

लूका 6:20

तपल यीशु अपु चेली हेर कइ बोलु, “धन्य असे तुस, जेन्के मन अन्तर परमेश्वरे जरूरत बिझिन्ती, किस कि परमेश्वरे राज्य तुं भो।”

यूहन्ना 16:33

ई सोब बोक मेईं तुसी जे तोउं बोली कि में बेलि तुसी शान्ति मेईंयेल। इस मतोक अन्तर तुसी दुख भुन्ता, पर हिम्मत रखे, किस कि मेईं ई मतोक जीतो असा।”

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

प्रतिनिधि 26:11

त यहूदी मेह्‍णु के हर अराधनालय अन्तर अउं तेन्हि मडी मडी कइ यीशु मसीहे जब्बरदस्ती बेज्जती करवान्ताथ। लेहरी कइ अत तकर जगरी गो थिआ कि बाहरी शेहरी अन्तर बि घेई घेई कइ तेन्हि मेह्‍णु भुंजान्‍ताथ।”

रोमी 12:12

परमेश्वर पुठ अपु उम्मीदे बारे खुश रिहे, दुख तकलीफ अन्तर लाह रखे, हमेशा प्रार्थना कते रिहे।

रोमी 2:17

पर तोउ अपु पता असा ना? तु जे अपफ जे यहूदी बोता, परमेश्वरे दुतो नियम पुठ भरोसा कता, परमेश्वर जुओई अपु रिश्ते बारे रोभ लान्ता,

रोमी 5:3

सद एईएं ना, अस त दुख तकलीफ अन्तर बि खुश बिश्ते, किस कि असी पता असा कि दुख तकलीफे बेलिए सीढ़णे ताकत बधती,

रोमी 8:35

मसीहे परेम असी तकर पुजुण केआं कोई रोक ना बटता। चहे अस परेशानी अन्तर भोल, चहे दुख तकलीफ अन्तर भोल। चहे मेह्‍णु असी भुंजाण लगो भोल, या चहे अस ढुके भोल, चहे हें झिणे ना भोल, या चहे असी पुठ खतरा भोल या चहे असी दुश्माणी के हथ पहाड़ मरुण भोल।

रोमी 9:6

पर एसे मतलब ईं नेईं कि परमेश्वरे जुबान बेकार भुई, किस कि जे बि इस्राएले वंश अन्तर जमो असे, से सोब सच्चे इस्राएली ना भो।

2 कुरिन्थ 6:10

असी पुठ सुआ दुख अओ असे, तोउं बि अस हमेशा खुश रेहन्ते। अस गरीब असे, तोउं बि असी सुआ जेईं अमीर बणओ असे। असी केईं कुछ नेईं, तोउं बि असी केईं सोब कुछ असु।

2 कुरिन्थ 8:2

से तेन्के इम्तिहान अन्तर खुश रिहे त ती गरीबी त कष्ट अन्तर बि खुल कइ दान दिता।

2 कुरिन्थ 8:9

तुसी हें प्रभु यीशु मसीहे कृपाई बारे त पता असा। से कीं स्वर्ग अन्तर अमीर भोई कइ बि तुं लिए इस धरती पुठ गरीब बण कइ जमा, ताकि तसे गरीब बणणे बेलिए तुस अमीर बण घिए।

1 थेस्सलु 3:4

किस कि पेहले बि जपल अस तुं अठि थिए त अस तुसी जे बोतेथ कि असी दुख त कष्ट सेहण जरूरी असे। होर इहांणि बि भु, जेस तुस बि जाणते।

1 तिमुथि 1:13

अउं त पेहले तसे निन्याई लान्‍ताथ, त तेस पुठ विश्वास करणे बाड़ी भुंजान्‍ताथ, होर अनर्थ करणे बाड़ा थिआ, फि बि परमेश्वरे मोउं पुठ दाह की, किस कि तपल अउं विश्वासी नेओथ त अणजाणे अन्तर ए सोब कम किओ थिउ।

1 तिमुथि 6:18

से खरे कम करे त खरे कम अन्तर अमीर बणे, होर मदत करण त दान देण अन्तर चुस्त रिहे।

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।

प्र. बोके 2:13

अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।

प्र. बोके 2:2

अउं तुं कम, तुं मेहनत, त तुं लाह रखुंण जाणता। होर ईं बि जाणता कि तुस कीं बुरे मेह्‍णु हेरी ना बटता। त तुसी से सोब परख कइ झूठे कइ छड़े, जे अपफ जे प्रतिनिधि त बोते, पर असे नउ।

प्र. बोके 2:24

पर थुआतीरा शेहरे कुछ मेह्‍णु ईं असे, जे ईजेबेले शिक्षा ना मानते त शैताने सिपरी सिपरी बोके अन्तर नेईं अओ। तेन्हि जे बि अउं ई बोता कि अउं तुसी पुठ होरा कोई भार ना छता।

प्र. बोके 3:9

हेर! अउं तेन्हि शैताने दले मेह्‍णु तुं वश अन्तर कइ छता, जे यहूदी बण बिशो असे, पर भिन्थ नओं। से झूठ बोते। हेर, अउं ईं कता कि से एई कइ तुं खुरी पुठ बिश्ते, त ईं बि जाण घेन्ते कि अउं तुसी जोई परेम कता।

प्र. बोके 7:14

मेईं तेस जे बोलु, “मालिका! तुईएं जाणता।” तेन मोउं जे बोलु, “ए से भिन्थ, जे तेस मोटी अशी केआं बच कइ अओ असे। अन्के हच्छे झिणे हरालते कि अन्हि अपु अपु पाप त दोष किएऊ लहुए बइ धोई छो असे।