प्र. बोके 2:5 - Walangi

⁵ तोउं त, तुस याद करे कि कोठि रेही गा, होर अपु मन बदलीण दे त पेहलकण ईं जीं कतेथ, तिहांणि करे। ना त अउं तुसी केईं एई कइ तुं दीये तसे जगाई केईआं घराई छता।

प्र. बोके 2:5 Iomraidhean Croise

मत्ती 5:14

तुस मतोके टगड़ियार भो। जे ग्रां फाट पुठ असु, से उडार न घेन्तु।

मत्ती 5:15

त मेह्‍णु दीया जाई कइ लेंसुड़ पड्डे ना रखते, पर तुबारि पुठ रखते ताकि कोठी अन्तर सोबी जेईं टगड़ियार मेईंयेल।

मरकुस 12:9

त बोले, बगिंचे मालिक की कता? से एई कइ तेन्हि आधिबाड़ी मुकाई छता, त दछि बगिंचा केसे होरी कें धे दी छता।”

लूका 1:17

होर से एलिय्याह शक्ति त ताकत जुए भरी कइ प्रभु केआं पेहले एन्ता। होर से ईये बोउए मन अपु गभुरु कना जे खिरकान्ते, त दुष्ट मेह्‍णु खरी बथ पुठ अण्ही कइ यक ईं टज बणान्ता, जे प्रभु मीण जे तेयार असा।”

लूका 20:16

से एई कइ तेन्हि आधिबाड़ी मुकाई छता त दछि बगिंचा केसे होरी कें धे दी छता।” एस शुण कइ कथा शुणणे बाड़ी बोलु, “परमेश्वर करियेल, इ ना लौतु भुओ।”

गलाती 5:4

त अगर कोई नियम मान कइ परमेश्वरे सामणि धर्मी भुण चहन्ता त से मसीह त तसे किओ बचाणे कम केआं अपफ दूर रखो असा।

फिलिप्पी 2:15

ताकि इस कलि जुग अन्तर त दुष्ट मेह्‍णु बुच बजन कोई दोषे ना कोई खराबी तुस परमेश्वरे गभुर ईं जीएल। त जीं जोसुण चमक कइ अन्हारे अन्तर मेह्‍णु बथ हरालती, तिहांणि तुं जीण बि मेह्‍णु जीणे सुसुर बथ हरालतु।

इब्रानी 10:32

पर तुस तेन्हि दिनि याद करे, जपल तुसी पेहले फेरि परमेश्वरे सच्चाई पता लगा, त तुस सुआ दुख तकलीफ सेही कइ बि विश्वास अन्तर खरे पक्के भोई बिशे।

2 पतरस 3:17

तोउं त, ए ट्यारेओ! किस कि तुसी इन्हि बोकी के बारे पेहलाई पता लग गो असा, त तुस चौकाने बिशे, ताकि बेधर्मी के गलती अन्तर फस कइ विश्वास केईआं ना भटकियेल, होर अपु विश्वास खतम ना करियेल।

यहूदा 1:24

जीं सृष्टि पेहलाई केआं अभेईं तकर भुण लगो असु, अभेईं तेस यके परमेश्वरे, हें बचाणे बाड़ी के महिमा, गुणगान, शान त ताकत, हें प्रभु यीशु मसीहे बेलिए जुग जुग भुन्ति रिहे। किस कि से परमेश्वर तुसी गलती त पाप केईआं बचाई बटता, त तुसी नरदोष बणाई कइ त सुआ खुशी जुए भर कइ अपु समाणि खड़ेर बटता। आमीन!

प्र. बोके 1:20

होर से सत तारे, जे तेईं में सुमले हथ टातो हेरे, त तेस सत दीये बाड़े सुन्ने अगाशदीए राज ईं असा: से सत तारे सतहोई सतसंगी के दूत भो, त से सत दीये, सत सतसंग भो।”

प्र. बोके 16:9

मेह्‍णु सुआ गरमी बइ भुरड़ी गे, त तेन्हि तेस परमेश्वरे नओएं बुराई की, जेस अन्हि बुखताई पुठ हक थिआ। तेन्हि पछताण ना आउ, होर परमेश्वरे गुणगान करुण ना चहा।

प्र. बोके 2:16

तोउं त, मन बदलीण दिए! ना त अउं झठ तुसी केईं एई कइ तेस तलवारी बइ तेन्हि जोई लड़ता, जे में मुंह केआं निस्ती।

प्र. बोके 2:19

अउं तुं कम, परेम, विश्वास, सेवा त लाह रखण जाणता, होर ईं बि कि तुं आजकण कम पेहलकण केआं अब्बल असे।

प्र. बोके 2:2

अउं तुं कम, तुं मेहनत, त तुं लाह रखुंण जाणता। होर ईं बि जाणता कि तुस कीं बुरे मेह्‍णु हेरी ना बटता। त तुसी से सोब परख कइ झूठे कइ छड़े, जे अपफ जे प्रतिनिधि त बोते, पर असे नउ।

प्र. बोके 3:19

जेन्हि जेन्हि जोई अउं परेम कता, तेन्हि सोबी जेईं जड़कान्ता त समझान्ता। तोउं त सोचीण दिए त अपु मन बदलीण दिए।