प्र. बोके 13:3 - Walangi

³ मेईं तसे मगरी बुचा यक मगिरि पुठ तेस मारणे लेएक यक बोडा घा काआ, पर तसे मारणे बाड़ा से घा ठीक भोई गा। त धरती पुठि सोब मेह्‍णु हैरान भोई कइ तसे पता पता घेई गे।

प्र. बोके 13:3 Iomraidhean Croise

लूका 2:1

तेन्हि दिनि रोमी सम्राट अगुस्तुस कैसर अपु सम्राज्ये सोबी मेह्‍णु के जनगणना करणे निआंग दिती।

यूहन्ना 12:19

तोउं फरीसी अपफ बुच बोलुण लगे, “हेरे, तुस त कुछ कते नउ। पर तसे पता सम्हाई मेह्‍णु घेण लगो असे।”

प्रतिनिधि 8:13

त शमौने बि विश्वास किआ त पुओणि अन्तर चुस कइ फिलिप्पुस जोई साते बिशण लगा। से फिलिप्पुसे बेलि भुणे बाड़ी निशाण त बोडे बोडे चमत्कारे कम हेर कइ हैरान भोई घेन्ताथ।

प्र. बोके 13:12

से पेहले तेस जानवरे हके बेलि अपु सम्हाई कम कता, होर धरती पुठ बिशणे बाड़ी केआं तेस पेहले जानवरे पूजा करान्‍ताथ, जेसे मारणे लेएक घा ठीक भोई गो थिआ।

प्र. बोके 13:14

तेन्हि निशाणी के बझई जोई, जेन्हि तेस जानवरे सम्हाणि हरालणे हक थिआ, से धरती पुठ बिशणे बाड़ी भरमान्ता। होर तेन्हि जे बोता कि तेस जानवरे मुर्ति बणाए, जे तलवारे खतरनाक चोट लगण केआं पता बि बच गा।

प्र. बोके 17:10

तेन्हि बुचा पन्ज राजे खतम भोई गे, त यक अभेईं असा, होर यक होता अपल तकर अओ नेईं। पर जपल से एईयाल त सद किछ टेमे लिए ईं बिश्ता।

प्र. बोके 17:11

जे खतरनाक जानवर पेहले थिआ, त अब नेईं, से अपफ अठूं राजा भो त तेन्हि सतहोई बिचा यक भो। तेसे खतम भुण पक्कु असु।”

प्र. बोके 17:13

तेन्के यके मकसद असा, से भो अपु अपु ताकत त हक तेस जानवरे धे देण।

प्र. बोके 17:17

किस कि परमेश्वर अपु मकसद पूरा करण जे तेन्हि राजी के मन यक किओ असा कि से अपु अपु राज्य तेस जानवर धे तपल तकर दी छड़ियेल, जपल तकर परमेश्वरे वचन पूरा न भोल।

प्र. बोके 17:6

मेईं से जिल्हाणु शुचे मेह्‍णु के लहु मतलब यीशु उगाही के लहु पी कइ मस्त भुओ काई। तेस हेर कइ अउं सुआ हैरान भोई गा।

प्र. बोके 17:8

“जे खतरनाक जानवर तेईं काओ असा, से पेहले थिआ, पर अब नेईं। तोउं बि अब से काल खपर अन्तरा निसण बाड़ा असा, पर हमेशा लिए खतम भुण जे। होर धरती पुठ बिशणे बाड़े से सोब, जेन्के नओं सृष्टि शुरुवात केआं पेहलाई जीवने कताब अन्तर नेईं लिखो, तेस जानवर हेर कइ हैरान भोई घेन्ते कि ए जानवर पेहले त थिआ, पर अब नेईं, होर से दुबारी एन्ता।”