प्र. बोके 11:3 - Walangi

³ पर ततरे मेहने तकर अउं अपु दुई उगाही कें धे ईं हक देन्ता कि से ब्युर लपेट कइ भविष्य वाणि करे।”

प्र. बोके 11:3 Iomraidhean Croise

मत्ती 11:21

तेन बोलु, “ए खुराजीने शेहरे मेह्‍णुओ! ए बैतसैदा ग्रांए मेह्‍णुओ! तुं खेया खाट भोई घेण असु किस कि जे चमत्कारे कम मेईं तुं बुछ किए, अगर से सूर त सैदा शेहर अन्तर किओ भुन्तेथ, त से मेह्‍णु जाई कपले केईआं बुरुड़ लपेट कइ त पटास थशि कइ पछतान्तेथ त अपु मन बदलान्तेथ।

मत्ती 18:16

होर अगर से न शुणियाल, त यक दुई जेईं अपफ जोई साते ने, ताकि हर यक बोक दुई या टाई जेईं के उगाही के बेलि पक्की भोई घियाल।

लूका 10:13

तोउं यीशु बोलु, “ए खुराजीने शेहरे मेह्‍णुओ! ए बैतसैदा ग्रांए मेह्‍णुओ! तुं खेया खाट भोई घेण असी। किस कि जे चमत्कारे कम मेईं तुं बुछ किए, अगर से सूर त सैदा शेहर अन्तर किओ भुन्तेथ, त से मेह्‍णु कपले ईं बुरुड़ लपेट कइ त पटास पुठ बिश कइ पछतान्तेथ त अपु अपु मन बदलान्तेथ।

लूका 24:48

तुस एन्हि सोबी बोकी के उगाह असे।

यूहन्ना 15:27

त तुस बि में उगाह देन्ते किस कि तुस में कमे शुरु केआं मोउं जुए साते असे।”

यूहन्ना 3:27

त यूहन्ने बोलु, “अगर परमेश्वर केसे कमियाब ना बणाल त कोई जेईं बि एतु कमियाब ना भोई सकता।

प्रतिनिधि 1:8

पर जपल शुची आत्मा तुसी पुठ एईयेल, तिखेईं तुसी ताकत मेती; तोउं तुस ना सद यरुशलेम शेहर अन्तर, बल्कि पूरे यहूदिया राज्य, तोउं सामरिया राज्य अन्तर, होर धरती यक मुख केआं होर मुख तकर में उगाह बणते।”

प्रतिनिधि 13:31

होर से तेन्हि सुआ रोज तकर केता रेहा जे तेस जोई साते गलील राज्य केआं यरुशलेम शेहर अओ थिए। मेह्‍णु के समाणि अब सेईंए तसे उगाह भिन्थ।

प्रतिनिधि 2:32

एईएं यीशु परमेश्वरे दुबारी जीआ। तसे उगाह अस सोब असे।

प्रतिनिधि 3:15

होर तुसी जीवन देणे बाड़ा मरवाई छड़ा, जे परमेश्वरे मरो तेन्हि अन्तरा दुबारी जीन्ता कइ छो असा। एस बोकी अस उगाह असे।

1 कुरिन्थ 12:28

तोउं त परमेश्वरे सतसंग अन्तर तुसी बुचा हर यक जेईं अलग अलग कम दी कइ नियुक्त किओ असे। तेन पेहले त केसे केसे धे अपु प्रतिनिधि बणणे कम दुतो असु। होर दोके केसे केसे धे भविष्य वाणि करणे कम दुतो असु। होरे टेका अन्तर केसे केसे धे अपु वचन मेह्‍णु सुसुर शिचालणे कम दुतो असु। त होरी जे चमत्कारे कम करणे, बीमार मेह्‍णु सुसुरणे, होरी के मदत करणे, मुखिया बणणे त अणजाण भाषा बोलुणे कम दुतो असु।

2 कुरिन्थ 13:1

अब टेके लिंगि अउं तुसी केईं एण लगो असा। त जीं धरमे कताब बोती कि “दुई या टाई उगाही के बेलि ईं हर यक बोक पक्की करीण” तीं करण असु।

इफिसुस 4:11

त तेन केसे विश्वासी धे अपु प्रतिनिधि बणणे, त केसे होरी धे भविष्य वाणि करणे, त केसे धे खुश खबरी प्रचार करणे त केसे होरी धे विश्वासी के पुहाल बणणे त केसे धे परमेश्वरे वचन शिचालणे वर दिता।

प्र. बोके 11:2

पर देहरे बाहर दुआर अगर ना नाप। तेस छड़ दे, किस कि से गैर यहूदी कें धे दी गो असु। त से शुचा शेहर बताड़ी मेहन तकर ढचते-मिनते रेहन्ते त जुठा कते।

प्र. बोके 11:6

तेन्हि अम्बर बन्न करणे हक असा कि तेन्के भविष्य वाणि करणे दिनि अन्तर कदी बि मेघे ना लौती लगो। होर तेन्हि सोब पुओणि पुठ बि हक असा कि तेस लहु बणाल। होर जपल जपल से चहेल तपल तपल धरती पुठ बुखता लंघाई बटते।

प्र. बोके 12:6

होर से जिल्हाणु तेस अरुणि धार जे नश गई, जेठि परमेश्वरे कनारा तेस जे यक जगाह तेयार किओ थी, कि तठि तसे बताड़ी मेहन तकर ख्याल रखियेल।

प्र. बोके 13:5

अपु बारे बोडी बोडी बोके करण जे त परमेश्वरे बुराई करण जे तेस जानवरे धे ताकत दी गा। त तस बताहड़ी मेहन तकर अपु हक जताण जे इजाजत मेई गई।

प्र. बोके 19:10

तोउं त, अउं तेस स्वर्गेदूते पूजा अराधना करण जे तसे खुरी पुठ उटेऊ बिश गा। पर तेन मोउं जे बोलु, “ईं ना कर, अउं त तें ईं त यीशु मसीहे उगाही देणे बाड़े तें एन्हि भाई के ईं यक सेवक भो। पूजा अराधना करीण असी त परमेश्वरेरी करे, किस कि भविष्य वाणि करणे खास मकसद यीशु मसीहे प्रचार भो।”

प्र. बोके 20:4

तोउं मेईं सिंहासन हेरा, त तेन्हि पुठ से मेह्‍णु बिश गे जेन्हि न्याय करणे हक मेओ थिआ। त मेईं तेन्के आत्मा बि काई, जेन्के मगिर यीशु मसीहे बारे उगाही देणे त परमेश्वरे वचने प्रचार करणे बझई जोई कटोओ थिए। तेन्हि न तेस जानवरे, होर न तसे मुर्तिपुजा किओ थी। तेन्के हथ त मगिरि पुठ तेस जानवरे छाप नेओथ लगो। से जीन्ते भोई कइ मसीह जोई हजार साल तकर राज कते रिहे।