प्र. बोके 11:2 - Walangi

² पर देहरे बाहर दुआर अगर ना नाप। तेस छड़ दे, किस कि से गैर यहूदी कें धे दी गो असु। त से शुचा शेहर बताड़ी मेहन तकर ढचते-मिनते रेहन्ते त जुठा कते।

प्र. बोके 11:2 Iomraidhean Croise

मत्ती 27:53

यीशु दुबारी जीण केआं पता से कब्र अन्तरा निस कइ शुचा शेहर यरुशलेम जे गे त सुआ जेईं से काए।

मत्ती 4:5

तोउं शैतान तस शुचा शेहर यरुशलेम घिन गा त देहरे पुठे कुणे पुठ खड़ियेर छड़ा।

मत्ती 5:13

तोउं यीशु बोलु, “तुस जीं इस धरती पुठ लुण भिन्थ; पर अगर लुणे स्वाद खतम भोई घेईयाल त केस चीजे बइ से दुबारी लुणकी बणतु? से लुणकी बण ना सकतु। तेस बाहर फटाई छते त से मेह्‍णु के खुरी पढे ढचिन्‍तु।

लूका 21:24

से तलवारी बइ मर घेन्ते त कुछ कैद भुई कइ सोब देशे मेह्‍णु बुच पूज घेन्ते। त जपल तकर गैर यहूदी राज करणे टेम खतम ना भुन्ता, तोउं तकर यहूदिया राज्य अन्तर गैर यहूदी राज कते।”

इब्रानी 10:29

त जे परमेश्वरे कोईये बेज्जती कते, तेन्हि कि घट सज्जा मेती ना? होर जे मसीहे तेस जुबाने लहु, जेसे बेलि से शुचा किओ असे, तेस कुछ ना समझते, तेन्हि पुठ कि परमेश्वरे घट कोप भुन्ता ना? अगर अस ईं कते, त अस दाह करणे बाड़ी तेस शुची आत्माई बेज्जती कते।

प्र. बोके 11:11

पर सढ़े टाई रोजे बाद, परमेश्वरे कनारा जिन्‍दगी सांस तेन्हि अन्तर पैठ गा त से अपु खुर के बल खड़ी गे। तेन्हि हेरणे बाड़े सोब डर कइ भय भंकार घेई गई।

प्र. बोके 11:3

पर ततरे मेहने तकर अउं अपु दुई उगाही कें धे ईं हक देन्ता कि से ब्युर लपेट कइ भविष्य वाणि करे।”

प्र. बोके 12:6

होर से जिल्हाणु तेस अरुणि धार जे नश गई, जेठि परमेश्वरे कनारा तेस जे यक जगाह तेयार किओ थी, कि तठि तसे बताड़ी मेहन तकर ख्याल रखियेल।

प्र. बोके 21:10

तोउं से मोउं आत्मा अन्तर यक मोटे फाटे चोटि पुठ घिन गा, होर से शुचा शेहर यरुशलेम परमेश्वरे भेएड़ा, स्वर्ग केआं उन्निया जे एन्ता हराला।

प्र. बोके 21:2

तोउं मेईं शुचा शेहर मतलब नोउआं यरुशलेम स्वर्ग केआं परमेश्वरे भेएड़ा उन्नि एन्ता काआ। से अपु धाणि जे खरी ठाटि-ठुटि कइ तेयार बिशो दुल्हने ईं थी।

प्र. बोके 22:19

अगर कोउं एस भविष्य वाणि कताबी अन्तरा किछ बोके किढ़ छड़ियेल त परमेश्वर तेस जीवने बुटे त शुचे शेहर अन्तरा तेसे बांट टोड़ छता, जेसे बारे इस कताबी अन्तर लिखो असु।