प्र. बोके 10:7 - Walangi

⁷ पर जपल सतूं स्वर्गेदूते बेलि सतूं रेशमि फुक दीइन्ती, तेन्हि दिनि परमेश्वरे से नियोको बोक पूरी भुन्ति। ए से खुश खबरी मुताविक भुन्ति, जे तेन अपु सेवकी, भविष्य वक्ती जे बोलो थी।”

प्र. बोके 10:7 Iomraidhean Croise

प्रतिनिधि 3:21

पेहलकण जमाने केआं परमेश्वरे अपु शुचे भविष्य वक्ती के बेलि मसीह बारे अन्हि सोबी बोकी के चर्चा किओ थी। त ए जरूरी असु कि मसीह तोउं तकर स्वर्ग अन्तर रिहे, जपल तकर कि से सोब पूरी ना भोल।

रोमी 11:25

ए ट्यारेओ! ईं ना लौतु भो कि तुस अपु अपफ सुआ अक्लदार समझियेल। तोउं त, अउं न चहन्ता कि तुस इस राज केईआं अणजाण रिहे। जपल तकर परमेश्वरे ठीक किओ सोब गैर यहूदी मेह्‍णु मसीह पुठ विश्वास ना करियेल, तपल तकर इस्राएले कुछ मेह्‍णु इहांणि नकठर रेहन्ते।

रोमी 16:25

अभेईं जे तुसी में खुश खबरी त यीशु मसीहे समाचारे हेसाब जोई विश्वास अन्तर पक्का कइ बटता, तेस परमेश्वरे महिमा लौती भो। ए खुश खबरी से बोक भो, जे जुग जुग केआं नियोको थी।

प्र. बोके 14:6

तोउं मेईं यक होरा स्वर्गेदूत अम्बर अन्तरा उडरता काआ, जेस केईं धरती पुठ बिशणे बाड़ी के हर यक जाति, ऊड़ी, भाषा त मेह्‍णु शुणाणे लिए अमर खुश खबरी थी।

प्र. बोके 17:17

किस कि परमेश्वर अपु मकसद पूरा करण जे तेन्हि राजी के मन यक किओ असा कि से अपु अपु राज्य तेस जानवर धे तपल तकर दी छड़ियेल, जपल तकर परमेश्वरे वचन पूरा न भोल।