प्र. बोके 10:4 - Walangi

⁴ जपल गड़कुणे सतो अवाज भुई, त अउं लिखण पुठ थिआ दे, मेईं स्वर्ग केआं ईं अवाज शुणी, “जे बोके गड़कुणे तेन्हि सत अवाजी केआं शुणो असी, तेन्हि नियोकइ कइ रख, तेन्हि ना लिख।”

प्र. बोके 10:4 Iomraidhean Croise

प्र. बोके 1:11

“जे किछ तु हेरता, तेस यक कताब अन्तर लिख कइ तेन्हि सतहोई सतसंगी जे लंघाण दिए, जे इफिसुस, स्मुरना, पिरगमुन, थुआतीरा, सरदीस, फिलदिफिया त लौदीकिया शेहर अन्तर असे।”

प्र. बोके 1:19

तोउं त, जे बोके तेईं भुन्ति काई, त जे बोके भुण लगो असी, होर जे बोके इढ़िया पता भुणे बाड़ी असी, तेन्हि सोबी लिख छड़।

प्र. बोके 10:8

तोउं, जे अवाज मेईं स्वर्ग केआं बोती शुणो थी, से फि मोउं जोई बोक करण लगा, “गा, जे स्वर्गेदूत समन्दर त धरती पुठ खड़ खड़ असा, तसे हथा खोलो कताब घिन गा।”

प्र. बोके 22:10

तोउं तेन मोउं जे बोलु, “इस कताबी अन्तर लिखो भविष्य वाणि बोके नियोकइ कइ न रख, किस कि एन्के पूरा भुणे टेम नीड़ा असा।