होर से तुसी तसे इच्छा पूरी करणे लिए सोबी भली गुणी बइ भर छड़े। जे किछ तस खरु लगतु, से यीशु मसीहे बेलिए तुं अन्तर घिए। तसे महिमा जुग जुग तकर भुन्ति रिहे। आमीन!
अगर तुसी बोक करणे वरदान मेओ असा त परमेश्वरे वचने प्रचार करे। अगर तुसी होरी के सेवा करणे वरदान मेओ असा त परमेश्वर दुतो ताकते बेलि सेवा करे, ताकि सोबी बोकी अन्तर यीशु मसीह बेलिए, परमेश्वर सुआ इज्जत मेईंयेल। सुआ इज्जत त सम्हाई अधिकार जुग जुगे लिए तसेरी भो। आमीन।
धन्य त शुचे से असे, जे इस दुबारी जीण अन्तर हेस्सेदार भुन्ते। अन्हि पुठ दोके लिंगि मरणे कोई हक न भुन्ता। बल्कि ए त परमेश्वरे त मसीहे पुजारे भुन्ते त तेस जोई साते हजार साल तकर राज कते।