प्र. बोके 1:4 - Walangi

^4-5 एशिया इलाके सतहोई सतसंगे में ट्यारे विश्वासी भाई त भेणिओं! अउं यूहन्ना ई चिट्ठि लिखुण लगो असा त अउं चहन्ता कि परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। से परमेश्वर जीन्ता असा। से पेहलाई केआं जीन्ता थिआ, त अगर जे बि जीन्ता रेहन्ता। तिहांणि तेन्हि सत आत्माई, जे तसे सिंहासने समाणि भुन्ति, त यीशु मसीहे बि कृपादृष्टि तुसी पुठ भुन्ति रिहे, होर तुसी शान्ति मेती रिहे। से यीशु मसीह परमेश्वरे यकीन लेएक उगाह असा, जे मरो तेन्हि अन्तरा सोबी केआं पेहले दुबारी जीआ त धरती सोब राजी के अधिकारी असा। तेन असी जोई परेम किआ त अपु लहु बहाई कइ हें पाप धुई छड़े।

प्र. बोके 1:4 Iomraidhean Croise

यूहन्ना 1:1

जे शब्द असा, से ब्रह्माण्ड त धरती बणुण केआं पेहले थिआ। से परमेश्वर जुए रेही अओ असा। त सेईंए परमेश्वर भो।

प्रतिनिधि 19:10

दुई साल तकर इहांणि भुन्तु रेहु। त एशिया इलाके मेह्‍णु, कि यहूदी त कि गैर यहूदी सोबी प्रभु वचन शुणे।

प्रतिनिधि 2:9

तठि होरे होरे देशे मेह्‍णु थिए, जीं कि पारथी, मेदी, एलामी, मेसोपोटामिया, यहूदिया, कप्पादूकिया, पुन्तुस त एशिया,

रोमी 1:7

ए चिट्ठि रोम शेहरे तुसी सोबी जे असी, जे परमेश्वरे ट्यारे असे त शुचे भुण जे भिहो असे। हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे, होर तुसी शान्ति मेती रिहे। आमीन।

1 कुरिन्थ 1:3

हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे त तुसी शान्ति मेती रिहे। आमीन

2 कुरिन्थ 1:2

हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे त तुसी शान्ति मेती रिहे। आमीन

इब्रानी 13:8

यीशु मसीह ही, आज त जुग जुग तकर सेईंया असा।

याकूब 1:17

किस कि हर यक दान जे खरा त नरदोष असा परमपिता परमेश्वर केईआं एन्ता। तेन दिस, जोसुण त तारे बणो असे। से परमेश्वर ना कदी बदलिन्ता होर ना केसेरी उडारे बेलिए अन्हारिन्ता।

प्र. बोके 1:1

यीशु मसीहे प्रकट किओ बोक, जे परमेश्वरे तसे धे तोउं दिती, ताकि जेन्के झठ भुण ठीक कइ छो असु, से अपु सेवक हरालाल। त तेन अपु स्वर्गेदूत लंघा त तसे बेलिए अपु सेवक यूहन्ने जे बोलु।

प्र. बोके 1:11

“जे किछ तु हेरता, तेस यक कताब अन्तर लिख कइ तेन्हि सतहोई सतसंगी जे लंघाण दिए, जे इफिसुस, स्मुरना, पिरगमुन, थुआतीरा, सरदीस, फिलदिफिया त लौदीकिया शेहर अन्तर असे।”

प्र. बोके 1:17

जपल मेईं से काआ त अउं यक मुड़दे ईं तसे खुरी पुठ डूल गा। तेन मोउं पुठ अपु देहणा हथ रख कइ बोलु, “डर नउ; अउंए शुरुवात त अउंए अन्त भो।

प्र. बोके 1:20

होर से सत तारे, जे तेईं में सुमले हथ टातो हेरे, त तेस सत दीये बाड़े सुन्ने अगाशदीए राज ईं असा: से सत तारे सतहोई सतसंगी के दूत भो, त से सत दीये, सत सतसंग भो।”

प्र. बोके 1:8

सर्व शक्तिमान प्रभु परमेश्वर ईं बोता कि “अउंए ‘अ’ त अउंए ‘ज्ञ’ भो। अउं जीन्ता असा, अउं पेहलाई केआं जीन्ता थिआ, त अगर जे बि जीन्ता रेहन्ता।”

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।

प्र. बोके 16:5

तोउं मेईं पुओणि पुठ हक रखणे बाड़े स्वर्गेदूत ईं बोता शुणा: “ए परमेश्वरा, तु जे शुचा असा, होर जे थिआ त जे असा, ई सोब कर कइ तेईं न्याय किओ असा;

प्र. बोके 2:12

“पिरगमुन शेहरे सतसंगे दूत जे ईं लिख: यीशु मसीह, जेस केईं तेज केआं बि तेज दुई धारी तलवार असी, से ईं बोता कि

प्र. बोके 2:18

“थुआतीरा शेहरे सतसंगे दूत जे ईं लिख: परमेश्वरे कुआ यीशु मसीह, जेसे टीर आगी लौई ईं असे, होर जेसे खुर आगी कुण्ड अन्तर तचाणो पीतले ईं असे, से ईं बोता कि

प्र. बोके 2:8

“स्मुरना शेहरे सतसंगे दूत जे ईं लिख: यीशु मसीह जे पेहला त अखिरि भो, जे मर गो थिआ त अब जीन्ता भोई गो असा, से ईं बोता कि

प्र. बोके 22:16

“मेईं यीशु अपु स्वर्गेदूत तोउं लंघो असा ताकि से तुसी सोबी जे सतसंग बारे ए समाचार दिआल। अउंए दाऊद राजे जड़ त वंश भो, त पथवारी तारा ब्यानु भो”।

प्र. बोके 22:8

अउं सेईंए यूहन्ना भो, जेन ए सोब बोके शुणी त हेरी। ई सोब बोक शुण कइ त हेर कइ अउं तेस स्वर्गेदूते पूजा अराधना करण जे तेसे खुरी पुठ झड़ गा, जेन ए सोब बोके मोउं हराली।

प्र. बोके 3:1

“सरदीस शेहरे सतसंगे दूत जे ईं लिख: यीशु मसीह, जेस केईं परमेश्वरे सत आत्मा त सत तारे असे, से ईं बोता कि तुं सोबी कमी अउं जाणता: मेह्‍णु तुसी जे जीन्ते त बोते, पर असे मरो।

प्र. बोके 3:14

“लौदीकिया शेहरे सतसंगे दूत जे ईं लिख: यीशु मसीह, जे आमीन असा, जे विश्वास करणे लेएक त सच्चा उगाह असा, होर जेसे बेलि परमेश्वरे पूरी सृष्टि बणाई, से ईं बोता कि

प्र. बोके 3:7

“फिलदिफिया शेहरे सतसंगे दूत जे ईं लिख: यीशु मसीह जे शुचा त सच्चा असा, होर जे दाऊद राजे परमेश्वरे राज्य घेणे कुंजुड़ साह्मता, जेसे खोलो कोई बन्न ना कइ बटता, त ना तसे बन्हो कोई खोल बटता, से ईं बोता कि

प्र. बोके 4:5

तेस सिंहासन अन्तरा बिजली चमकती त मेघ गड़कुणे त होरी होरी डरौणी अवाज निस्ती। तेस सिंहासने सम्हाणि सत दीये जाओ असे। से परमेश्वरे सत आत्मा भो।

प्र. बोके 4:8

चोहरो जीवी के छेआ छेआ पंखोड़ असे, होर चोहरो कना त अन्तर टीरे टीर असे। त से दन रात बजन अरामे ईं बोते रेहन्ते, “शुचा केआं, शुचा केआं, हउ बि शुचा असा तु, ए सर्व शक्तिमान प्रभु परमेश्वरा, तु सृष्टि केआं पेहले थिआ, तु अभेईं असा होर तु जुग जुग तकर रेहन्ता।”

प्र. बोके 5:6

तोउं मेईं तेस सिंहासने चोहरो जीवी त तेन्हि स्याणी के बुच, यक भकत चढ़ो ईं किएऊ खड़ खड़ काउ। तसे सत शंग त सत टीर थिए; ए परमेश्वरे सत आत्मा भो जे पूरी धरती पुठ लंघाओ असी।

प्र. बोके 8:2

तोउं मेईं सत स्वर्गेदूत काए, जे परमेश्वरे समाणि खड़ खड़ बिश्ते, त तेन्के धे सत रेशमि दिती।