प्र. बोके 1:2 - Walangi

² होर यूहन्ना ईं उगाही देन्ता कि जे कुछ बि तेन हेरो थिउ, से सोब परमेश्वरे वचन त यीशु मसीहे उगाही भो।

प्र. बोके 1:2 Iomraidhean Croise

यूहन्ना 1:32

तोउं यूहन्ने ईं उगाही दिती कि “मेईं शुची आत्मा अलणी वेश अन्तर स्वर्ग केआं एन्ते त यीशु पुठ बिश्ते काई।

यूहन्ना 12:17

त जे हुसुड़ा यीशु जुए लाजार दुबारी जीआणे टेम थिआ, तेन्हि सम्हाई जे उगाह दिती कि तेन कीं मरो लाजार कब्र केआं दुबारी जीआई कइ यक बोडा चमत्कारे कम किओ असु।

यूहन्ना 19:35

जेन मेह्‍णु ए सोब काउ, तेन ई उगाह दुतो असा, ताकि तुस बि विश्वास करे। तस पता असा कि तसे उगाही सच्ची असी।

यूहन्ना 21:24

अउं, यूहन्ना सेईंए चेला भो, जे इन्हि सोबी बोकी के उगाही देन्ता त इ सोब बोक लिखो असी। त असी सम्हाई जेईं पता असा कि जे उगाही मेईं लिखो असी, से सच्ची असी।

यूहन्ना 3:11

जेस सच्चाई असी पता असा, तस अस बोते, त जे जे असी काओ असु, तसे बारे उगाह देन्ते, पर तुस सम्हाई हें उगाह ना मानते।

प्रतिनिधि 22:15

किस कि तु तसे कनारा सोबी मेह्‍णु के समाणि तेन्हि बोकी के उगाह देन्ता, जे तेईं हेरो त शुणो असी।

प्रतिनिधि 26:16

पर तु खड़ भो; किस कि मेईं तोउ तोउं दर्शण दुतो असे कि तोउ तेन्हि बोकी के सेवक त उगाह बणान्ता, जे तेईं हेरो असी, होर तेन्के बि जेस अउं तोउ हरालता।

प्रतिनिधि 4:20

किस कि जे असी हेरु त शुणु तसे बारे अस चुप ना बिश सकते।”

1 कुरिन्थ 1:6

एसे बेलि तेन ई हराल छड़ु कि हें प्रभु यीशु मसीहे बारे जे उगाही असी दुतो थी, से यकदम सही असी।

1 कुरिन्थ 2:1

ए ट्यारेओ! जपल अउं तुसी केईं अओ थिआ त मेईं परमेश्वरे नियोको बोक बोडी बोडी बोके बड़ाई कइ त अपु अक्ल जुए प्रचार न किआ।

1 यूहन्ना 1:1

अस तुन्धे तेस जीवन देणे बाड़े वचने समाचार देन्ते, जे सृष्टि शुरुवात केईआं थिआ त जे असी शुणा त अपु टीरी बइ का। जपल से जीवन हें बुछ प्रकट भुआ, सच्चे बि असी से बोडे ध्यान जोई हेरो असा त अपु हथे बइ बि छुओ असा। से जीवन बोउ जुओई थिआ, त अमर असा। असी से हेरा, होर तसे उगाह देन्ते।

1 यूहन्ना 4:14

असी हेर छोउ त उगाह बि देन्ते कि बोउए अपु कुआ मनख बचाणे बाड़ा बणाई कइ लंघो असा।

3 यूहन्ना 1:12

होर भाई दिमेत्रुसे बारे सोबी जेईं खरी उगाह देन्ते। से सच्चाई पुठ हंटता। तसे बारे अस बि उगाह देन्ते, होर तु जाणता कि हें उगाही सच्ची असी।

प्र. बोके 1:11

“जे किछ तु हेरता, तेस यक कताब अन्तर लिख कइ तेन्हि सतहोई सतसंगी जे लंघाण दिए, जे इफिसुस, स्मुरना, पिरगमुन, थुआतीरा, सरदीस, फिलदिफिया त लौदीकिया शेहर अन्तर असे।”

प्र. बोके 1:19

तोउं त, जे बोके तेईं भुन्ति काई, त जे बोके भुण लगो असी, होर जे बोके इढ़िया पता भुणे बाड़ी असी, तेन्हि सोबी लिख छड़।

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।

प्र. बोके 12:11

हें साथी सेवक किएऊ लहुए बझई जोई त अपु उगाही वचने बझई जोई तेस पुठ जीत गे, किस कि तेन्हि अपु प्राण ट्यारे ना किए, बल्कि मर बि गे।

प्र. बोके 12:17

त राकस जिल्हाणु हेर सुआ लेहेर एई गई, त तसे होरी गभुरु खिलाफ, जे परमेश्वरे निआंग मानते त यीशु उगाही देणे पक्के थिए, युद्ध करण जे गा।

प्र. बोके 20:4

तोउं मेईं सिंहासन हेरा, त तेन्हि पुठ से मेह्‍णु बिश गे जेन्हि न्याय करणे हक मेओ थिआ। त मेईं तेन्के आत्मा बि काई, जेन्के मगिर यीशु मसीहे बारे उगाही देणे त परमेश्वरे वचने प्रचार करणे बझई जोई कटोओ थिए। तेन्हि न तेस जानवरे, होर न तसे मुर्तिपुजा किओ थी। तेन्के हथ त मगिरि पुठ तेस जानवरे छाप नेओथ लगो। से जीन्ते भोई कइ मसीह जोई हजार साल तकर राज कते रिहे।

प्र. बोके 22:21

प्रभु यीशु कृपादृष्टि सोबी पुठ भुन्ति रिहे। आमीन।

प्र. बोके 6:9

जपल तेन पन्जु मुहर खोली, त मेईं कुण्ड पड्डे तेन्हि मेह्‍णु के प्राण काए, जे परमेश्वरे वचने बझई जोई त तेन्के दुतो उगाही बझई जोई मरि गो थिए।