प्र. बोके 1:16 - Walangi

¹⁶ तेन अपु सुमले हथे बइ सत तारे टाइ रखो थिए। होर तसे आसी बइ तेज दुई धारी तलवार निसतीथ। तसे मुंह अतु टगड़ु थिउ, जीं भर दिसाई दिस चिलकतु।

प्र. बोके 1:16 Iomraidhean Croise

मत्ती 17:2

तठि तेन्के सामणि यीशु रूप बदली गा त तसे मुंह दिसे ईं दुफार, होर तसे झिणे डंगे ईं हच्छे भोई गे।

प्रतिनिधि 26:13

त ए महाराज, बथ दिसाई टेम मेईं अम्बर अन्तरा दिस केईआं बि तेज यक बिजली काई, जे में त मोउं जोई साते हंटणे बाड़ी के चोहरो कना चमकी।

इफिसुस 6:17

परमेश्वर जे तुस बचाओ असे, तस सच्चाई टोफ लाई कइ, त परमेश्वरे दुतो वचन, जे कि शुची आत्माई तलवार भो, तस नी कइ

इब्रानी 4:12

किस कि परमेश्वरे वचन जीन्ता त शक्तिशाली असा। से तेज केआं बि तेज दुई धारी तलवारे ईं असा, जे प्राण त आत्मा, होर जिसम त हलोटे काट छता। ए हर मने भियो त सोच पता कता।

प्र. बोके 1:20

होर से सत तारे, जे तेईं में सुमले हथ टातो हेरे, त तेस सत दीये बाड़े सुन्ने अगाशदीए राज ईं असा: से सत तारे सतहोई सतसंगी के दूत भो, त से सत दीये, सत सतसंग भो।”

प्र. बोके 10:1

फि मेईं यक होरा ताकतवर स्वर्गेदूत बदेए बइ घटिए स्वर्ग केआं उन्नि एन्ता काआ। तसे मगरी पुठ मेघे धनुष थिआ। तसे मुंह दिसे ईं त तसे खुर आगे खम्मे ईं थिए।

प्र. बोके 12:1

तोउं स्वर्ग अन्तर यक बोडा निशाण काआ, मतलब यक जिल्हाणु जेन दिस डबो थिउ त जोसुण तसे खुर पड्डे थी। होर तसे मगरी पुठ बाराह तारी के मुकुट थिआ।

प्र. बोके 19:15

जाति जाति मेह्‍णु मारण जे तेसे मुंह केईआं यक टिखि तलवार निस्ती। से लोहिए लेउडे बइ तेन्हि पुठ राज कता। से त सर्व शक्तिमान परमेश्वरे भयंकर कोपे बेलि तेन्के हाल रसकुन्न अन्तर दाख पिह्‍णे ईं कता।

प्र. बोके 19:21

जे मेह्‍णु बचो थिए, तेन्हि से घुड़सवार अपु आसी केआं निस्ती तलवारे बइ मारी छड़े त सोबी पखुरु तेन्के मासुं रज्जि कइ खउ।

प्र. बोके 2:1

“इफिसुस शेहरे सतसंगे दूत जे ईं लिख: यीशु मसीह जेन सतहो तारे अपु सुमले हथ अन्तर रखो असे, त सत दीये बाड़े सुन्ने अगाशदीए के बुच हंटता, से ईं बोता कि

प्र. बोके 2:12

“पिरगमुन शेहरे सतसंगे दूत जे ईं लिख: यीशु मसीह, जेस केईं तेज केआं बि तेज दुई धारी तलवार असी, से ईं बोता कि

प्र. बोके 2:16

तोउं त, मन बदलीण दिए! ना त अउं झठ तुसी केईं एई कइ तेस तलवारी बइ तेन्हि जोई लड़ता, जे में मुंह केआं निस्ती।

प्र. बोके 3:1

“सरदीस शेहरे सतसंगे दूत जे ईं लिख: यीशु मसीह, जेस केईं परमेश्वरे सत आत्मा त सत तारे असे, से ईं बोता कि तुं सोबी कमी अउं जाणता: मेह्‍णु तुसी जे जीन्ते त बोते, पर असे मरो।