प्र. बोके 1:11 - Walangi

¹¹ “जे किछ तु हेरता, तेस यक कताब अन्तर लिख कइ तेन्हि सतहोई सतसंगी जे लंघाण दिए, जे इफिसुस, स्मुरना, पिरगमुन, थुआतीरा, सरदीस, फिलदिफिया त लौदीकिया शेहर अन्तर असे।”

प्र. बोके 1:11 Iomraidhean Croise

प्रतिनिधि 16:14

तेन्हि जिल्हाणु अन्तरा लुदिया नओएं यक जिल्हाणु हें बोके शुणी बिशो थी। से थुआतीरा शेहरे, यक कीमति झिणे बेचणे बाड़ी भक्त जिल्हाणु थी। प्रभु तसे मन खोला कि पौलुसे बोक यक चत भोई कइ शुणेल।

प्रतिनिधि 18:24

तेन्हि दिनि अपोलुस नओएं यक यहूदी मेह्‍णु, जेसे जनम मिस्र देशे, सिकन्दरिया शेहर भुओ थिआ, इफिसुस शेहर आ। से अब्बल भाषण देन्ताथ त धरमे कताबे पण्डित बि थिआ।

प्रतिनिधि 20:17

पौलुसे मिलेतुस बंदरगाह केआं इफिसुस शेहर जे जवाब लंघाई कइ सतसंगे स्याणे भिए।

1 कुरिन्थ 15:32

मेह्‍णु के हिसाब जुए बोलियेल त अगर मरो मेह्‍णु दुबारी ना जीन्ते त इस इफिसुस शेहरे जंगली जानवर ईं खुंखार मेह्‍णु सामणा करणे में की फायदा? इस केआं त खरु असु कि तीं करुं जीं से बोते ना कि “चले, खाई पी मज्जे कते, किस कि शुई केन काउ!”

1 कुरिन्थ 16:8

पर अउं पिन्तेकुस्ते त्योहार तकर इफिसुस शेहर बिश्ता।

इफिसुस 1:1

ट्यारे इफिसुस शेहरे शुचे त यीशु मसीह पुठ विश्वास करणे बाड़े भाई त भेणिओं! अउं, पौलुस जे परमेश्वरे इच्छाई बेलि यीशु मसीहे प्रतिनिधि बणो असा, तुसी सोबी जे नमस्कार कता।

कुलोसी 2:1

में ट्यारेओ, तुसी त लौदीकिया शेहरे विश्वासी मेह्‍णु जे त जेन्हि कदी अउं काओ नेईं तेन्हि सम्हाई विश्वासी जे, अउं कीं सुआ कष्ट कता, तसे बारे अउं चहन्ता कि तुसी पता लगो लौता।

1 तिमुथि 1:3

बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता।

प्र. बोके 1:17

जपल मेईं से काआ त अउं यक मुड़दे ईं तसे खुरी पुठ डूल गा। तेन मोउं पुठ अपु देहणा हथ रख कइ बोलु, “डर नउ; अउंए शुरुवात त अउंए अन्त भो।

प्र. बोके 1:19

तोउं त, जे बोके तेईं भुन्ति काई, त जे बोके भुण लगो असी, होर जे बोके इढ़िया पता भुणे बाड़ी असी, तेन्हि सोबी लिख छड़।

प्र. बोके 1:2

होर यूहन्ना ईं उगाही देन्ता कि जे कुछ बि तेन हेरो थिउ, से सोब परमेश्वरे वचन त यीशु मसीहे उगाही भो।

प्र. बोके 1:20

होर से सत तारे, जे तेईं में सुमले हथ टातो हेरे, त तेस सत दीये बाड़े सुन्ने अगाशदीए राज ईं असा: से सत तारे सतहोई सतसंगी के दूत भो, त से सत दीये, सत सतसंग भो।”

प्र. बोके 1:4

एशिया इलाके सतहोई सतसंगे में ट्यारे विश्वासी भाई त भेणिओं! अउं यूहन्ना ई चिट्ठि लिखुण लगो असा त अउं चहन्ता कि परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। से परमेश्वर जीन्ता असा। से पेहलाई केआं जीन्ता थिआ, त अगर जे बि जीन्ता रेहन्ता। तिहांणि तेन्हि सत आत्माई, जे तसे सिंहासने समाणि भुन्ति, त यीशु मसीहे बि कृपादृष्टि तुसी पुठ भुन्ति रिहे, होर तुसी शान्ति मेती रिहे। से यीशु मसीह परमेश्वरे यकीन लेएक उगाह असा, जे मरो तेन्हि अन्तरा सोबी केआं पेहले दुबारी जीआ त धरती सोब राजी के अधिकारी असा। तेन असी जोई परेम किआ त अपु लहु बहाई कइ हें पाप धुई छड़े।

प्र. बोके 1:8

सर्व शक्तिमान प्रभु परमेश्वर ईं बोता कि “अउंए ‘अ’ त अउंए ‘ज्ञ’ भो। अउं जीन्ता असा, अउं पेहलाई केआं जीन्ता थिआ, त अगर जे बि जीन्ता रेहन्ता।”

प्र. बोके 10:4

जपल गड़कुणे सतो अवाज भुई, त अउं लिखण पुठ थिआ दे, मेईं स्वर्ग केआं ईं अवाज शुणी, “जे बोके गड़कुणे तेन्हि सत अवाजी केआं शुणो असी, तेन्हि नियोकइ कइ रख, तेन्हि ना लिख।”

प्र. बोके 14:13

फि मेईं स्वर्ग केआं ईं अवाज शुणी, “लिखिण दे! अभेईं केईआं खड़, तेन्हि सोबी जे अशुश मेती, जे प्रभु पुठ मरण तकर विश्वास कते रेहन्ते।” आत्मा बोती, “आं, किस कि से अपु सोब कष्ट केआं अराम कते, होर तेन्के खरे कम कदी ना बिसरिन्ते।”

प्र. बोके 19:9

तोउं स्वर्गेदूते मोउं जे बोलु, “लिख कि ‘धन्य असे से, जे किएऊ ब्याहे जे धामिए असे।’” फि तेन मोउं जे ई बि बोलु, “परमेश्वर केईआं अओ ए वचन सच भो।”

प्र. बोके 2:1

“इफिसुस शेहरे सतसंगे दूत जे ईं लिख: यीशु मसीह जेन सतहो तारे अपु सुमले हथ अन्तर रखो असे, त सत दीये बाड़े सुन्ने अगाशदीए के बुच हंटता, से ईं बोता कि

प्र. बोके 2:12

“पिरगमुन शेहरे सतसंगे दूत जे ईं लिख: यीशु मसीह, जेस केईं तेज केआं बि तेज दुई धारी तलवार असी, से ईं बोता कि

प्र. बोके 2:18

“थुआतीरा शेहरे सतसंगे दूत जे ईं लिख: परमेश्वरे कुआ यीशु मसीह, जेसे टीर आगी लौई ईं असे, होर जेसे खुर आगी कुण्ड अन्तर तचाणो पीतले ईं असे, से ईं बोता कि

प्र. बोके 2:24

पर थुआतीरा शेहरे कुछ मेह्‍णु ईं असे, जे ईजेबेले शिक्षा ना मानते त शैताने सिपरी सिपरी बोके अन्तर नेईं अओ। तेन्हि जे बि अउं ई बोता कि अउं तुसी पुठ होरा कोई भार ना छता।

प्र. बोके 2:8

“स्मुरना शेहरे सतसंगे दूत जे ईं लिख: यीशु मसीह जे पेहला त अखिरि भो, जे मर गो थिआ त अब जीन्ता भोई गो असा, से ईं बोता कि

प्र. बोके 21:5

जे सिंहासन पुठ बिशो थिआ, तेन बोलु, “हेर! अब अउं सोब किछ नोउ करण लगो असा”। फि तेन मोउं जे बोलु, “लिख छड़, किस कि ए जे बि बोली गो असु, से यकीन लेएक त सच्ची असी।”

प्र. बोके 22:10

तोउं तेन मोउं जे बोलु, “इस कताबी अन्तर लिखो भविष्य वाणि बोके नियोकइ कइ न रख, किस कि एन्के पूरा भुणे टेम नीड़ा असा।

प्र. बोके 22:16

“मेईं यीशु अपु स्वर्गेदूत तोउं लंघो असा ताकि से तुसी सोबी जे सतसंग बारे ए समाचार दिआल। अउंए दाऊद राजे जड़ त वंश भो, त पथवारी तारा ब्यानु भो”।

प्र. बोके 3:1

“सरदीस शेहरे सतसंगे दूत जे ईं लिख: यीशु मसीह, जेस केईं परमेश्वरे सत आत्मा त सत तारे असे, से ईं बोता कि तुं सोबी कमी अउं जाणता: मेह्‍णु तुसी जे जीन्ते त बोते, पर असे मरो।

प्र. बोके 3:14

“लौदीकिया शेहरे सतसंगे दूत जे ईं लिख: यीशु मसीह, जे आमीन असा, जे विश्वास करणे लेएक त सच्चा उगाह असा, होर जेसे बेलि परमेश्वरे पूरी सृष्टि बणाई, से ईं बोता कि

प्र. बोके 3:4

पर आं, तुं अठि सतसंग अन्तर केहि ईं मेह्‍णु असे, जेन्हि अपु अपु झिणे बुराई जोई जुठे नेईं किओ। से हच्छे झिणे लाई कइ मोउं जोई हंटते, किस कि से इस जोग असे।

प्र. बोके 3:7

“फिलदिफिया शेहरे सतसंगे दूत जे ईं लिख: यीशु मसीह जे शुचा त सच्चा असा, होर जे दाऊद राजे परमेश्वरे राज्य घेणे कुंजुड़ साह्मता, जेसे खोलो कोई बन्न ना कइ बटता, त ना तसे बन्हो कोई खोल बटता, से ईं बोता कि