फिलिप्पी 4:3 - Walangi

³ ए में सच्चा साथीआ! अउं तें छनेअरे कता कि एन्हि जिल्हाणु के अणबण मुकाण जे मदत कर। किस कि एन्हि मोउं जुए, क्लेमेंस त में होरे साथी जुए खुश खबरी प्रचार करण अन्तर तीं कम किओ थिउ। एन्के नओं परमेश्वरे अपु कताब अन्तर लिख छो असु, जेस अन्तर तेन्हि मेह्‍णु के नओं असे, जेन्हि केईं अमर जीवन असा।

फिलिप्पी 4:3 Iomraidhean Croise

लूका 10:20

फि बि तुस एत खुश ना भो कि आत्मा तुं वश अन्तर असी, पर तुस इस बझई जुए खुश भो कि परमेश्वरे तुसी बचाणे लिए ठीक किओ असु।”

रोमी 12:1

तोउं त ए ट्यारेओ, अउं तुसी परमेश्वरे बोडी कृपा याद दिआई कइ छने कता कि तुस अपु अपफ परमेश्वरे जे यक ईं भकत बणे, जे शुची असी, होर जे सद परमेश्वर जे जीन्ता त जेस हेर परमेश्वर खुश भुन्ता। एईएं तुं सच्चे मन त आत्माई जोई परमेश्वरे पूजा अराधना भो।

रोमी 16:12

त्रुफेना भेण त त्रुफोसा भेण जे में नमस्कार, जे प्रभु सेवा करण अन्तर कष्ट कती। में ट्यारी परसिस भेण जे बि में नमस्कार, जेन प्रभु सेवा करण अन्तर सुआ कष्ट किआ।

रोमी 16:9

उरबानुस जे, जे असी जोई साते मसीहे सेवा कता, होर में ट्यारे भाई इस्तखुस जे में नमस्कार।

फिलिप्पी 1:12

ए ट्यारेओ, अउं चहन्ता कि तुस जाणे कि बेशक मोउं पुठ ई सोब आफत एई, तोउं बि एन्हि आफती बेलि खरा फल मेईंया, किस कि तसे बेलि सुआ मेह्‍णु यीशु मसीह बारे खुश खबरी शुण बटी।

फिलिप्पी 1:27

पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

फिलिप्पी 4:2

अउं यूओदिया त सुन्तुखे भेणि समझान्ता कि दुहे जेईं बणिण दिए किस कि तुस प्रभु पुठ विश्वास कती।

कुलोसी 1:7

तुस एसे बारे हें ट्यारा साथी त मसीहे यकीन लेएक सेवक भाई इपफ्रास केआं शिचे।

प्र. बोके 13:8

धरती पुठि से सोब बिशणे बाड़े, जेन्के नओं जीवने कताब अन्तर ना लिखिए तेस जानवरे पूजा कते। पर जेन्के नओं तेस जीवने कताब अन्तर भुमणे शुरु केआं पेहलाई लिखो थिउ, से तेस जानवरे पूजा ना कते। से कताब यीशु भो, जे यक भकत चढ़ो किएऊ ईं असा।

प्र. बोके 17:8

“जे खतरनाक जानवर तेईं काओ असा, से पेहले थिआ, पर अब नेईं। तोउं बि अब से काल खपर अन्तरा निसण बाड़ा असा, पर हमेशा लिए खतम भुण जे। होर धरती पुठ बिशणे बाड़े से सोब, जेन्के नओं सृष्टि शुरुवात केआं पेहलाई जीवने कताब अन्तर नेईं लिखो, तेस जानवर हेर कइ हैरान भोई घेन्ते कि ए जानवर पेहले त थिआ, पर अब नेईं, होर से दुबारी एन्ता।”

प्र. बोके 20:12

तोउं मेईं मठुड़ बोडे सोब मरो से सिंहासन समाणि खड़ खड़ काए। तोउं कताब खोली त फि यक होरी कताब बि खोली मतलब “जीवने कताब” बि। तेन्हि कताबी अन्तर लिखो तेन्के कमी के हेसाब जोई मरो तेन्के न्याय भुआ।

प्र. बोके 20:15

होर जेसे केसेरी नओं जीवने कताब अन्तर लिखो न मेउ, से आगी टह्‌नु अन्तर फटाई छड़े।

प्र. बोके 21:27

पर तेस अन्तर कोई बि जुठी चीज घेई ना सकती। होर ना तेस अन्तर कोई नलाज्जे कम करणे बाड़ा, या झूठ बोलुणे बाड़ा घेई सकता। पर तेस अन्तर सद से मेह्‍णु घेई सकते, जेन्के नओं किएऊ जीवने कताब अन्तर लिखो असु।

प्र. बोके 3:5

जे जीतते, तेन्हि इहांणि हच्छे झिणे डबेईन्‍ते, होर अउं तेन्के नओं जीवने कताब अन्तरा केसे बि रीति जोई न कटता। होर तेन्के नओं अपु बोउए त तसे स्वर्गेदूती केईं मान छता।