फिलिप्पी 4:19 - Walangi

¹⁹ में परमेश्वर अपु बेहिसाब अमीरी जुए यीशु मसीहे बेलि तुं हर यक जरूरत पूरी कता।

फिलिप्पी 4:19 Iomraidhean Croise

मत्ती 6:32

किस कि अविश्वासी मेह्‍णु ईं अस चीजी तलाश अन्तर रेहन्ते। पर तुं स्वर्गे बोउ जाणता कि तुसी इन्हि सोब चीजी के जरूरत असी।

यूहन्ना 20:17

यीशु तस जे बोलु, “मरियमा, अपल तकर अउं स्वर्ग, अपु बोउ केईं जे गोओरा नेईं। मोउं टाइ ना रख। पर घेई कइ में चेली जे बोल कि अउं अपु त तुं परमपिता परमेश्वर केईं खड़िया घेन्ता।”

यूहन्ना 20:27

तोउं तेन थोमा जे बोलु, “थोमा, एई कइ में टशवाड़ पुठ अपु अंगुली ला। त शक करण छड़ दे त मोउं पुठ विश्वास कर!”

रोमी 1:8

सोबी केआं पेहले त अउं तुं सोबी के लिए यीशु मसीहे बेलिए अपु परमेश्वरे धन्यवाद कता, किस कि मसीह पुठ तुं विश्वासे बारे पूरे धरती पुठ बोके भुण लगो असी।

रोमी 11:33

में बोउआ! परमेश्वरे बुद्धि त ज्ञाने कोई हेसाब नेईं? तसे विचार हें समझ केआं बाहर असे, होर तसे कम सोच केआं बि दूर असे!

रोमी 2:4

तुस तसे कृपादृष्टि, सीढ़णे हिम्मत त तुसी जुए लाह रखण घट ना माने, बल्कि ई समझे कि परमेश्वरे कृपादृष्टि तुसी अपु मन बदलाई कइ तस जुए मीणे मौका देन्ती।

रोमी 8:18

अउं समझता कि इस टेमी दुख तकलीफ, परमेश्वरे असी पुठ प्रकट करणे बाड़ी महिमाईं सामणि कुछ बि नेईं।

रोमी 9:23

होर अगर तसे इच्छा थी कि तेन्हि लाह जोई सेहणे बेलि से अपु सुआ महिमा तेन्हि भाणि पुठ हरालता, जे तसे दाहई लिए पेहलाई बणो असे, त एस अन्तर बि अस कुछ बोल ना बटते।

2 कुरिन्थ 12:21

मोउं डर असा कि, जपल फि अउं तुसी जोई मीण जे एऊं, त तुं तेन्हि पापी के बझई जोई मोउं परमेश्वरे सामणि लजीण एईयेल। होर तुं नाजायज रिश्ता रखणे त लूचा लफंगे कम त होरे बुरे बुरे कमी के पछतावा ना करणे बझई जुए मोउं ती दुख लगाल।

2 कुरिन्थ 4:17

हें कुछ घड़ी पोले दुख कष्ट, असी जे सुआ खास त अमर जीवने महिमा बणाण लगोरी सी।

इफिसुस 1:18

त तुं अन्तर ईं समझ दिए कि तुसी पता लगाल कि तस भिआण अन्तर की उम्मीद असी, त तेन्हि शुचे मेह्‍णु के अमीरी की की असी जे तसे हकदार असे,

इफिसुस 1:7

तेन यीशु मसीहे जान देणे बेलि अस बचाए, मतलब कि तेन अपु बोडी दाह जुए हें पाप श्राप माफ कइ छड़े।

इफिसुस 2:7

ताकि एण बाड़े मतोक अन्तर से हें बेलि हराल बटियाल कि यीशु मसीह अन्तर जे दाह असी जे असी, से कति बोडी असी।

इफिसुस 3:16

कि से अपु बेहिसाब अमीरी केआं अपु आत्माई बेलि तुं मन ताकत जुए भरे।

इफिसुस 3:8

सोबी शुचा मेह्‍णु के अगर में किछ औकात नेईं। तोउं बि परमेश्वरे मोउं पुठ इ दाह की कि अउं मसीह अन्तर जे बेहिसाब अमीरी असी, तेसे खुश खबरी गैर यहूदी शुणान्ता।

फिलिप्पी 4:7

तोउं, परमेश्वरे से शान्ति जे हें समझ ना एन्ती, तुं मन त ध्यान सही सलामत रखता, किस कि तुस मसीह जुए मिओ असे।

कुलोसी 1:27

तेन चहु कि शुचे मेह्‍णु ई पता लगो लौता कि तसे खुश खबरी अन्तर जे नियको बोक असी, से सम्हाई मेह्‍णु जे कती बोडी फायदा बाड़ी असी। से बोक ई असी कि मसीह हें अन्तर बिश्ता त तसे बेलि ईं अस सम्हाई परमेश्वरे हकदार बणो असे।

कुलोसी 3:16

मसीहे वचन हमेशा याद कते रिहे त सम्हाई बुद्धि जुए यक होरी शिचाले, त खबरदार करे। अपु अपु मन अन्तर परमेश्वरे भजन, शुची आत्माई दुतो छुआंरी, त घुरेई धन्यवाद देन्ते लाण दिए।

1 थेस्सलु 2:12

ताकि तुं चाल चलण परमेश्वरे लेएक भुओ लौता, जे तुसी अपु राज्य त महिमा हेस्सा देण जे भिआन्ता।

1 तिमुथि 6:17

इस मतोके अमीर मेह्‍णु जे बोल कि से अपु धन पुठ रोभ ना किढ़े त जेस धने कोई विश्वास नेईं तस पुठ भरोसा ना करे। बल्कि परमेश्वर पुठ अपु भरोसा रखे जे हें सुखे लिए सोब कुछ खुल कइ देन्ता।

फिलेमोन 1:4

ए में ट्यारे भाई फिलेमोन! जपल बि अउं तोउ याद कता त तें लिए परमेश्वरे धन्यवाद कता त तोउ जे हमेशा प्रार्थना कता रेहन्ता।

1 पतरस 5:1

ए ट्यारेओ! अउं अपफ सतसंगे यक स्याणा भो त यीशु मसीहे दुख सीढ़णे उगाह असा। होर जपल से सुआ इज्जत जोई वापिस एईयाल त अउं बि तसे हेस्सेदार भुन्ता। अभेईं अउं तुसी सतसंगे पुराणे सेवकी जे ई लिखता।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।