फिलिप्पी 4:17 - Walangi

¹⁷ ई नेईं कि अउं तुसी केआं चन्ना चहन्ता, पर अउं चहन्ता कि तुं चन्ने बेलि परमेश्वर तुसी तीं अशुश दिए।

फिलिप्पी 4:17 Iomraidhean Croise

यूहन्ना 15:16

तुसी अउं नेईं चुणो, पर मेईं तुस चुणो असे त तुं धे कम दुतो असु कि तुस घेई कइ फल अण्हे त तुं फल हमेशा रिहे। त तुस में नओं पुठ बोउ केआं कुछ मगेल त से तुं धे दी छता।

यूहन्ना 15:8

तुस जपल सुआ फल फलते, तोउं में बोउए शान बधती त तुस ई हरालते कि सच्चे तुस में चेले भीन्‍थ।”

रोमी 15:28

तोउं त, जपल अउं इस कम पूरा करुं, होर चन्ना तेन्हि केईं पुजाई छउं, तोउं स्पेन राज्य जे घेन्त पेंत अउं तुं एन बइ एई कइ तुसी जुए मीता।

2 कुरिन्थ 11:16

अउं दुबारी बोता कि, मोउं कोई जगरा ना समझे। पर अगर तीं समझते त जीं जगरी के बोके शुणते, तीं में रोभ लाण बि धिक शुणे।

2 कुरिन्थ 9:5

तोउं त, मेईं एन्हि भाई जे इ बोलुण जरूरी समझु कि से मोउं केआं पेहलाई तुसी केईं घिए। तुसी खुले मन जोई दान देणे जे जुबान दुतो थी, तस तेयार रखे, ताकि ए दान अपु मर्जी जोई दुतो दान भोल, ना कि केसे दबाव अन्तर या जोर जब्बरदस्ती कर कइ दुतो दान।

फिलिप्पी 1:11

अउं प्रार्थना कता कि यीशु मसीह तुसी सुआ अब्बल अब्बल कम करुण जे ताकत दिए ताकि मेह्‍णु परमेश्वरे धन्यवाद त गुणगान करियेल।

फिलिप्पी 4:11

ई ना सोचे कि अउं अपु गरीबी बझई जुए ईं बोलुण लगो असा। पर ना, मेईं हर हाल अन्तर खुश भोई कइ बिशुण शिचो असु।

1 थेस्सलु 2:5

किस कि तुसी त पता असा, होर परमेश्वर बि हें उगाह असा कि अस ना कदी चाथि कतेथ, होर ना लालच जे बहाना बणान्तेथ।

1 तिमुथि 3:3

ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 6:10

किस कि रुपेई के लालच सोबी बुराई के जड़ असी, जेस तोपते तोपते सुआ मेह्‍णु परमेश्वरे सच्चा वचन छड़ दी कइ अपु अपफ सुआ दुखे बेलि लहुलुहान किओ असे।

तीतुस 1:7

किस कि जे सतसंगे मुखिया भुन्ते, से परमेश्वरे भण्डारी बणते। इस बझई जुए से दोषी ना लौते; ना हठि, ना उश्कोटे, ना प्याकड़, ना कुटीण बाड़े, होर ना अपु फायदे लालची लौते।

तीतुस 3:14

हें विश्वासी मेह्‍णु बि होरी के जरूरते टेम मदत करणे खरा कम शिचो लौता। तोउं से बेकार ना भुन्ते।

इब्रानी 6:10

किस कि परमेश्वर अन्याय करणे बाड़ा न भो कि से तस जोई, जे तुं परेम असा, तस बिसिर छता। से जरूर याद कता कि तुसी कीं परमेश्वरे शुचे मेह्‍णु के सेवा की त अभेईं तकर कते अओ असे।

1 पतरस 5:2

तुस परमेश्वरे तेस सतसंगे, जेसे जिम्मेबारी तुसी मेओ असी, तसे सुसुर देखभाल करे। ई केसेरी दबाव अन्तर एई कइ ना करे, पर परमेश्वरे इच्छाई हेसाब जुए खुश भोई कइ करे। होर बुरी कमेई लिए न, बल्कि अपु मन लाई कइ करे।

2 पतरस 2:15

से सच्चाई बथ छड़ कइ मुकणे बथ पुठ हंटण लगो असे, जीं बओरे कुआ बालाम भविष्य वक्ता हंटो थिआ। तस बुराई कर कइ कमाण ट्यारु लगो थिउ।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:11

एन्हि सुआ भयंकर सज्जा मेती, किस कि ए मेह्‍णुमार कैने ईं चाल हंटते, त रुपेई लोभ कर कइ बालामे ईं गलत कम कते। त से कोराहे ईं असे, जे बगावत कर कइ खतम भोई गा।