फिलिप्पी 4:14 - Walangi

¹⁴ तोउं बि में कष्ट अन्तर तुसी मोउं जे चन्ना लंघाई कइ खरु किउ।

फिलिप्पी 4:14 Iomraidhean Croise

मत्ती 25:21

तसे मालिके तेस जे बोलु, ‘शबाश! ए खरे त यकीन लेएक नौखरा, तु थोड़े अन्तर बि यकीन लेएक रिहा, त अउं तेन्धे सुआ होरे चीजी के जिम्मेबारी देन्ता। गा त अपु मालिक जुए खुशी मनाण दे।’

रोमी 15:27

तेन्हि ईं करुण ठीक किउ, होर सच्चे बि से तेन्के ऋणि असे। त किस कि यहूदी के बेलि गैर यहूदी मेह्‍णु के आत्माई फायदा भो असा, त ई ठीक असु कि गैर यहूदी के बेलि यहूदी मेह्‍णु मदत भोल।

गलाती 6:6

ए ठीक भुन्तु कि जे तुसी परमेश्वरे वचने शिक्षा देन्ते, तुस तेन्के हर किस्मे मदत करे।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

फिलिप्पी 4:18

अभेईं में जरूरत जे मोउं सुआ मेओ असु त मोउं केईं डट कइ असु। इफ्रुदितुस केईआं तुसी जे चन्ना लंघो थिआ, तसे बेलि अउं रज्जि भोई गो असा। से चन्ना परमेश्वरे लेएक तस खुश करण जे यक अब्बल मुश्कदार भकत ईं असा।

1 तिमुथि 6:18

से खरे कम करे त खरे कम अन्तर अमीर बणे, होर मदत करण त दान देण अन्तर चुस्त रिहे।

इब्रानी 10:33

तुसी बिचा केहि त सोबी के सामणि भुंजुण त लजीण आउ त होर केहि तेन्के मदत कर कइ सुआ दुख सेहे।

इब्रानी 10:34

किस कि तुसी तेन्हि विश्वासी पुठ दाह अओ थी, जे जेहेल अन्तर कैद थिए। होर तुं सोब कुछ लूटी गोउ, तोउं बि तुस खुश बिशे, किस कि तुसी पता थिआ कि तुं धे अब्बल त अमर धन देण जे परमेश्वरे जुबान दुतो असी।

इब्रानी 13:16

होरी के भलाई करण त तेन्के जरूरते चीजे देण न बिसरीण, किस कि परमेश्वर एसे ईं भकती बेलिए खुश भुन्ता।

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।