फिलिप्पी 3:9 - Walangi

⁹ त अउं मसीह जुए मिउं। तोउं त, अभेईं मोउं पता लगो असा कि नियम मानणे बेलि अउं परमेश्वरे अगर धर्मी ना बणता, बल्कि यीशु मसीह पुठ विश्वास करणे बेलि धर्मी बणता किस कि परमेश्वर ईं असा जे असी धर्मी बणान्ता अगर कोई मसीह पुठ विश्वास कराल त।

फिलिप्पी 3:9 Iomraidhean Croise

मत्ती 9:13

त अब तुस पेहले धरमे कताब अन्तर लिखो तेस बोके मतलब समझे, जेठि परमेश्वर बोता कि ‘अउं दाह करणे बेलि खुश भुन्ता, भकत चढ़ाणे बेलि ना।’ किस कि जे अपु अपफ धर्मी समझते अउं तेन्हि ना, बल्कि पापी मेह्‍णु मन बदलाणे बारे बोलुण जे अओ असा।”

रोमी 1:17

किस कि ए खुश खबरी हरालती कि जे परमेश्वर पुठ विश्वास कते, तेन्हि से कीं कइ धर्मी बणान्ता, जीं धरमे कताब अन्तर लिखो असु, “विश्वासे बेलिए ईं धर्मी मेह्‍णु जीन्ते रेहन्ते।”

रोमी 10:10

किस कि धर्मी भुण जे मने बइ विश्वास करिए लौता, होर बचणे लिए मुंहुए बइ बोलिये लौतु।

रोमी 16:7

अन्द्रोनीकुस भाई त यूनियास भेणि जे बि में नमस्कार। से में ईं यहूदी भो त मोउं जोई साते कैद भुओ थिए। होर प्रतिनिधि बुछ ए खरे नामी-ग्रामी असे। एनि मोउं केईआं पेहलाई मसीह पुठ विश्वास किओ थिआ।

रोमी 5:21

त जीं पापे मरणे बेलि सोबी पुठ राज किआ, तिहांणि परमेश्वरे कृपा बि हें प्रभु यीशु मसीहे बेलि, असी धर्मी बणाई कइ अमर जीवने लिए राज कती।

रोमी 8:1

तोउं त, जे अब यीशु मसीह जोई मिओ असे, तेन्हि परमेश्वर दोषी कर कइ सज्जा ना देन्ता।

रोमी 8:3

किस कि नियमे जे कम असी कमजोर भोई कइ कर ना बटे, से परमेश्वरे किए। ई करण जे तेन अपु कुआ हें ईं मनखे जिसम अन्तर लंघा, ताकि से हें पापे लिए भकत चढ़ियेल। तीं कर कइ परमेश्वरे जिसम पुठ पापे सज्जा दिती,

1 कुरिन्थ 1:30

परमेश्वरे ई तुस यीशु मसीह पुठ विश्वास करणे बझई जुए जीन्ते किओ असे, किस कि मसीहे बेलि परमेश्वरे तुन्धे बुद्धि दुतो असी; तेन तुस अपफ जुए मिओ असे, अपफ जे तुस शुचे किओ असे त तुस पापे शंकीड़ी केआं छुड़को असे।

2 कुरिन्थ 5:17

तोउं त, अगर केनि मसीह पुठ विश्वास किओ असा, से परमेश्वरे यक नोई सृष्टि भुओ असी। तेस अन्तर जे पुराणि बोक असी, से खतम भोई गो असी, होर सोब कुछ नोउ भुओ असु।

2 कुरिन्थ 5:21

किस कि तेन कदी पाप नेओथ किओ, से हें खातिर ईं यक पापी ईं बणा, ताकि तेस पुठ विश्वास करणे बेलि अस परमेश्वरे अगर धर्मी बणियेल।

फिलिप्पी 3:6

में धरम मोउं एत ट्यारा थिआ कि अउं मसीहे सतसंग भुंजान्‍ताथ त नियम मनण अन्तर अउं यकदम धर्मी थिआ।

2 तिमुथि 1:9

तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

तीतुस 3:5

त अस बचाई छड़े। तेन अस हें किओ खरे कमी के बेलि नेईं बचाओ, पर अपु दाह जुए दुबारी जमणे सन्हुण त शुची आत्मा नोई बणाणे बेलि बचाए।

इब्रानी 6:18

परमेश्वर कदी झूठ ना बोता। परमेश्वरे जुबान त तसे सोह कदी बदली न बटते। त असी इस बोक पुठ ती हिम्मत मेओ लौती। किस कि अस परमेश्वरे दुतो तेस उम्मीद सम्हाड़ी कइ रखण जे तेस केईं जे दौड़ो असे।

याकूब 3:2

किस कि असी सोबी केईआं गलती भुन्ति रेहन्ती। पर जे कोई अपु बोके बेलि कुछ बि गलती ना कता, सेईंए सिद्ध मेह्‍णु असा। से अपु पूरा जिसम बि अपु वश अन्तर कइ रखता।

2 पतरस 1:1

ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

1 यूहन्ना 3:4

जे कोउं पाप कता, से नियम टोड़णे दोषी बणता; किस कि पाप करण नियमे खिलाफ भुण असु।