फिलिप्पी 3:5 - Walangi

⁵ भरोसा करणे बझह असी कि मूसे दुतो नियम हिसाब जुए में खतना अठूं रोज भुआ। अउं यक इस्राएली भो। अउं बिन्यामीने ऊड़ी अन्तर जमो असा त में जिसम अन्तर पुरखी के साफ लहु असु। अउं फरीसी दले यक मेह्‍णु थिआ, जे बड़े ध्यान जुएई सम्हाई नियम मानतेथ।

फिलिप्पी 3:5 Iomraidhean Croise

लूका 1:59

त अठूं रोज से सोब तेस कोईये खतना करण जे आए। त तसे नओं अपु बोउए नओं पुठ “जकराय” रखण लगे।

लूका 2:21

अठूं रोजे जपल तेस कोईये खतना भुआ त तसे ईये बोउए तस कुआ नउ “यीशु” रखु, जीं स्वर्गेदूत तेन्हि पेहलाई सुझौ थिउ।

लूका 5:38

पर नउआं सरा नोउए खलोठु अन्तर रखो लौता।

प्रतिनिधि 22:3

“अउं यक यहूदी मेह्‍णु भो, जे किलिकिया इलाके तरसुस शेहर अन्तर जमो असा; पर अउं मठड़ियारी केईआं इस शेहर अन्तर गमालीएल गुरुजी केईं बिश कइ पढ़ो असा, त हें पितरी के नियम ठीक रीत जोई शिचो असा; होर अउं बि परमेश्वरे धुन अन्तर तीं मस्त थिआ, जीं तुस आज असे।

प्रतिनिधि 23:6

तोउं ईं पता लगणे बेलि कि तठि केहि सदूकी दले त केहि फरीसी दले मेह्‍णु असे, पौलुसे टजे समाणि जोरी जोई बोलु, “ए भाईओ! अउं यक फरीसी भो त फरीसी के ऊड़ी भो। मरो तेन्हि दुबारी जीणे उम्मीद बारे इठि में पेशी भुण लगो असी।”

प्रतिनिधि 6:1

तेन्हि दिनि, जपल विश्वासी सुआ बधण लगे, तपल यूनानी भाषा बोलुणे बाड़े यहूदी विश्वासी, इब्रानी भाषा बोलुणे बाड़े यहूदी विश्वासी के खिलाफ धूरा दिता कि “रोजे लंगर अन्तर तुस हें विधवा जिल्हाणु सुसुर खाण जे ना देन्ते।”

रोमी 11:1

तोउं कि अउं ई बोल सकता ना कि परमेश्वरे अपु टज इस्राएल छड़ दुतो असी? ना, कदी ना! अउं अपफ बि त यक इस्राएली भो; अब्राहमे पीढ़ी त बिन्यामीने ऊड़ी भो।

2 कुरिन्थ 11:22

से बोते कि से इब्रानी मेह्‍णु भिन्थ, त अउं बि बोता कि अउं बि इब्रानी भो। से अगर अपफ जे इस्राएली बोते त अउं बि इस्राएली भो। से अगर अपफ जे अब्राहमे ऊड़ी बोते त अउं बि तसेरी ऊड़ी भो।