फिलिप्पी 3:3 - Walangi

³ अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

फिलिप्पी 3:3 Iomraidhean Croise

रोमी 1:9

जेस परमेश्वरे सेवा अउं पूरे मन जोई तसे कोईया खुश खबरी प्रचार करणे बेलि कता, सेईंए में उगाह असा कि अउं दन रात अपु प्रार्थना अन्तर तुसी याद कता रेहन्ता।

रोमी 15:17

त किस कि अउं मसीह यीशु जुए जुड़ो असा, त परमेश्वरे खुश खबरी जे, जे सेवा अउं कता, तस बारे रोभ किढ़ता।

रोमी 7:6

पर जेसे नियम अन्तर अस बन्हिए थिए, तसे लिए मर कइ अब छूट गो असे, ताकि लिखो तसे पुराणि रीत जोई ना, पर परमेश्वरे आत्माई नोई रीत जोई तसे सेवा कते।

रोमी 8:15

किस कि परमेश्वर तुं धे ईं आत्मा नेईं दुतो कि तुस गुलाम बणियेल त डरियेल। पर तेन तुं धे अपु गभुर बणणे आत्मा दुतो असी, जेसे बेलि अस तस जे “बोउआ, ए बोउआ” बोल कइ हक देन्ते।

रोमी 8:39

ना खड़िया, ना डुघियार, होर ना सृष्टि कोई बि चीज असी परमेश्वरे परेम केईआं, जे हें प्रभु यीशु मसीह अन्तर असा, असी अलग कइ ना बटते।

रोमी 9:6

पर एसे मतलब ईं नेईं कि परमेश्वरे जुबान बेकार भुई, किस कि जे बि इस्राएले वंश अन्तर जमो असे, से सोब सच्चे इस्राएली ना भो।

2 कुरिन्थ 11:18

सुआ जेईं त इस मतोके हिसाब जोई रोभ लान्ते, त धिक अउं बि लान्ता।

गलाती 5:25

त अगर अस शुची आत्माई बेलि जीन्ते असे त तसे इच्छाई मुताविक बि जीण असु।

गलाती 6:16

त जत मेह्‍णु ई बोक मान कइ जीन्ते, से परमेश्वरे सच्चे गभुर बणते त परमेश्वरे शान्ति त दाह तेन्हि पुठ भुन्ति रेहन्ती

इफिसुस 6:18

हर बेले, हर चीजी लिए शुची आत्मा बेलि प्रार्थना, दुआ कते रिहे। हेरी बिशे त होरे शुचे मेह्‍णु जे लगातार दुआ कते रिहे।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 3:12

अउं ईं बोलुण नेईं लगो कि अउं इस पुठ कमियाब भोई गो असा, त परमेश्वरे अगर सिद्ध भोई गो असा। पर अउं यीशु मसीहे ईं भुण जे जब्बर कोशिश करण लगो असा, किस कि एसे खातिर तेन अउं चुणो असा।

फिलिप्पी 3:14

अउं यक खिलाड़ी ईं निशाणी पतूं दौड़ुण लगो असा, ताकि मोउं से ईनाम मेईंयाल जे परमेश्वर मेन्धे देन्ता। से ईनाम स्वर्ग अन्तर अमर जीवन असा। तस देण जे तेन अउं भिहो असा, किस कि अउं यीशु मसीह पुठ विश्वास कता।

कुलोसी 2:11

तस जुए मीणे बेलि तुं बि जीं खतना भो असा, पर मेह्‍णु हथे बेलि ना जे सिर्फ जिसमे कुछ हेस्सा काट कइ फटान्ते। तुं खतना मसीह बेलि भो असा, जेन तुं सम्हाई पापी गुण किढ़ कइ फटाई छउ असे।

यहूदा 1:20

पर ए ट्यारेओ! तुस अपु शुचा विश्वास अन्तर बधते घिए। होर शुची आत्माई मदती बेलिए प्रार्थना कते रिहे।