फिलिप्पी 3:20 - Walangi

²⁰ पर अस जे मसीह पुठ विश्वास कते, जेठि बिश्ते से स्वर्ग भो। अस प्रभु यीशु मसीह, हें बचाणे बाड़ा तठिआ दुबारी एणे बोडी बेशब्री जुए भाड़ते।

फिलिप्पी 3:20 Iomraidhean Croise

मत्ती 19:21

यीशु तेस जे बोलु, “किस कि तु सिद्ध पुरुष बणुण चहन्ता, त गा अपु सोब बेच कइ गरीबी कें धे बांट छड़, होर में पता आई। तोउं, तोउ स्वर्ग अन्तर धन मेता।”

लूका 12:21

इरुही से मेह्‍णु असा जे सद अपफ जे धन किठेरता, पर परमेश्वरे सम्हाणि से गरीब असा।”

लूका 14:14

तोउं तु धन्य भुन्ता, किस कि तेन्हि केईं तोउ तबादला देण जे कुछ नेईं। पर जपल धर्मी दुबारी जीन्ते, तपल परमेश्वर तेन्धे तेसे तबादला देन्ता।”

प्रतिनिधि 1:11

त तेन्हि जे बोलु, “ए गलीले मेह्‍णुओ, तुस खड़ खड़ अम्बरे धे हेरी किस बिशो असे? एईएं यीशु, जे परमेश्वरे तुं भेएड़ केआं स्वर्ग जे नी छड़ा, जीं तुसी से स्वर्ग जे घेन्ता काआ, तिहांणि से यक रोज दुबारी एन्ता।”

1 कुरिन्थ 1:7

परमेश्वरे तुन्धे सुआ वरदान दुतो असे, किस कि तुस हें प्रभु यीशु मसीह दुबारी एणे बोडे धीरे जुए भाड़ बिशो असे। त तुं अन्तर कोई कमी पेशी ना भो लौती।

1 कुरिन्थ 15:48

जीं से पेहला मेह्‍णु जने थिआ, तीं इस मतोके अस सोब मेह्‍णु बि तसेरी ईं जने असे। होर जीं यीशु मसीह स्वर्गे भो, तीं स्वर्ग अन्तर घेणे बाड़े मेह्‍णु बि स्वर्गे भो।

2 कुरिन्थ 4:18

किस कि हें ध्यान, केणे बाड़े चीजी पुठ नेईं, बल्कि जे चीज केती नउ, तेस पुठ असा। किस कि जे चीज केती, से कुछ देर लिए ईं असी। पर जे चीज न केती, से कदी ना मुकती।

2 कुरिन्थ 5:8

इस बझई जुए अस नडर रेहन्ते त जिसम केआं बखरी कइ प्रभु जुए साते बिशुण सुआ अब्बल समझते।

गलाती 4:26

पर दोकी जुबान स्वर्ग पुठि तेस यरुशलेम शेहरे ईं असा, जे सारा ईं अजाद गभुर जमाणती। से नौखराणि नेओथ त अस जे विश्वास कते तसे गभुर भिन्थ।

इफिसुस 2:19

तोउं त अभेईं तुस ना परदेशी, होर ना अणजाण रिहे। पर शुचे मेह्‍णु के अपु भोई कइ साथी बणे त परमेश्वरे ऊड़ी भुए।

इफिसुस 2:6

तेन अस मसीह यीशु जुए जीए, त स्वर्ग अन्तर तस जुए राजगद्दी पुठ बिशाणे,

फिलिप्पी 1:10

तेस बुद्धि बेलि तुसी पता लगता कि सोबी केआं ज्यादा खरु करुण की असु। तस करणे बेलि मसीह एणे रोज तुं जीवन शुचा त बजन कोई दोषे मेईंयाल।

फिलिप्पी 1:27

पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

कुलोसी 1:5

तुं विश्वास त परेम इ हरालता कि स्वर्ग पुठ जे अशुश तुसी जे असी, तस पुठ तुसी जब्बर उम्मीद रखो असी, जेसे बारे तुसी खुश खबरी बेलि शुणो थिउ।

1 थेस्सलु 1:10

होर से ईं बि बोक कते रेहन्ते कि तुस कीं परमेश्वरे कुआ यीशु मसीह स्वर्ग केईआं एणे हेरी बिशो असे। परमेश्वरे से मरो मेह्‍णु केआं दुबारी जीन्ता किओ असा त यीशु असी परमेश्वरे एणे बाड़े कोप केआं बचान्ता।

1 थेस्सलु 4:16

किस कि प्रभु अपफ स्वर्ग केआं एन्ता; तिखेईं सुआ लियार लगती त ताकतवर स्वर्गेदूते अवाज शुणती त परमेश्वरे रेशमि बजती। होर जे मसीह अन्तर मरो असे, से पेहले जी घेन्ते।

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

इब्रानी 12:22

पर तुस तेस सिनै फाट केईं अओ असे, स्वर्गे तेस यरुशलेम शेहर केईं अओ असे, जेठि परमेश्वर बिश्ता त अणगणे स्वर्गेदूत खुशी मनाण जे किठे भुओ असे।

इब्रानी 9:28

तिहांणि यीशु मसीह बि सुआ जेईं के गलती त पाप धूणे लिए यके लिंगि अपु भकत दिती। से दोके लिंगि तेन्के पापी के भकत देण जे न, बल्कि तेन्हि बचाण जे एन्ता, जे तस भाड़ बिशो असे।

प्र. बोके 1:7

हेरे! से बदेई पुठ सवार भोई कइ एणे बाड़ा असा। होर जेन्हि से कोरो थिआ, से बि तेस हेरते, त तसे बझई जोई धरती पुठि सोब जाति मेह्‍णु अपु अपु डडोर बजान्ते। आं, आं सच्चे बि। आमीन।