फिलिप्पी 3:18 - Walangi

¹⁸ किस कि सुआ मेह्‍णु के चाल चलण मसीहे खिलाफ असा, जेन्के बारे मेईं तुसी घड़ी घड़ी बोलो थी। अउं अभेईं बि रोलते रोलते बोता कि से मसीहे दुश्माण असे किस कि से क्रूस पुठ तसे मरणे कोई कदर ना कते।

फिलिप्पी 3:18 Iomraidhean Croise

लूका 19:41

जिखेईं यीशु यरुशलेमे भेएड़ आ त शेहर हेर कइ रोलु

प्रतिनिधि 20:19

त कीं अउं अपफ सुआ घटाई कइ, रोली रोली, होर तेन्हि भुंजाण सेही कइ, जे में खिलाफ यहूदी मेह्‍णु के मेझर बझई जोई मोउं पुठ आए, तोउं बि अउं प्रभु सेवा कते रिहा।

रोमी 9:2

मोउं सुआ दुख असा, होर में मन हमेशा अशी असी,

1 कुरिन्थ 1:18

किस कि जे परमेश्वर केआं अलग भोई कइ मरण लगो असे, तेन्हि मसीहे क्रूसे बारे हें बोक “बकवास” लगती, पर असी ए “परमेश्वरे ताकत” लगती, किस कि तेन अस बचाओ असे।

1 कुरिन्थ 6:9

तुसी पता नेईं ना कि बुरे मेह्‍णु परमेश्वरे राज्ये हकदार न बणते? ईं ना सोचे कि गलत तरीके जुए जिसमे संमंध रखणे बाड़े, मुर्तिपुजा करणे बाड़े, नाजायज रिश्ता रखणे बाड़े त अपु लिंगे मेह्‍णु जुए जिसमे रिश्ता रखणे बाड़े, परमेश्वरे राज्ये हकदार बणते। कदी ना!

2 कुरिन्थ 11:13

किस कि से ना कोई मसीहे प्रतिनिधि असे, होर ना सच्चे मन जुए सेवा करणे बाड़े असे। से त बस, मसीहे प्रतिनिधि भुणे ढोंग कते।

2 कुरिन्थ 11:29

की बारा! केसेरी कमजोरी हेर कइ कि अउं कमजोर न भुन्ता ना? होर, अगर कोउं जेईं पाप अन्तर फसता त की मोउं दुख न लगता ना? आं, मोउं तीं लगता।

2 कुरिन्थ 2:4

मेईं त बोडे दुख जुए रोलते रोलते तुसी जे चिट्ठि लिखो थी। में मकसद ई नेओथ कि तुसी दुख दिउं, बल्कि तेस बेलिए तुसी बताउं कि तुस मोउं कत ट्यारे असे।

गलाती 1:7

पर, ए कोई खुश खबरी नेईं, बल्कि कुछ मेह्‍णु असे, जे मसीहे खुश खबरी बुमोरण त तुसी धोखा देण चहन्ते।

गलाती 2:14

त जपल मेईं हेरु कि से सम्हाई खुश खबरी सच्चाई हेसाब जुए नेईं हंटण नेईं लगो त मेईं सम्हाई के सम्हाणि पतरस जे बोलु, “अगर तुस यहूदी भोई कइ बि यहूदी रीति रिवाज ना मानते, त कीं कइ गैर यहूदी जे यहूदी रीति रिवाज मनण जे जोर देन्ते?”

गलाती 2:21

त अउं परमेश्वरे इस दाह बेकार घेण ना देन्ता। किस कि अगर नियम मानणे बेलि अउं धर्मी बणताथ, त मसीह मरुण जरूरी नेओथ।

गलाती 5:21

त होरे मेह्‍णु तस रशुणे लगते। से प्याकड़ भुन्ता त से मौज मस्ती अन्तर जीन्ता। एसे छड़, से हर किस्मे गलत कम कता। मेईं जीं पेहले बोलो थिउ, तीं अभेईं बि बोता कि ईं कम करणे बाड़ा परमेश्वरे राज्ये कदी भोई ना बटता।

गलाती 6:12

जे तुसी खतना करण जे जोर देन्ते, से सद अपु नओं कमाण चहन्ते कि तेन कत मेह्‍णु के खतना कराई छड़ा। त से ना चहन्ते कि मसीह पुठ विश्वास करणे बझई जुए तेन्के यहूदी साथी तेन्हि भुंजाल।

गलाती 6:14

पर ईं कदी ना भुई सकतु कि अउं मसीह यीशु क्रूस पुठ किओ कम छड़ दी कइ किछ होरे पुठ रोभ किढ़ाल। एस बझई जुए त मतोक अब मोउं वश अन्तर कइ ना सकतु त में बि मतोके कोई कम करणे इच्छा नेईं।

इफिसुस 4:17

ट्यारे भाई त भेणिओं! इस बझई जुए प्रभु केआं मेओ हके बेलि अउं तुसी जे बोता कि अभेईं केआं तुसी अविश्वासी मेह्‍णु ईं ना जीण, जेन्के मन अन्तर कऊ भरिए असा।

1 थेस्सलु 4:6

इस बोक पुठ कोई बि अपु भाई या भेण ना ठगे, होर ना तेन्हि पुठ कोई जोर ना लाण। किस कि असी पेहले ईं तुसी जे बोलो असु त खबरदार बि किओ असे कि प्रभु इन्हि सोबी बोकी के सज्जा देन्ता।

2 थेस्सलु 3:11

तोउं बि अस इ शुणुण लगो असे कि तुं बुच केहि मेह्‍णु के चाल चलण ठीक नेईं। से अपफ कोई कम ना कते, पर होरी के कमी अन्तर खुठि देन्ते।

2 पतरस 2:10

खास कर तेन्हि जे परमेश्वर सुआ सक्ति कता, जे तसे राज ना मानते त सद अपु जिसमे बुरी इच्छाई हेसाब जुए जीन्ते। से गलत शिक्षा देणे बाड़े ढीठ त लापरवाह असे, त अपफ केईआं बोडी जे भलु बुरु बोलुण जे बि ना डरते।

यहूदा 1:13

ए समन्दरे भयंकर छल्हारे ईं असे, जे अपु लज शरम तेन्हि शोफि के ईं फटान्ते। ए तेस टूटो तारे ईं असे, जेन्हि हमेशा हमेशा लिए अन्हारे अन्तर बिशुण ठीक किओ असु।