फिलिप्पी 3:14 - Walangi

¹⁴ अउं यक खिलाड़ी ईं निशाणी पतूं दौड़ुण लगो असा, ताकि मोउं से ईनाम मेईंयाल जे परमेश्वर मेन्धे देन्ता। से ईनाम स्वर्ग अन्तर अमर जीवन असा। तस देण जे तेन अउं भिहो असा, किस कि अउं यीशु मसीह पुठ विश्वास कता।

फिलिप्पी 3:14 Iomraidhean Croise

लूका 16:16

जे नियम परमेश्वरे मूसे धे दुतो थिआ त जे खबर भविष्य वक्ते अण्हो थी, तसे घोषणा सद यूहन्ने एणे टेम तकर थी। तढ़ेया पता, परमेश्वर जेस राज्ये जुबान दुतो थी, तेस एणे खुश खबरी घोषणा भुओ असी त हर कोई तेस अन्तर बोडे जोश जुए घेण चहन्ते।

रोमी 11:29

किस कि परमेश्वरे वरदान त भिआण कदी न टलतु, से अटल असु।

1 कुरिन्थ 9:24

तुसी कि पता नेईं ना, दौड़ अन्तर सम्हाई त दौड़ते, पर सद यके जेईं ईनाम मेती? त तुस बि मसीह पुठ विश्वास करण अन्तर इहांणि कोशिश करे कि तुसी ईनाम मेओ लौता।

2 कुरिन्थ 4:17

हें कुछ घड़ी पोले दुख कष्ट, असी जे सुआ खास त अमर जीवने महिमा बणाण लगोरी सी।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

कुलोसी 2:18

त जे बि तुसी स्वर्गेदूती के पूजा करण जे या वेबझह अपफ जे कष्ट देण शिचालते, तेन्के बोक ना माने। अगर तुस तेन्के बोक मानियेल त अपु ईनाम गड़ाई छते। से दर्शण हेर कइ अपु पापी मने सोची बेलि झूठा रोभ किढ़ते।

1 थेस्सलु 2:12

ताकि तुं चाल चलण परमेश्वरे लेएक भुओ लौता, जे तुसी अपु राज्य त महिमा हेस्सा देण जे भिआन्ता।

2 तिमुथि 1:9

तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

इब्रानी 3:1

तोउं त, ए में भाई त भेणिओं! तुस, जे परमेश्वरे शुचे भुण जे भिओ असे! हें विश्वासे मुखिया त हें बोडा पुजारे यीशु बारे धिक सोचे।

इब्रानी 6:1

तोउं त, चले! मसीहे शुरुवाती शिक्षा केआं अगर बध कइ अस विश्वास अन्तर पक्के भोई घेन्ते। बुरे कमी केआं मन बदलणे, त परमेश्वर पुठ विश्वास करणे बारे शुरुवाती शिक्षा दुबारी शिच कइ अपु विश्वासे दोकी खाई ना देन्ते।

1 पतरस 1:13

तोउं त, अपु अपु मन तेयार कर कइ त अपफ जे वश अन्तर रख कइ, तेस दाह दयाई भाड़ अन्तर बिशे, जे यीशु मसीहे प्रकट भुणे टेम तुसी मेणे बाड़ी असी।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

प्र. बोके 3:21

“जे जीतते, तेन्हि अउं अपफ जोई साते अपु सिंहासन पुठ तिहांणि बिशणे हक देन्ता, जीं अउं बि जीत कइ अपु बोउ जोई साते, तसे सिंहासन पुठ बिश गो असा।