फिलिप्पी 3:12 - Walangi

¹² अउं ईं बोलुण नेईं लगो कि अउं इस पुठ कमियाब भोई गो असा, त परमेश्वरे अगर सिद्ध भोई गो असा। पर अउं यीशु मसीहे ईं भुण जे जब्बर कोशिश करण लगो असा, किस कि एसे खातिर तेन अउं चुणो असा।

फिलिप्पी 3:12 Iomraidhean Croise

मत्ती 5:48

तोउं त, अउं बोता कि तुस खरे बण कइ सिद्ध बणे, जीं तुं स्वर्गे बोउ सिद्ध असा।”

प्रतिनिधि 9:15

पर प्रभु तेस जे बोलु, “तु घेण दे; किस कि से त में चुणो भो, ताकि से में नओएं गैर यहूदी, राजी त इस्राएली मेह्‍णु के सामणि प्रचार करियाल।

रोमी 8:39

ना खड़िया, ना डुघियार, होर ना सृष्टि कोई बि चीज असी परमेश्वरे परेम केईआं, जे हें प्रभु यीशु मसीह अन्तर असा, असी अलग कइ ना बटते।

1 कुरिन्थ 13:10

पर जपल मसीह एन्ता, तपल जे किछ वरदान अधूरे असे, से मुक घेन्ते।

1 कुरिन्थ 13:12

अभेईं त अस जीं खराब शिशे अन्तर अन्हारी शकल केण लगो असी। पर यक रोज जरूर एन्ता, जिएस अस तस अमाणि-समाणि हेर बटते। अभेईं असी तसे बारे पूरा पता नेईं। पर जपल से एईयाल, जीं तेस हें बारे पूरा पता असा, तीं असी बि तसे बारे पूरा पता लग घेन्ता।

1 कुरिन्थ 9:24

तुसी कि पता नेईं ना, दौड़ अन्तर सम्हाई त दौड़ते, पर सद यके जेईं ईनाम मेती? त तुस बि मसीह पुठ विश्वास करण अन्तर इहांणि कोशिश करे कि तुसी ईनाम मेओ लौता।

2 कुरिन्थ 13:9

अस तपल खुश भुन्ते, जपल अस कमजोर त तुस ताकतवर भुन्ते। हें प्रार्थना हमेशा इहांणि भुन्ति कि तुस मसीहे विश्वास अन्तर बस घिए।

2 कुरिन्थ 7:1

त ए ट्यारेओ, परमेश्वरे इ सोब जुबान हें धे दुतो असी। त चले, जे कुछ बि हें आत्मा त जिसम अन्तर मैल असा तेस दूर करे। त परमेश्वर मनी कइ यकदम शुचा बणे।

गलाती 5:17

किस कि नोउएं गुण शुची आत्माई इच्छा पूरा करण चहन्ता त पुराणि गुण जिसमे इच्छा पूरी करण चहन्ता। ए गुण, नोउएं गुण खिलाफ कता रेहन्ता त तुसी खरे कम करण केआं रोकता।

इफिसुस 1:4

तेन पूरा भुमण बणुण केआं पेहले ईं अस यीशु मसीह अन्तर चुणे, ताकि अस तस सामणि परेम जुए शुचा त बजन कोई दोषे रेहियेल।

इफिसुस 4:12

ताकि ए सम्हाई मी कइ तसे कम करण जे सोब विश्वासी मेह्‍णु तेयार करियेल त सतसंग जे कि मसीहे जिसम भो, तस बणाल।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 3:16

पर जेस सच्चाई परमेश्वर असी पता करवा तसे हिसाब जुए जीण लौतु

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

1 थेस्सलु 5:15

हेरी बिशे कि कोई केसे नुकसाने बदले नुकसान ना करे। पर हर वकत खरु कम करण जे तेयार बिशे। अपफ बुच त होरी जोई भलाई करणे कोशिश कते रिहे।

2 थेस्सलु 2:13

पर ए भाई त भेणिओं, त प्रभु यीशु ट्यारे मेह्‍णुओ! असी हर बेले तुं लिए परमेश्वरे धन्यवाद करुण बारा, किस कि शुरुवात केआं प्रभु तुसी चुणो असे, ताकि तुस शुची आत्माई बइ शुचे भोई कइ त सच्चाई पुठ विश्वास कर कइ बच बटियेल।

1 तिमुथि 6:19

ईं कर कइ से एण बाड़े रोजे लिए अब्बल धन कठा कते, जे कि अमर जीवने लिए अब्बल खाई ईं बणता, त तेन्हि खरा जीवन मेई सकियेल।

इब्रानी 12:14

सोबी जुए उई मी कइ बिशे त शुची जिन्‍दगी जीणे कोशिश करे, किस कि जे शुची जिन्‍दगी न जीन्ता, से कदी परमेश्वर हेर ना बटता।

इब्रानी 12:23

तुस तेस परमेश्वर केईं अओ असे, जे सोबी के न्याय कता। तुस जेठे गभुर के ईं हक रखणे बाड़ी तेस सतसंग जे अओ असे, जेठि परमेश्वरे सिद्ध किओ धर्मी मेह्‍णु असे, जेन्के नओं स्वर्ग अन्तर लिखो असु।

इब्रानी 13:21

होर से तुसी तसे इच्छा पूरी करणे लिए सोबी भली गुणी बइ भर छड़े। जे किछ तस खरु लगतु, से यीशु मसीहे बेलिए तुं अन्तर घिए। तसे महिमा जुग जुग तकर भुन्ति रिहे। आमीन!

याकूब 3:2

किस कि असी सोबी केईआं गलती भुन्ति रेहन्ती। पर जे कोई अपु बोके बेलि कुछ बि गलती ना कता, सेईंए सिद्ध मेह्‍णु असा। से अपु पूरा जिसम बि अपु वश अन्तर कइ रखता।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।