तोउं ईं पता लगणे बेलि कि तठि केहि सदूकी दले त केहि फरीसी दले मेह्णु असे, पौलुसे टजे समाणि जोरी जोई बोलु, “ए भाईओ! अउं यक फरीसी भो त फरीसी के ऊड़ी भो। मरो तेन्हि दुबारी जीणे उम्मीद बारे इठि में पेशी भुण लगो असी।”
से बंदरगाह हियुंत लिए ठीक न थिआ। तोउं त सुआ जेईं ठीक किआ कि तठिआ जहाज खोल कइ अगर जे घिउं। तेन्हि ईं उम्मीद थी कि हियुंत लगण केआं पेहलाई फीनिक्स बंदरगाह पूज कइ तठि हियुंत कटुण। ए क्रेते टापु यक बंदरगाह असा, जे दखण-पश्चिम त उत्तर-पश्चिमे कना जे खुलता।
पर परमेश्वर असी सोबी अपु अपु बारी जोई जीआन्ता। तेन पेहले त हें मुखिया मसीह जीआ। तढ़े पता तसे दुबारी एणे टेम तस पुठ विश्वास करणे बाड़े सोबी मेह्णु जीआन्ता।
त जे विश्वास अन्तर कमजोर असे तेन्के खातिर अउं बि कमजोर ईं बणा, ताकि तेन्हि मसीहे कना कइ बटुं। मेईं सम्हाई के खातिर तीं बणणे कोशिश की जीं से असे, ताकि जीं तीं कर कइ तेन्हि केईआं मसीह पुठ विश्वास कराई बटुं।
तुस अपल तकर मसीह जे शुची भक्ति त विश्वास अन्तर सुसुर थिए। पर अब अउं डरता कि जीं सृष्टि शुरुवात अन्तर तेस कीड़े लचेरणे बोकी के बेलि हब्बा भटक गो थी, तीं तुं मन बि भटक त नेईं गो?
तोउं त जपल मोउं केआं बिशियेरु नेओथ त तुं विश्वासे हाल चाल पुछुण जे तिमुथियुस लंघा। किस कि मोउं डर थिआ कि जीं तीं कर कइ शैताने तुस परीक्षा अन्तर गोताई छो भोल त हें कमाई इहांणि बेकार भोई गई।
कोई जेईं बि तुसी कीं कइ बि ना ठगाल, किस कि से रोज तपल तकर ना एन्ता, जपल तकर मेह्णु विश्वास करण छड़ ना दियेल, होर से कलंकी मेह्णु मतलब बरबादी अण्हणे बाड़ा मेह्णु ना खड़ियाल।
एईएं से पेहले मेह्णु भो, जेन्हि परमेश्वर पेहली बार मरो तेन्हि अन्तरा दुबारी जीआन्ता। बाकी मरो मेह्णु तपल तकर जीन्ता ना भुए, जपल तकर कि ए हजार साल पूरे न भुओ।
