फिलिप्पी 3:10 - Walangi

¹⁰ अउं मसीह सुसुर जाणण चहन्ता। अउं तसे दुबारी जीणे ताकत अपु जिन्‍दगी अन्तर मेहसुस करण चहन्ता, त अउं मरुण तकर बि तसे ईं कष्ट सीढ़ण चहन्ता।

फिलिप्पी 3:10 Iomraidhean Croise

मत्ती 20:23

यीशु तेन्हि जे बोलु, “तुस में कटोरा केआं त जरूर पीन्ते, पर अपु देहणा त बउंआ कना बिशाणणे कम, में न भो। पर तठि से बिश्ते, जेस जे में बोउए से तेयार किओ असा।”

यूहन्ना 10:18

में जान कोई मोउं केआं छुड़कान्ता नओं, पर अउं अपफ देन्ता, किस कि अपु जान देणे त वापिस नेणे हक में असा। में बोउए मेन्धे ई हक दुतो असा।”

यूहन्ना 17:3

त अमर जीवन पाणे तरीका ई असा कि तेन्हि पक्का पता लगे कि तुस ईं यक सच्चा परमेश्वर भो त अउं जे यीशु भो, सेईंए मसीह भो जे तुसी लंघो असा।

रोमी 8:17

त किस कि अस तसे गभुर भो त तसे हर यक जुबाने हकदार बि भो। मसीहे साथी भोई कइ असी से सोब जुबाने फल मेता, जे तेन मसीह जे रखो असा। किस कि अगर अस तेस जोई साते दुख सेहेल त परमेश्वर हें धे तेस जोई साते महिमा बि देन्ता।

रोमी 8:29

किस कि जेन्के बारे तस पेहलाई पता असा, से पेहलाई केईआं चुणो बि असे कि से तसे कोईया गुण त सभावे हेसाब जोई भोल, ताकि मसीह सुआ भाई बिचा जेठा बणाल।

रोमी 8:36

जीं धरमे कताब अन्तर लिखो असु, “तुं लिए अस दन भइ मौते सामणा कते, मेह्‍णु अस जीं कटिणे बाड़े ढडुड़ समझो असे।”

2 कुरिन्थ 1:10

त जेन असी तेस ईं मरणे हालत केआं बचा, से हउ बि असी बचान्ता। तेस पुठ हें उम्मीद असी कि भविष्य अन्तर बि से असी बचान्ता रेहन्ता।

2 कुरिन्थ 1:5

आं! जीं असी मसीह जे सुआ कष्ट त परेशानी असी, तीं मसीहे बेलि बि असी जे सुख चैन बि असा।

2 कुरिन्थ 13:4

किस कि से कमजोर भोई कइ क्रूस पुठ मर गा, पर अब परमेश्वरे ताकत जुए जीन्ता असा। त आं, तस जुए अस शयद तुसी कमजोर लगते, पर तुसी सबक देण जे असी केईं परमेश्वरे रज्जि ताकत असी।

गलाती 2:20

में सम्हाई पुराणे गुण त चाल चलण मसीह जुए क्रूस पुठ ढनाई गो असे त अभेईं अउं नेईं, पर मसीह में अन्तर जीण लगो असा। आं, अउं जरूर जीन्ता, पर परमेश्वरे कुआ, मसीह पुठ विश्वास कर कइ जीन्ता, जेन मोउं जोई तीं परेम किआ त मोउं बचाण जे अपफ भकत दिती।

गलाती 6:17

छने, मोउं हउ परेशान ना करे। पर हेरे कि मसीह यीशु जे में जिसम पुठ कत निशाण लगो असे।

इफिसुस 4:13

ई कम से तपल तकर कते जपल तकर विश्वास अन्तर त परमेश्वरे कोईये ज्ञान अन्तर हें मन यक ना भोई घेयाल, त अस यक सिद्ध मनख भोई कइ तसे ईं ना बणियेल।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

कुलोसी 1:24

त जे कष्ट अउं तुसी, गैर यहूदी विश्वासी जे सेहन्ता तस जे खुश असा। किस कि मसीहे जीं कष्ट सेहा, तीं तसे जिसम, सतसंग बि कष्ट सेहण एन्ता। इस बझई जुए अउं सतसंग जे अपु बंटि कष्ट सेही कइ तस पूरा करण लगो असा।

कुलोसी 2:13

अपु पापी के बझई जोई, तुस गैर यहूदी मेह्‍णु परमेश्वरे नियम ना मान कइ जीं जमीर गो थिए। तोउं बि परमेश्वरे हें सम्हाई पाप माफ कर कइ अस यीशु जुए दुबारी जीए।

कुलोसी 3:1

में ट्यारे भाई त भेणिओं! किस कि परमेश्वरे तुस मसीह जुए दुबारी जीओ असे, त तुस स्वर्ग अन्तर जे असु, तस पाणे कोशिश करे, जेठि मसीह अभेईं परमेश्वरे सुमले कना बिश कइ राज करण लगो असा।

1 पतरस 1:3

हें परमपिता परमेश्वरे त प्रभु यीशु मसीहे बोउए गुणगान लौता भो कि तेन असी पुठ सुआ दाह कर कइ यक नोउआं जनम दुतो असा, त यीशु मसीह मरो तेन्हि अन्तरा दुबारी जीआ। ई कर कइ तेन हेन्धे यक जीन्‍ती उम्मीद दुतो असी।

2 पतरस 1:13

त जपल तकर अउं डेरे ईं मेओ जिसम अन्तर असा, तपल तकर इन्हि बोकी के बेलि तुसी खबरदार कता रेहन्ता। ईं करण मोउं खरु लगतु।

1 यूहन्ना 2:3

अगर अस तसे निआंग मानियेल त असी पक्का पता लगता कि असी से पिछाणो असे।

1 यूहन्ना 2:5

पर जे कोउं तसे वचन मान कइ जीन्ता, सच्चे तेस अन्तर परमेश्वरे परेम एई गो असा। इसे बेलि असी पूरा पता लग घेन्ता कि अस तेस जुए जुड़ कइ असे।

प्र. बोके 1:18

अउंए जीन्ता असा। अउं मर गो थिआ, त अब हेर, अउं जुग जुग जीन्ता असा। होर मरण त पाताले कुंजुड़ मोउं केईं असे।