फिलिप्पी 3:1 - Walangi

¹ त में भाई त भेणिओं! खुशी मनान्ते रेह किस कि अस परमेश्वरे भिन्थ। जे जे बोक मेईं पेहले तुसी जे बोलो थी तोउं बि तस घड़ी घड़ी लिखुण जे अउं कोई परवाह ना कता, किस कि तेन्के बेलि तुं विश्वास सही सलामत रेहन्ता।

फिलिप्पी 3:1 Iomraidhean Croise

मत्ती 5:12

“तपल खुश भोई कइ मस्त बिशुण, किस कि तुसी स्वर्ग अन्तर अब्बल फल मेता। किस कि तेन्हि से भविष्य वक्ते बि इहांणि भुंजो थिए जे तुसी केआं पेहले थिए।”

लूका 1:47

में आत्मा में बचाणे बाड़ा परमेश्वर केआं खुश भुई।

रोमी 5:11

होर एन्हि सोबी केआं बध कइ, अस अपु प्रभु यीशु मसीहे बेलिए, परमेश्वर जुए खुश असे, किस कि तेन अस परमेश्वरे मितर बणाए।

2 कुरिन्थ 13:11

अब ए ट्यारेओ! यके मन भोई कइ, त उई मी कइ बिशे। खुश रिहे त हिम्मत रख कइ विश्वास अन्तर बस घिए। होर परेम त शान्ति देणे बाड़ा परमेश्वर तुसी जोई साते रेहन्ता।

इफिसुस 6:10

ट्यारे भाई त भेणिओं! अखिर अन्तर, अउं बोता कि विश्वास अन्तर बस कइ प्रभु ताकती बेलि अपफ ताकतवर बणाए।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

फिलिप्पी 4:4

खुशी मनान्ते रिहे किस कि तुस परमेश्वरे भिन्थ। अउं दुबारी बोता कि खुशी मनान्ते रिहे!

फिलिप्पी 4:8

त में ट्यारे भाई त भेणिओं! अउं चहन्ता कि जे कुछ बि सच्चाई असी, इज्जतदार असे, सही असे, शुचा त अब्बल असे, जे जे बि खरे असे त तारीफ लेएक असे, तुस तसे बारे सोचते रिहे।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

1 थेस्सलु 5:16

हर वकत खुश बिशे।

याकूब 1:2

में भाई त भेणिओं! जपल तुस होरे होरे परेशानी के बेलि परखिन्ते त तस तुस खुश भुणे बोक समझे।

1 पतरस 3:8

ए ट्यारेओ! अखिर अन्तर अउं तुसी बताण चहन्ता कि तुस सम्हाई यक रुह त उई मी कइ बिशे। यक होरी पुठ दाह दया करे। तुं दिल नरम त दाह बाड़ा लौता।

1 पतरस 4:13

पर जीं मसीहे दुख सीढ़ो थिआ, तीं तुस बि दुख सीढ़ते। त तुस खुश भुए, ताकि जपल से अपु सुआ इज्जत जुए एन्ता त तुस ती खुश भोई घेन्ते।

2 पतरस 3:1

ए ट्यारेओ! अब अउं तुसी जे ई दोकी चिट्ठि लिखण लगो असा। त एन्हि अन्तर अउं तुसी याद दिआई कइ हिम्मत देन्ता कि तुस अपु मन शुचा रखे।