फिलिप्पी 2:9 - Walangi

⁹ इस बझई जुए परमेश्वर तसे धे सोबी केआं ज्यादी इज्जत त सम्माने जगाह दिती त सोबी पुठ तस धे हक दिता।

फिलिप्पी 2:9 Iomraidhean Croise

मत्ती 11:27

तोउं तेन तेन्हि जे बोलु, “में बोउए मेन्धे सोब किछ दुतो असु; बोउ छड़ कइ कोई कुआ न जाणते; त कुआ छड़ कइ होर कोई बोउ न जाणते; होर सिर्फ से मेह्‍णु जाणते जेस पुठ कुआ अपु बोउ प्रगट करण चहन्ता।

मत्ती 28:18

यीशु तेन्के भेएड़ एई कइ बोलु, “स्वर्गे त धरती सोब हक मेन्धे दुतो असे।

लूका 10:22

तोउं तेन तेन्हि सत्तर चेली जे बोलु जे तेन लंघो थिए, “में बोउए मेन्धे सोब किछ दुतो असु; बोउ छड़ कइ कोई कुआ न जाणते; त कुआ छड़ कइ होर कोई बोउ न जाणते; होर सद से मेह्‍णु जाणते जेस पुठ कुआ अपु बोउ प्रगट करण चहन्ता।”

यूहन्ना 13:3

यीशु पूरे ज्ञान जुए कि बोउए सम्हाई कुछ पुठ तसे धे हक दुतो असा त से परमेश्वर केआं अओ असा त तस केईं घेन्ता,

यूहन्ना 17:11

बोउआ, अउं त अब धरती पुठ ना बिश्ता, किस कि अउं तोउ केईं एन्ता। पर ए इठि धरती पुठ रेहन्ते। तुस शुचे असे। त जे तुसी मेन्धे दुतो थिए, बोउआ अपु नओं बेलि तेन्के रक्षा कर ताकि ए बि हें ईं यक भोई घियेल।

यूहन्ना 17:12

जोउं तकर अउं तेन्हि जुए साते थिआ, मेईं तुं नओएं शक्ति बेलि जे तुसी मेन्धे दुतो असी तेन्के रक्षा की। मेईं तेन्के ख्याल रखा। त धरमे कताबे बोक पूरी भुणे लिए सद तस चेले छड़ दी कइ जे खतम भुणे बाड़ा थिआ, बाकी सम्हाई बचाई रखे।

यूहन्ना 17:5

त बोउआ, अभेईं तुस बि धरती बणाणे पेहले तुसी जोई जे में शान थी, तस दुबारी मेन्धे दिए।”

प्रतिनिधि 5:31

से ईं परमेश्वरे मुखिया त बचाणे बाड़ा बणाई कइ अपु देहणा कना बिशाणो असा, ताकि असी इस्राएली मेह्‍णु जे मन बदलुणे मौका मेईंयाल, होर से हें पापी के माफी दिआल।

इफिसुस 1:10

कि जपल तसे योजना पूरी करणे टेम एईयाल, त से स्वर्गे त धरती सोब मसीहे पड्डे कता त तस सोबी के मुखिया बणान्ता।

कुलोसी 1:18

सेईंया जिसम मतलब सतसंगे मगिरि ईं असा। त सेईंया जेठा कुआ भो, मरो तेन्हि अन्तरा दुबारी जीणे बाड़े बुछ पेहला भो। तोउं त से सोबी पुठ बोडा अधिकारी भो।

2 थेस्सलु 1:12

ताकि हें परमेश्वरे त यीशु मसीहे दाह जुए हें प्रभु यीशु मसीह नओएं शान तुसी बुच बधियेल त तस अन्तर तुस बि बधियेल।

इब्रानी 1:4

त जिहांणि परमेश्वरे तसे धे सोबी स्वर्गेदूती के नओं केआं खास नओं दुतो असु, तिहांणि से सोबी स्वर्गेदूती केआं सुआ बोडा बणा।

इब्रानी 1:9

जे धरम त न्याय जुए जीन्ते, तुसी तेन्हि जुए परेम किआ, पर जे अन्याय त बुराई कते, तेन्हि हेर नफरत की। तोउं त, अउं तें परमेश्वर, मेईं तु होरे सोबी बिचा चुणो असा, त तोउ मुकुट लोओ असा कि तु खुशी मनाल।”

इब्रानी 12:2

होर चले, हें विश्वासे मालिक त हें विश्वास सिद्ध करणे बाड़ा, तेस यीशु मसीह पुठ अस अपु नजर टगाई रखते। तेन तेस खुशी लिए जे तसे अगर थी, लजीणे कोई परवाह न कर कइ क्रूस पुठ मर गा त अब परमेश्वरे सिंहासने देहणा कना इज्जते बाड़ी जगाई घेई बिशा।

इब्रानी 2:9

पर यीशु, जे थोड़ी देरे लिए स्वर्गेदूत केईआं घटो थिआ, ताकि परमेश्वरे कृपादृष्टि बेलिए असी सोबी जे मरा। अभेईं अस हेरते कि से पूरी महिमा त इज्जत जुए जीन्ता असा।

1 पतरस 3:22

यीशु अब स्वर्ग अन्तर घेई कइ परमेश्वरे देहणा कना सुआ इज्जते जगाई बिश गो असा। त सोब स्वर्गेदूत, सोब अधिकार त सोब ताकतवर दुष्ट आत्मा तसे वश अन्तर असी।

2 पतरस 1:17

किस कि तस परमपिता परमेश्वर केआं इज्जत त ताकत तपल मेईं, जपल सर्व शक्तिमान परमेश्वरे केईआं अवाज आई कि “ए में ट्यारा कुआ भो। एस जुए अउं सुआ खुश असा।”

3 यूहन्ना 1:7

तु इहांणि कते रेह किस कि से यीशु मसीहे सेवा करण जे नशो असे, त अविश्वासी मेह्‍णु केआं किछ ना नेन्ते।

प्र. बोके 11:15

जपल सतूं स्वर्गेदूते रेशमि फुक दिती, त स्वर्ग अन्तर ईं बोडी बोडी अवाज भुण लगी, “मतोके राज्य हें प्रभु त तसे मसीहे भोई गा, त से जुग जुग तकर राज कता।”

प्र. बोके 19:16

तेसे झिणि त जंघि पुठ ए नओं लिखो असु: “राजी के राजा त प्रभु के प्रभु।”

प्र. बोके 3:21

“जे जीतते, तेन्हि अउं अपफ जोई साते अपु सिंहासन पुठ तिहांणि बिशणे हक देन्ता, जीं अउं बि जीत कइ अपु बोउ जोई साते, तसे सिंहासन पुठ बिश गो असा।

प्र. बोके 5:12

से जोरी जोई घीत लान्‍तेथ: “सद तुईएं ए मारो किएऊआ! सम्हाई ताकत, धन, बुद्धि, शक्ति, इज्जत, महिमा त धन्यवादे हकदार असा!”