फिलिप्पी 2:6 - Walangi

⁶ से अपफ परमेश्वर भोई कइ बि परमेश्वरे जगाई पुठ बिशणे कोशिश ना की।

फिलिप्पी 2:6 Iomraidhean Croise

मत्ती 1:23

तेन बोलो थिउ कि “हेरे! यक कुवांरी कुई गभुरवाल भुन्ति त यक कुआ जमाणती त तेस नओं इम्मानुएल रखते” जेसे मतलब असा कि “परमेश्वर असी जोई साते असा।”

यूहन्ना 1:18

परमेश्वरे इकलौते कुआ छड़ दी कइ केनि बि कदी परमेश्वर ना का। किस कि सेईंए ईं परमपिता परमेश्वर जुए उई मी कइ रिहो असा, त सद तेन ईं मेह्‍णु परमेश्वर गुण हराला।

यूहन्ना 10:30

अउं त बोउ यक असा।”

यूहन्ना 10:33

यहूदी मेह्‍णु तस जे बोलु, “चमत्कारे कमे लिए अस तोउ ना मारते, पर परमेश्वरे बुराई करणे बझई जुए। तु मनख भोई कइ बि अपफ परमेश्वरे बराबरी कता, तोउं त तोउ मारते।”

यूहन्ना 10:38

पर अगर अउं तसे कम कता, त मोउं पुठ ना, कम से कम तेसे कमी पुठ त विश्वास करे जे अउं कता, ताकि तुसी पता लगाल कि अउं बोउ अन्तर त बोउ में अन्तर असा।”

यूहन्ना 14:28

तुसी शुणो असु कि तुसी जे मेईं बोलु, ‘अउं घेन्ता त तुं लिए दुबारी एन्ता।’ अगर तुस मोउं जे परेम कतेथ त इस बझई जुए खुश भोई घेन्तेथ, किस कि अउं बोउ केईं घेण लगो असा त से मोउं केआं बोडा असा।

यूहन्ना 14:9

यीशु तस जे बोलु, “ए फिलिप्पुसा! अउं एत रोज तुसी जुए बिशा, तोउं बि तोउ पता ना लगा ना कि अउं कोउं भो? जेन अउं काओ असा, तेन बोउ बि काओ असा। त तु कीं बोता कि बोउ असी हराल?

यूहन्ना 17:5

त बोउआ, अभेईं तुस बि धरती बणाणे पेहले तुसी जोई जे में शान थी, तस दुबारी मेन्धे दिए।”

यूहन्ना 20:28

त थोमे बोलु, “ए में प्रभु, ए में परमेश्वरा!”

यूहन्ना 5:18

तोउं त यहूदी नेते तस मुकाण जे हउ बि कोशिश करण लगे, किस कि से ना सद भक्ति करणे रोजे नियम तोड़ताथ, पर परमेश्वर जे अपु बोउ बोल कइ अपफ जे परमेश्वर ईं बणान्ताथ।

यूहन्ना 5:23

ताकि सम्हाई मेह्‍णु जीं बोउए इज्जत कते, तीं कोईये बि इज्जत करे। जे कोईये इज्जत ना कता, से बोउए इज्जत ना कता, किस कि तेन कुआ लंघो असा।

रोमी 9:5

से महान पुरखे बि तेन्केरी भो, होर मसीह बि जिसमे हिसाब जोई तेन्हि अन्तरा भुआ। तेन्हि सोबी के अधिकारी परमेश्वर भो। तसे जइ जुग जुग तकर भुन्ति रिहे! आमीन!

2 कुरिन्थ 4:4

तेन्हि से खुश खबरी टगड़ियार न केती, जे परमेश्वरे यकी दुई मसीहे रौनक भो, किस कि इस धरती जे देवता असा, तेन तेन्के मन अन्हारा कइ छो असा।

2 कुरिन्थ 8:9

तुसी हें प्रभु यीशु मसीहे कृपाई बारे त पता असा। से कीं स्वर्ग अन्तर अमीर भोई कइ बि तुं लिए इस धरती पुठ गरीब बण कइ जमा, ताकि तसे गरीब बणणे बेलिए तुस अमीर बण घिए।

1 तिमुथि 1:17

अभेईं, तेस यके परमेश्वरे इज्जत त गुणगान जुग जुग भुन्ति रिहे, जे अमर असा, जे जुग जुगे राजा असा, त जे ना केता। आमीन,

1 तिमुथि 3:16

होर एथ अन्तर कोई शक नेईं कि हें विश्वासे नियोको बोक सुआ बोडी असी: यीशु मसीह मनख बण कइ जमा, शुची आत्माई तस धर्मी बोलु, तेन स्वर्गेदूती दर्शण दिते, त तेस बारे पूरी धरती पुठ प्रचार भुआ, धरती पुठ सुआ मेह्‍णु तेस पुठ विश्वास किआ, त परमेश्वर बोडी महिमा जुए तस स्वर्ग जे घिन गा।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

इब्रानी 1:3

सेईंए कुआ परमेश्वरे गुणे त सभावे यकी दुई असा, त से तसे पूरी महिमाईं बेलि चिलकता। से अपु बोकी के ताकते बेलि पूरा भुमण सुसुर रखता। होर, जपल तेन मेह्‍णु के पाप माफ करणे बथ बणाई छड़ी त से घेई कइ परमेश्वरे देहणा कना, बोडे इज्जते बाड़ी तेस जगाई बिशा।

इब्रानी 1:6

होर शुणे, जपल परमेश्वरे अपु इकलौता कुआ यीशु इस मतोक जे लंघा त ईं बोलु कि “ए में सोब स्वर्गेदूतों! तुस एसे पूजा अराधना करे।”

इब्रानी 1:8

पर अपु कुआ यीशु बारे से ई बोता कि “तु परमेश्वर भो, तें सिंहासन जुग जुग तकर भुन्ता; त तें राज, न्याय त धरमे राज भुन्ता।

इब्रानी 13:8

यीशु मसीह ही, आज त जुग जुग तकर सेईंया असा।

प्र. बोके 21:6

होर तेन मोउं जे बोलु, “सोब बोके पूरी भोई गो असी! अउंए ‘अ’ त अउंए ‘ज्ञ’ भो। अउंए शुरुवात त अउंए अन्त भो। अउं टिशो तेन्हि जीवन देणे बाड़ी पोणि सुजल अन्तरा मुफत अन्तर पीण देन्ता।