फिलिप्पी 2:30 - Walangi

³⁰ किस कि मसीहे सेवा करण जे तेन अपु जान बि खतरे अन्तर छोओ थी त मरणे बाड़ा थिआ। दूर बिश कइ जे मदत तुस में ना कइ बटतेथ, तेन से पूरी की।

फिलिप्पी 2:30 Iomraidhean Croise

प्रतिनिधि 20:24

तोउं बि मोउं अपु प्राण ट्यारे नेईं। में त यके इच्छा असी कि अपु दौड़ त से कम पूरु करुण, जे प्रभु यीशु मेन्धे दुतो असे। से कम भो - परमेश्वरे कृपाई खुश खबरी उगाही देण।”

रोमी 16:4

तेन्हि त में लिए अपु जान बि दाव पुठ लाई छओ थी। त सद अउंए ना, बल्कि गैर यहूदी के सोब सतसंग बि तेन्के धन्यवाद कते।

1 कुरिन्थ 15:53

किस कि ए जरूरी असु कि खतम भुणे बाड़ा हें जिसम बदली कइ तीं बणे, जे कदी ना खतम भुन्ता। होर मतोके हें जिसम बदली कइ तीं बणे, जे स्वर्ग अन्तर अमर भुणे लेएक असा।

1 कुरिन्थ 16:10

अगर तिमुथियुस पूज घियाल, त तसे खरी खातिरदारी करे, किस कि में ईं से बि प्रभु कम करण लगो असा।

1 कुरिन्थ 16:17

भाई स्तिफनास, फुरतुनातुस त अखईकुसे एणे बेलि अउं तीं खुश असा, किस कि तेन्हि जुए मी कइ मोउं तुं याद एन्ती।

2 कुरिन्थ 12:15

जेठि तकर में बोक असी, अउं तुं लिए अपु सोब किछ बेचण जे तेयार असा, अतु तकर कि अउं अपु अपफ बि तुं लिए बेचीण जे तेयार असा। अगर अउं तुसी जोई सुआ परेम कता, त तुस बि त मोउं जोई सुआ परेम कते। कते नउ ना?

2 कुरिन्थ 4:12

त बेशक मौत असी पुठ असर करण लगो असी, पर तुं आत्माई बि फायदा भुण लगो असी।

फिलिप्पी 2:17

खुश खबरी प्रचार करण अन्तर तुं मदत त यीशु मसीहे पुठ विश्वास करण बझई जुए तुं भुंजुण परमेश्वर जे यक भकत ईं असा। अगर तुं ईं मोउं बि भुंजाई कइ मार छते त अउं खुश असा, किस कि तोउं अउं परमेश्वर जे तुं भकत जुए जुड़ कइ तस पूरा कता। त जीं अउं खुश असा,

फिलिप्पी 2:27

आं! से सच्चे बि बीमार थिआ। एत थिआ कि मरणे बाड़ा थिआ। तोउं बि परमेश्वरे तस पुठ दाह की। आं, तेन मोउं पुठ बि दाह की, किस कि अगर से मर घेन्ताथ त में जेहले दुख पुठ हउ दुख एन्ताथ।

फिलिप्पी 4:10

सुआ रोज पता में बारे सोच कइ किछ मदत करणे जे तुसी हउ यक मौका मेईंया। इस बझई जुए अउं तीं खुश भोई कइ प्रभु धन्यवाद कता। मोउं पता असा कि तुस शुरुवात केआं ईं में बारे सोचते रेहन्ते, पर तुसी मौका नेओथ मेओ।

फिलिप्पी 4:18

अभेईं में जरूरत जे मोउं सुआ मेओ असु त मोउं केईं डट कइ असु। इफ्रुदितुस केईआं तुसी जे चन्ना लंघो थिआ, तसे बेलि अउं रज्जि भोई गो असा। से चन्ना परमेश्वरे लेएक तस खुश करण जे यक अब्बल मुश्कदार भकत ईं असा।

फिलेमोन 1:13

हांलाकि तेस अउं अपफ केईं रखण चहन्ताथ कि से इस घड़ी तें कनारा में सेवा करे। खास कइ अभेईं जपल अउं खुश खबरी बझई जोई जेहेल अन्तर कैद असा।

प्र. बोके 12:11

हें साथी सेवक किएऊ लहुए बझई जोई त अपु उगाही वचने बझई जोई तेस पुठ जीत गे, किस कि तेन्हि अपु प्राण ट्यारे ना किए, बल्कि मर बि गे।