फिलिप्पी 2:22 - Walangi

²² तुसी त से परख कइ पिछाणो असा कि से कत भरोसे लेएक असा। जीं कुआ अपु बोउए बोकी नकल कता, तीं से बि मोउं जुए खुश खबरी प्रचार करण अन्तर कष्ट कता।

फिलिप्पी 2:22 Iomraidhean Croise

प्रतिनिधि 16:2

लुस्त्रा त इकुनियुम शेहरे विश्वासी भाई भेण तिमुथियुस सुआ खरा मानतेथ।

रोमी 5:4

लाह रख कइ सीढ़णे बेलि परमेश्वर असी जे खरु बोता। तसे सामणि खरे भुणे बेलि अस पूरे यकीन जुए उम्मीद कइ सकते।

1 कुरिन्थ 16:10

अगर तिमुथियुस पूज घियाल, त तसे खरी खातिरदारी करे, किस कि में ईं से बि प्रभु कम करण लगो असा।

1 कुरिन्थ 4:17

तोउं त, मेईं तुसी केईं तिमुथियुस लंघा। से में ट्यारा त मसीहे विश्वास अन्तर यकीन लेएक असा। से एई कइ विश्वास अन्तर में तेस जीणे बारे तुसी चेता दिआन्ता, जेसे बारे अउं मसीहे सतसंग अन्तर शिचालता।

2 कुरिन्थ 2:9

मेईं ए तोउं लिखु कि हेरुं कि तुस सच्चे बि सम्हाई बोकी पुठ में मानते ना।

2 कुरिन्थ 8:22

तेन्हि दुहि जुए, अस हें यक होरा भाई बि लंघाण लगो असे, जेन सुआ कमे बेलि साबित किओ असु कि से मदत करण चहन्ता। अब त से हउ बि मदत करण चहन्ता किस कि तुसी पुठ तसे सुआ यकीन भोई गो असा।

2 कुरिन्थ 8:24

तोउं त, एन्हि मेह्‍णु जे मसीह अन्तर तुस अपु परेम हराले त साबित करे कि तुं बारे अस किस रोभ लान्ते। तोउं होरे सतसंगी बि पता लगियाल।

2 कुरिन्थ 8:8

अउं एसे बारे कोई निआंग देण नेईं लगो, बल्कि होरी के जोश हेर कइ तुं परेमे सच्चाई परखणे लिए बोलुण लगो असा।

फिलिप्पी 1:12

ए ट्यारेओ, अउं चहन्ता कि तुस जाणे कि बेशक मोउं पुठ ई सोब आफत एई, तोउं बि एन्हि आफती बेलि खरा फल मेईंया, किस कि तसे बेलि सुआ मेह्‍णु यीशु मसीह बारे खुश खबरी शुण बटी।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

फिलिप्पी 2:20

में सम्हाई साथी अपु अपु फायदा तोपुण लगो असे। यीशु मसीह तेन्हि केआं की कराण चहन्ता तसे बारे कोई बि ना सोचते। सद तिमुथियुस अपु मन अन्तर पूरे सच्चाई जुए तुं भलाई सोचता।

1 तिमुथि 1:18

बे कोईया तिमुथियुसा! जे भविष्य वाणि पेहले तें बारे भो थी, तसे हिसाब जुए अउं तोउ जे निआंग देन्ता कि तु सही खुश खबरी जे अपु जी जान ला त गलत शिक्षा देणे बाड़ी रोकीण दे।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

2 तिमुथि 3:10

पर ए तिमुथियुसा! तोउ ठीक ठाक पता असा कि मेईं मेह्‍णु कीं खरी शिक्षा शिचालो असी, त मेईं कीं खुश खबरी लेएक जिन्‍दगी जीओ असी। तोउ पता असा कि खुश खबरी प्रचार करण अन्तर में मकसद कीं रेहा, त मेईं कीं यीशु मसीह पुठ विश्वास कर कइ सुआ लाह रखा। तोउ ई बि पता असा कि मेईं कीं सम्हाई मेह्‍णु जोई परेम किओ असा त कीं मुश्किले टेम अन्तर बि तसे सेवा किओ असी।

तीतुस 1:4

त ए तीतुसा! विश्वास अन्तर में सच्चा कुआ, तोउ जे ई लिखुण लगो असा। परमपिता परमेश्वरे त असी बचाणे बाड़ा यीशु मसीहे कृपादृष्टि त शान्ति तोउ पुठ भुन्ति रिहे। आमीन