फिलिप्पी 2:17 - Walangi

¹⁷ खुश खबरी प्रचार करण अन्तर तुं मदत त यीशु मसीहे पुठ विश्वास करण बझई जुए तुं भुंजुण परमेश्वर जे यक भकत ईं असा। अगर तुं ईं मोउं बि भुंजाई कइ मार छते त अउं खुश असा, किस कि तोउं अउं परमेश्वर जे तुं भकत जुए जुड़ कइ तस पूरा कता। त जीं अउं खुश असा,

फिलिप्पी 2:17 Iomraidhean Croise

प्रतिनिधि 20:24

तोउं बि मोउं अपु प्राण ट्यारे नेईं। में त यके इच्छा असी कि अपु दौड़ त से कम पूरु करुण, जे प्रभु यीशु मेन्धे दुतो असे। से कम भो - परमेश्वरे कृपाई खुश खबरी उगाही देण।”

प्रतिनिधि 21:13

पर पौलुसे जवाब दिता, “ईं रोल रोल कइ तुस में काजा टुकड़ेरण किस लगो असे? अउं त प्रभु यीशु नओएं लिए यरुशलेम शेहर अन्तर न सद कैद भुण जे, बल्कि मरण जे बि तेयार असा।”

रोमी 12:1

तोउं त ए ट्यारेओ, अउं तुसी परमेश्वरे बोडी कृपा याद दिआई कइ छने कता कि तुस अपु अपफ परमेश्वरे जे यक ईं भकत बणे, जे शुची असी, होर जे सद परमेश्वर जे जीन्ता त जेस हेर परमेश्वर खुश भुन्ता। एईएं तुं सच्चे मन त आत्माई जोई परमेश्वरे पूजा अराधना भो।

2 कुरिन्थ 12:15

जेठि तकर में बोक असी, अउं तुं लिए अपु सोब किछ बेचण जे तेयार असा, अतु तकर कि अउं अपु अपफ बि तुं लिए बेचीण जे तेयार असा। अगर अउं तुसी जोई सुआ परेम कता, त तुस बि त मोउं जोई सुआ परेम कते। कते नउ ना?

2 कुरिन्थ 4:12

त बेशक मौत असी पुठ असर करण लगो असी, पर तुं आत्माई बि फायदा भुण लगो असी।

2 कुरिन्थ 6:10

असी पुठ सुआ दुख अओ असे, तोउं बि अस हमेशा खुश रेहन्ते। अस गरीब असे, तोउं बि असी सुआ जेईं अमीर बणओ असे। असी केईं कुछ नेईं, तोउं बि असी केईं सोब कुछ असु।

2 कुरिन्थ 7:4

मोउं तुसी पुठ पूरा भरोसा असा। अउं तुसी पुठ सुआ घमण्ड कता। मोउं ती शान्ति मेई। हें अत दुख तकलीफ अन्तर भुणे बावजूद बि तुसी हें हिम्मत बधाई त खुश कइ छड़े।

फिलिप्पी 1:20

मोउं पूरा यकीन असा कि अउं ई कोई बि कम ना कता जेसे बेलि यीशु मसीह अगर मोउं लज एईयेल। बल्कि अपल तकर जीं अउं अपु सम्हाई बेलि तसे महिमा कता, तीं एणे बाड़े रोज अन्तर बि अपु पूरे हिम्मत जुए तसे बारे उगाह देन्ता, ताकि चहे अउं जीआल या मराल तसे महिमा भुन्ति।

फिलिप्पी 2:18

तीं तुस बि खुश भुए त मोउं जुए खुशी मनाए।

फिलिप्पी 2:30

किस कि मसीहे सेवा करण जे तेन अपु जान बि खतरे अन्तर छोओ थी त मरणे बाड़ा थिआ। दूर बिश कइ जे मदत तुस में ना कइ बटतेथ, तेन से पूरी की।

फिलिप्पी 4:18

अभेईं में जरूरत जे मोउं सुआ मेओ असु त मोउं केईं डट कइ असु। इफ्रुदितुस केईआं तुसी जे चन्ना लंघो थिआ, तसे बेलि अउं रज्जि भोई गो असा। से चन्ना परमेश्वरे लेएक तस खुश करण जे यक अब्बल मुश्कदार भकत ईं असा।

कुलोसी 1:24

त जे कष्ट अउं तुसी, गैर यहूदी विश्वासी जे सेहन्ता तस जे खुश असा। किस कि मसीहे जीं कष्ट सेहा, तीं तसे जिसम, सतसंग बि कष्ट सेहण एन्ता। इस बझई जुए अउं सतसंग जे अपु बंटि कष्ट सेही कइ तस पूरा करण लगो असा।

1 थेस्सलु 2:8

असी तुस अत ट्यारे भोई गो थिए कि हर वकत तुं ख्याल एन्ताथ। तोउं त अस ना सद परमेश्वरे खुश खबरी तुसी जोई बांटण चहन्तेथ, बल्कि अपु अपु जिन्‍दगी बि देण चहन्तेथ।

2 तिमुथि 4:6

किस कि अभेईं परमेश्वर जे मोउं अपु जिनि भकत देणे टेम एई गो असा त में मरणे टेम भोई गो असा।

1 पतरस 2:5

यीशु पुठ विश्वास करणे बेलि तुस बि जीन्ते घोड़ी के ईं असे, जेन्हि मिआई कइ परमेश्वर अपफ जे यक देहेर बणाण लगो असा, जेठि तसे आत्मा भुन्ति। तुस तेस देहेर अन्तर तेन्हि शुचे पुजारी के ईं बि असे, जे यीशु मसीहे बेलि परमेश्वर जे ईं भकत चढ़ान्ते, जे परमेश्वर आत्माई जुए त तसे जोग असा।

1 यूहन्ना 3:16

असी परेमे पता एस केआं लगा कि मसीहे हें लिए अपु प्राण दिते; त असी बि होर विश्वासी के लिए अपु प्राण देण चहिए।