फिलिप्पी 2:15 - Walangi

¹⁵ ताकि इस कलि जुग अन्तर त दुष्ट मेह्‍णु बुच बजन कोई दोषे ना कोई खराबी तुस परमेश्वरे गभुर ईं जीएल। त जीं जोसुण चमक कइ अन्हारे अन्तर मेह्‍णु बथ हरालती, तिहांणि तुं जीण बि मेह्‍णु जीणे सुसुर बथ हरालतु।

फिलिप्पी 2:15 Iomraidhean Croise

मत्ती 10:16

तोउं यीशु हउ बि बोलु, “हेरे, अउं तुसी तीं लंघान्ता जीं कोई शेंखु बुच ढडुड़ रखता। तोउं त, तुस कीड़े ईं खबरदार बिशे त अलणी ईं भोले बणे।

मत्ती 17:17

त यीशु बोलु, “ए अविश्वासी त हठि मेह्‍णुओ! अउं कपल तकर तुसी जोई बिश्ता? कपल तकर तुं सेहन्ता? तस इठि मोउं केईं घिन आई।”

मत्ती 5:45

जेसे करणे बेलि तुस अपु स्वर्गे बोउए गभुर बोलिन्ते, किस कि से खरे बुरे दुहि जे दिस किढ़ता। धर्मी त बेधर्मी दुहि जे से मेघे बि लान्ता।

मत्ती 5:48

तोउं त, अउं बोता कि तुस खरे बण कइ सिद्ध बणे, जीं तुं स्वर्गे बोउ सिद्ध असा।”

लूका 1:6

से दुहिए परमेश्वरे नजर अन्तर धर्मी थिए। से परमेश्वरे हर निआंग त बोक मानणे बाड़े थिए।

लूका 6:35

पर तुस अपु दुश्माण जोई परेम करे। होरी के भलाई करे त दुबारी ना मेणे उम्मीद रख कइ उधार दिए। तोउं, तुं लिए बोडा फल भुन्ता त तुस सर्व शक्तिमान परमेश्वरे गभुर बोलिन्ते, किस कि से बुरे त गुणे लिहाज न रखणे बाड़ी पुठ बि दाह कता।

यूहन्ना 5:35

यूहन्ना जपल तकर जीन्ता थिआ से यक टगड़ा दीया थिआ। त तुसी कुछ देर लिए तसे बोक पुठ खुशी मनाई।

प्रतिनिधि 2:40

पतरसे होरी बि सुआ बोकी के बेलि से समझाए “अपु अपफ इस दुष्ट जमाने मेह्‍णु केआं बचाए।”

प्रतिनिधि 20:30

तुसी अन्तरा बि ईं ईं मेह्‍णु खड़ भुन्ते, जे विश्वासी अपु कना करण जे सच्चाई बुमोरि छते।

रोमी 16:19

तुं खुश खबरी मानणे बारे चर्चा चोहरो कना हू भोई गो असी, त अउं तुं बारे खुश असा। पर अउं ईं चहन्ता कि तुस भलाई लिए अक्लदार त बुराई लिए भले बण बिशे।

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

2 कुरिन्थ 6:17

तोउं त, प्रभु बोता, “तेन्हि पापी मेह्‍णु बिचा तुस इएर आईए, तेन्हि केआं बखरी घिए! त कोई बि जुठी चीज ना छुए, तोउं अउं तुसी धरान्ता।”

इफिसुस 5:27

तेन ई इस बझई जुए किउ ताकि असी अपफ जे यक ईं दुल्हन बणाए, जेस केईं ना कोई दाग धब्बे, त ना कोई खराबी भोल। पर, से शुचा त अब्बल भोल।

फिलिप्पी 1:10

तेस बुद्धि बेलि तुसी पता लगता कि सोबी केआं ज्यादा खरु करुण की असु। तस करणे बेलि मसीह एणे रोज तुं जीवन शुचा त बजन कोई दोषे मेईंयाल।

फिलिप्पी 3:6

में धरम मोउं एत ट्यारा थिआ कि अउं मसीहे सतसंग भुंजान्‍ताथ त नियम मनण अन्तर अउं यकदम धर्मी थिआ।

1 थेस्सलु 5:23

त अभेईं, जे परमेश्वर शान्ति देन्ता, से अपफ तुसी पूरा शुचा करे; त तुं आत्मा, प्राण, त तुं जिसम हें प्रभु यीशु मसीह दुबारी एण तकर बजन कोई दोषे त बचाई रखे।

1 तिमुथि 3:10

इन्हि सेवकी बि पेहले परखुण जरूरी असु। तोउं अगर नरदोष मेईंयेल त से सतसंगे सेवक बणाण।

1 तिमुथि 3:2

त इ जरूरी असु कि मुखिया दोषी ना लौता, त यके जुएली धाणि लौता, फर्तुआटा ना लौता, मेह्‍णु जुए सुसुर बिशणे बाड़ा लौता, जेसे मेह्‍णु इज्जत कते। से सेवा पाणि करणे बाड़ा लौता त बधिया शिचालणे बाड़ा लौता।

1 तिमुथि 5:14

तोउं त अउं इ चहन्ता कि जे जवान विधवा असी, से होरा ब्याह करे। तेन्हि गभुर जमाणण त गीहे ख्याल रखण लौता, ताकि मसीहे केसे दुश्माण असी बदनाम करणे मौका ना मेईंयाल।

1 तिमुथि 5:20

अगर से दोषी भोल त सोबी के सामणे तस समझाण दिए, ताकि होरे मेह्‍णु बि डरियेल।

1 तिमुथि 5:7

सोबी जेईं इन्हि बोकी के बारे शिचाल, ताकि कोई तेन्के बारे बुरी बोक ना करे।

तीतुस 1:6

मुखिया दोषी ना लौता, यक जुएली धाणि लौता, जेसे गभुर बि विश्वासी भो लौते त लूचे होर फुर्तुआटा ना लौते।

तीतुस 2:10

चोरुण नउ; पर अपफ जे पूरा यकीन लेएक त खरा हराले ताकि असी बचाणे बाड़ा परमेश्वरे वचने शिक्षाई इज्जत बधियेल।

तीतुस 2:15

ए तीतुसा, ई सोब बोके सम्हाई जेईं पूरे हक जुए शिचाल, त खबरदार कर। कोई बि तोउ कमजोर ना समझे।

इब्रानी 7:26

तोउं त असी इहांणि यक बोडे पुजारे जरूरत असी जे शुचा, धर्मी, साफ त पापी मेह्‍णु केआं अलग त स्वर्गे सोबी केआं बोडा असा।

1 पतरस 2:12

होरे परमेश्वर ना मानणे बाड़े मेह्‍णु के बुच तुं चाल चलण ईं खरा लौता भो कि जेन्हि जेन्हि बोकी अन्तर से तुसी कुकर्मी मान कइ बदनाम कते, से तुं खरे कम हेर कइ परमेश्वरे एणे रोज तसे गुणगान करियेल।

1 पतरस 2:9

पर तुस यक चुणो वंश, राजे पुजारी के टज, शुचे प्रजा त परमेश्वरे अपु मेह्‍णु भो, ताकि जेन तुस अन्हारे केआं अपु चमत्कारी टगड़ियार अन्तर भिओ असे, तसे किओ चमत्कारे प्रचार करे।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।

प्र. बोके 2:5

तोउं त, तुस याद करे कि कोठि रेही गा, होर अपु मन बदलीण दे त पेहलकण ईं जीं कतेथ, तिहांणि करे। ना त अउं तुसी केईं एई कइ तुं दीये तसे जगाई केईआं घराई छता।

प्र. बोके 3:9

हेर! अउं तेन्हि शैताने दले मेह्‍णु तुं वश अन्तर कइ छता, जे यहूदी बण बिशो असे, पर भिन्थ नओं। से झूठ बोते। हेर, अउं ईं कता कि से एई कइ तुं खुरी पुठ बिश्ते, त ईं बि जाण घेन्ते कि अउं तुसी जोई परेम कता।