फिलिप्पी 1:28 - Walangi

²⁸ से चहे जीं बि करियेल, तुस तेन्हि हेर ना डरे जे तुं विरोध कते। किस कि अगर से तुसी नडर हेरते त तेन्हि पता लग घेन्ता कि परमेश्वर तेन्हि मुकाई छता त तुसी बचान्ता।

फिलिप्पी 1:28 Iomraidhean Croise

मत्ती 10:28

जे सद जिसम मार बटते, पर आत्माई मार ना सकते, तेन्हि हेर न डरुण। पर तेस परमेश्वरे हेर डरे जे जिसम त आत्माई दुहि नर्क अन्तर बरबाद कइ बटता।”

मरकुस 3:3

तेन शुखो हतेउ बाड़े मेह्‍णु जे बोलु, “तु इठि बुच खड़ भो”।

लूका 3:6

त सम्हाई जेईं परमेश्वर मेह्‍णु बचान्ते हेरते।’”

यूहन्ना 16:8

त से एई कइ धरती मेह्‍णु के पापे घाड़ु फुटाणता, परमेश्वरे औजो कम त तसे न्याये बारे बि मेह्‍णु के अगर उगाही दी कइ तेन्हि चुप करान्ता।”

प्रतिनिधि 28:28

“तोउं त, अउं चहन्ता कि तुस ई जाण घिए कि परमेश्वरे ए बचणे समाचार अब गैर यहूदी केईं लंघाओ असा। से जरूर शुणते।”

रोमी 8:17

त किस कि अस तसे गभुर भो त तसे हर यक जुबाने हकदार बि भो। मसीहे साथी भोई कइ असी से सोब जुबाने फल मेता, जे तेन मसीह जे रखो असा। किस कि अगर अस तेस जोई साते दुख सेहेल त परमेश्वर हें धे तेस जोई साते महिमा बि देन्ता।

1 थेस्सलु 2:2

होर ईं बि कि तुं भेएड़ एण केईआं पेहले फिलिप्पी शेहर अन्तर असी पुठ कीं दुख त कष्ट अओ थिआ। फि बि परमेश्वर हेन्धे हिम्मत दिती कि अस सोबी दुख तकलीफ अन्तर बि पूरे जोश जुए परमेश्वरे खुश खबरी तुसी शुणाई।

इब्रानी 13:6

तोउं त, अस विश्वास जोई नडर भोई कइ बोते, “प्रभु में मदत करणे बाड़ा भो। अउं ना डरता। मेह्‍णु में की बिगाड़ सकते?”

प्र. बोके 2:10

जे दुख तुसी सीढ़ण एन्ते, तेन्हि हेर डरे नउ। किस कि हेरे, शैतान तुसी बुचा केहि जेईं जेहेल अन्तर छाणे बाड़ा असा, ताकि तुस परखियेल। तुसी दस रोज तकर दुख तकलीफ सीढ़ण एन्ते। मरण तकर विश्वास कते रिहेल, त अउं तुन्धे जीवन देणे बाड़ा मुकुट देन्ता।