फिलिप्पी 1:25 - Walangi

²⁵ त इसे ध्यान अन्तर रख कइ मोउं पूरा यकीन असा कि अउं इस धरती पुठ जीन्ता रेहन्ता, त तुसी जुए साते बिश कइ मसीह अन्तर तुं खुशी त विश्वास बधान्ता।

फिलिप्पी 1:25 Iomraidhean Croise

लूका 22:32

पर मेईं तोउ जे प्रार्थना की कि तें विश्वास कमजोर ना लौता भुओ। होर जिखेईं तु अपु मन बदलाई कइ मोउं जे वापिस एईयाल त अपु साथी के सुआ कमजोर विश्वास ताकतवर करुं।”

प्रतिनिधि 11:23

जपल से तठि पुजा त परमेश्वरे कृपा हेर कइ खुश भोई गा। तोउं तेन तेन्हि सोबी जे हिम्मत दी कइ बोलु कि पूरे मन जुओई प्रभु भक्ति करे।

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

प्रतिनिधि 20:25

“अब, अउं जाणता कि तुस सोब, जेन्हि बुछ अउं परमेश्वरे राज्ये खुश खबरी प्रचार कता रेहा, में मुंह फिर कदी न हेरते।

रोमी 15:13

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

रोमी 15:18

मसीहे दुतो ताकती बेलि गैर यहूदी मेह्‍णु केईआं परमेश्वर मनाण जे, मेईं जे जे किओ असु, तेन्हि छड़ दी कइ केसे होर बोकी पुठ रोभ लाणे हिम्मत मोउं केईं नेईं। ई सोब मेईं अपु बोके त कमे बेलि किउ, जे शुची आत्माई ताकती बेलिए होरे होरे निशाण त चमत्कारी कमी जुए भो थिउ। त मेईं ना सद यरुशलेम शेहरे चोहरो कना, बल्कि इल्लुरिकुम इलाके तकर जेठि बि अउं गा, मसीहे खुश खबरी प्रचार किआ।

रोमी 15:29

होर अउं जाणता कि जपल अउं तुसी केईं एऊं, त मसीहे सम्हाई अशुश अपफ जुए साते घिन एन्ता।

रोमी 5:2

मसीह अपु कमे बझई जोई विश्वासे बेलि अस परमेश्वरे कृपा तकर पुजाई छो असे त असी तसे कृपा बिझिण बि लगो असी। होर ई उम्मीद पुठ अस सुआ खुश असे कि असी परमेश्वर अपु महिमा अन्तर बिशुण देन्ता।

2 कुरिन्थ 1:24

तुस ई ना समझे कि विश्वासे बारे अस तुसी पुठ हुकुम चलाण चहन्ते। अस त तुसी जुए कम करणे बाड़े असे, ताकि तुस खुश भोई बटियेल। असी पता असा कि तुस विश्वास अन्तर सीरी के ईं टडी कइ बस गो असे।

फिलिप्पी 2:24

त मोउं बि पूरा यकीन असा कि प्रभु चहाल त अउं अपफ बि झट एई घेन्ता।

फिलेमोन 1:22

त छने, मोउं बिशुण जे जगाह जुढ़ेर रख। मोउं भाड़ असी कि तुं प्रार्थनाई बेलिए अउं जेहेल केईआं बाहर निस घेन्ता।

1 पतरस 1:8

तुस यीशु जोई बजन हेरणे परेम कते। होर अब त तेस पुठ बजन हेरणे बि विश्वास कर कइ अत खुश असे कि तुं बुखि हसती त तुं खुशी कोई ठिकाणे नेईं।